ဗဟုသုတ | Posted by ဇာနည်ကျော်
လော့စ်အိန်ဂျလိမြို့၊ ဘရန့်ဝုဒ်အရပ်ရှိ အမေရိကန်ဒုသမ္မတ ခါမလာဟဲရစ်၏ နေအိမ်အနီး ညဘက်သွားလာသူ ၂ ဦး ဖမ်းဆီးခံလိုက်ရသည်။
လော့စ်အိန်ဂျလိ တောမီးကြောင့် ထိုဒေသမှာ evacuation zone အဖြစ် သတ်မှတ်ထားသည်။
လော့စ်အိန်ဂျလိ ရဲတပ်ဖွဲ့ (LAPD) သည် စနေနေ့မနက် ၄း၃၀ အချိန်တွင် ညမထွက်ရ အမိန့် ချိုးဖောက်သူ အမျိုးသား ၂ ဦးကို ဖမ်းဆီးထိန်းသိမ်းခဲ့ကြောင်း NBC Los Angeles သတင်းဌာနက ဖော်ပြသည်။
“သူတို့ ဘယ်နေရာရောက်နေတယ်ဆိုတာကို သိပုံမရဘူး”ဟု LAPD သတင်းရင်းမြစ် တစ်ခုက ပြောသည်။
ဒုသမ္မတ ခါမလာဟဲရစ်၏ နေအိမ်တည်ရှိရာ ဘရန့်ဝုဒ်အရပ်မှာ တောမီးကြောင့် မဖြစ်မနေ ရွှေ့ပြောင်းကြရသည့် ဒေသအဖြစ် သတ်မှတ်ထားသည်။
(ဒုသမ္မတ ခါမလာဟဲရစ်၏ နေအိမ်တည်ရှိရာ ဘရန့်ဝုဒ်အရပ်။ ဓာတ်ပုံ-Google Maps)
လော့စ်အိန်ဂျလိ တောမီးလောင်ကျွမ်းမှု ဖြစ်ပေါ်နေရာ ဒေသဝန်းကျင်နှင့် ကမ္ဘာကျော် ကြယ်ပွင့်တို့၏ ဒေါ်လာ သန်းပေါင်းများစွာ တန်ကြေးရှိ စံအိမ်ကြီးများ တည်ရှိရာ နေရာတို့တွင် ည ၆ နာရီမှ မနက် ၆ နာရီအထိ ညမထွက်ရ အမိန့် ထုတ်ပြန်ထားသည်။
လော့စ်အိန်ဂျလိ တောမီးမှာ နှစ်သစ်ကူးညက မီးရှုးမီးပန်းများကြောင့် စတင်လောင်ကျွမ်းခဲ့ခြင်း ဖြစ်ကြောင်း ယူဆရသည်။
ခါမလာဟဲရစ်၏ ခင်ပွန်းဖြစ်သူ Douglas Emhoff သည် ယခုစံအိမ်ကို ၂၀၁၂ ခုနှစ်က ဝယ်ယူခဲ့ခြင်းဖြစ်ကြောင်း Town and Country က ဖော်ပြသည်။
အိပ်ခန်း ၄ ခန်းပါဝင်ပြီး တန်ကြေး ကန်ဒေါ်လာ ၄ ဒသမ ၇၉ သန်း ရှိသည်။
(ဒုသမ္မတ ခါမလာဟဲရစ်နှင့် ကယ်လီဖိုးနီးယားမှ အုပ်ချုပ်ရေးပိုင်း အကြီးအကဲများ အိမ်ဖြူတော်တွင် တွေ့ဆုံခဲ့ကြပုံ။ ဓာတ်ပုံ-AFP via Getty)
(Pacific Palisades အရပ်တွင် ဇန်နဝါရီ ၁၁ ရက်က အကြီးအကျယ် မီးလောင်ကျွမ်းနေပုံ။ ဓာတ်ပုံ-ZUMAPRESS.Com)
တောမီးကြောင့် လက်ရှိအချိန်အထိ လူ ၅ ဦး သေဆုံးခဲ့ရပြီး ဖြစ်သည်။
ဧကပေါင်း ၂၃၆၀၀ ကျော် မီးလောင်ကျွမ်းခဲ့ပြီးဖြစ်ကာ ၁၁ ရာခိုင်နှုန်းသာ မီးထိန်းနိုင်သေးကြောင်း လော့စ်အိန်ဂျလိ အရာရှိတို့က ပြောသည်။
လော့စ်အိန်ဂျလိ တောမီးသည် Mandeville Canyon, Brentwood ,Bel Air တို့အထိ ဆက်လက်လောင်ကျွမ်းခဲ့ပြီး အဆောက်အအုံပေါင်း ၅၀၀၀ ကျော် မီးလောင်းပျက်စီးသွားခဲ့သည်။
(ဇန်နဝါရီ ၁၁ ရက်က မီးငြှိမ်းသတ်နေသော ရဟတ်ယာဉ်တစ်စီးကို တွေ့ခဲ့ရပုံ။ ဓာတ်ပုံ-AFP)
(ခါမလာဟဲရစ်က အိမ်ဖြူတော်ရှိ ရုစဗဲ့ခန်းမတွင် လော့စ်အိန်ဂျလိ တောမီးအကြောင်း ရှင်းလင်းပြောကြားမှုများ ပြုလုပ်ခဲ့သည်။ ဓာတ်ပုံ-AFP)
အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။
ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
(iMyanmarHouse.com Team မှ ရေးသား ဖော်ပြသည်။)
Credit: iMyanmarHouse.com
Ref: Two people arrested for violating curfew near Kamala Harris’ California home amid wildfires Photo Credit-AFP, zumapress.com