ဗဟုသုတ | Posted by အေးမြတ်သူ
ကျွန်မ၏ အလုပ်သင် ၊ ပညာတပည့်မလေးများဖြစ်သည့် ညိုမီလှိုင်နှင့် မေးသူတို့သည် ကျွန်မ၏ရှေ့နေရုံးခန်းသို့ ခရီးရောက်မဆိုက်ပင် မေးခွန်းများနှင့် ကြိုဆိုကြေပါသည် ။ သူတို့ သိလိုသည်မှာ ချေးငွေကို အိမ်မြေအရောင်းအဝယ် စရန်ပေးငွေအဖြစ် ဖန်တီးထားသည့် ဟန်ဆောင်စာချုပ်သည် တရားဝင်မဝင်နှင့် အကယ်၍စာချုပ်ပါ စရန်ငွေအား ပြန်ပေးရင် သင့်မသင့်ကို နည်းလည်လိုကြ၍ မေးမြန်းကြခြင်း ဖြစ်ပါသည် ။ ကျွန်မက “ ကဲ သမီးတို့ သိလိုတဲ့ကိစ္စကို ဆရာမအနေနဲ့ စီရင်ထုံးနှင့်တကွရှင်းပြပေးပါ့မယ် ။ “ ဒေါ်သန်းတင်နှင့် ဒေါက်တာခင်မောင်ဝင်းပါ ၂ အမှု ၊ ၁၉၈၁ ခုနှစ် ၊ မြန်မာနိုင်ငံ တရားစီရင်ထုံး၊ စာ-၉၆ ” မှာ ကြည့်ရင် အဓိကအားဖြင့်တော့ ဟန်ဆောင်စာချုပ်ကို ဥပဒေအရ အတည်ပြုခွင့်မရှိသဖြင့် ပဋိညာဉ်မမြောက်ပါလို့ သိထားပါမယ် “ ”
“ သမီးတို့ ပိုပြီးနားလည်အောင် ဆရာပြောရရင်တော့ “ ဒေါ်အေးအေးနှင့် ဒေါ်နန်းလီ (ခေါ်) ဒေါ်လီလီလှိုင် ၊ ၂၀၁၁ ခုနှစ် ၊ တရားမဒုတိယအယူခံမှုအမှတ် ၂၂၄ ၊ ၂၀၁၂ ခုနှစ် ၊ မြန်မာနိုင်ငံတရားစီရင်ထုံး ၊ စာ-၁၂၇ ” မှာကတော့ ချေးငွေကို အိမ်မြေအရောင်းအဝယ် စရန်ပေးငွေအဖြစ် ဖန်တီးထားသည့် ဟန်ဆောင်စာချုပ်အပေါ် အခြခံစွဲဆိုသောအမှုတွင် စာချုပ်ပါ စရန်ငွေကို ပြန်ပေးရင် သင့်မသင့်ကို ဆုံးဖြတ်ထားပါတယ် ။ ”
“ အမှုဖြစ်စဉ်ကို ရှင်းပြရရင် ၊မန္တလေးတိုင်းဒေသကြီး တရားရုံး၏ ၂၀၀၉ ခုနှစ် ၊ တရားမမှုကြီးအမှတ် ၁၉၀ တွင် ဒေါ်နန်းလီ(ခ)ဒေါ်လီလီလှိုင်က ဒေါ်အေးအေးအပေါ် ပဋိညာဉ် အတိုင်း ကျန်ငွေ ၁၀၅၂.၅ သိန်း လက်ခံ၍ မြေနှင့်အဆောက်အအုံကို မှတ်ပုံတင်အရောင်းအဝယ်စာချုပ် ချုပ်ဆိုပြီး လက်ရောက်ပေးအပ်စေရန် ၊ ထိုသို့မဖြစ်နိုင်ပါက တရားပြိုင်ရယူထားသော ငွေကျပ် ၁၉၄၇.၅ သိန်း ကို ရုံးတော်က ခွင့်ပြုသည့် အတိုးနှင့် ပြန်ပေးရန် လျှောက်ထားစွဲဆိုရာ ငွေကျပ် ၁၉၄၇.၅ သိန်းကို စရိတ်နှင့်တကွ ပေးစေရန် ဒီကရီရရှိတယ် ။ဒေါ်အေးအေးက မန္တလေးတိုင်းဒေသကြီး တရားလွှတ်တော်၏ ၂၀၁၁ ခုနှစ် ၊ တရားမ ပထမအယူခံမှု အမှတ် ၈၂ တွင် အယူခံသော်လည်း မအောင်မြင်၍ ဤအမှုကို ပြည်ထောင်စုတရားလွှတ်တော်ချုပ်သို့ တင်သွင်းခဲ့ပါတယ် ”
“ အမှုတွင် အယူခံတရားပြိုင် ဒေါ်နန်းလီ (ခ)ဒေါ်လီလီလှိုင်ထံမှ ငွေများ အကြိမ်ကြိမ် ချေးယူခဲ့ပြီး ၄င်းအမည်ပေါက် မန္တလေးတိုင်း ၊ ချမ်းအေးသာဇံမြို့နယ် ၊ ကဉ္စနမဟီရပ်ကွက် ၊ ဦးပိုင်အမှတ် ၄၂-က ၊ ဧရိယာ ၀.၀၃၁၁ ဧကရှိ မြေနှင့်အဆောက်အအုံကို ရောင်းချကာ ပြန်လည်ပေးအပ်မည်ဖြစ်ကြောင်း ကတိပြုသဖြင့် စောင့်ဆိုင်းပေးခဲ့ကြောင်း ၊ အယူခံတရားလိုဒေါ်အေးအေးသည် ၁၅-၆-၂၀၁၈ ရက်နေ့က ၄င်းချေးယူငွေများကို ပြန်လည်ပေးအပ်ခြင်း မပြုနိုင်သဖြင့် အချင်းဖြစ်မြေနှင့် အဆောက်အအုံကို ကျပ်သိန်း ၃၀၀၀ ဖြင့် ရောင်းချလိုကြောင်း ၊ ကမ်းလှမ်းလာရာ နှစ်ဦးသဘောတူ စရန်ငွေကျပ် ၁၉၄၇.၅ သိန်း လက်ခံရယူပြီး အရောင်းအဝယ်စရန်ပေးကတိစာချုပ်ချုပ်ဆိုကြောင်း ၊ အချင်းဖြစ်အိမ်မြေပိုင်ဆိုင်မှု စာရွက်စာတမ်း များပါ ပေးအပ်ခဲ့ကြောင်း ၊ ၁၅-၉-၂၀၀၈ နေ့တွင် ကျန်ငွေ ပေးချေသည်ကို လက်ခံ၍ အိမ်နှင့်မြေ မှတ်ပုံတင်အရောင်းအ၀ယ် စာချုပ်ချုပ်ပြီး လက်ရောက်ပေးအပ်ရန် နှစ်ဖက်သဘောတူကြကြောင်း ၊ယင်းသတ်မှတ်ရက်ကျော်လွန်ပြီးနောက်ပိုင်း ဒေါ်အေးအေးကို ပဋိညာဉ်အတိုင်း ဆောင်ရွက်ပေးရန် ပြောသော်လည်း တစ်စုံတစ်ရာဆောင်ရွက်မပေးသဖြင့် ယခုအမှုစွဲဆိုရကြောင်း အဆိုပြုတယ် ”
“ အယူခံတရားလို ဒေါ်အေးအေးတင်ပြသည်မှာ ဒေါ်နန်းလီထံမှ ငွေ ၁၀၀ ကျပ်လျှင် ၅ ကျပ်အတိုးဖြင့် မြေနှင့်အိမ်ကို အပေါင်ထားပြီး ငွေကျပ် သိန်း ၅၀၀ ကို ချေးယူခဲ့ခြင်းဖြစ်ကြောင်း ၊ မြေနှင့်အိမ်ကို ရောင်းချရန် ကတိမပြုကြောင်း ၊ အချင်းဖြစ်မြေနှင့် အိမ်ကို ဒေါ်အေးအေးနှင့် ကွယ်လွန်သူ ၄င်း၏ခင်ပွန်းတို့က အရွယ်မရောက်သေးသူ သမီးမေသက်ခိုင်အား မှတ်ပုံတင်စာချုပ်အမှတ် ၂၃၆၁ /၉၉ အရ လွှဲပြောင်းပေးအပ်ခဲ့ပြီးဖြစ်ရာ ယခုအခါ မမေသက်ခိုင် အရွယ်ရောက်နေပြီလည်းဖြစ်ကြောင်း ၊ အိမ်မှာ အုပ်ထိန်းသူဆိုသော်လည်း သမီးပိုင်ဆိုင်သော အချင်းဖြစ်အိမ်နှင့်မြေကို သမီးနစ်နာအောင် ရောင်းချခွင့်မရှိပါကြောင်း ချေပခဲ့ပါတယ် ”
“ ဆက်လက်၍ ငွေကျပ်သိန်း ၃၀၀၀ နှင့် ရောင်းချရန် သဘောတူပြီးစရန်ငွေကျပ် ၁၉၄၇.၅ သိန်း ယူခဲ့သည်ဆိုရာတွင် မှန်ကန်ခြင်းမရှိကြောင်း တရားပြိူင် ဒေါ်နန်းလီ၏ဆန္ဒအတိုင်း အလားတူအရောင်းအဝယ်စာချုပ်များကို ၁၅-၈-၂၀၀၆ ရက်နေ့မှ ၁၅-၆-၂၀၀၈ နေ့အထိ (၆)ကြိမ်း ချုပ်ပေးခဲ့ရကြောင်း ၊ချေးငွေ အပေါ် အတိုးအရင်းပေါင်း၍ အိမ်နှင့်မြေကို သိမ်းယူနိုင်ရန် ကြံစည်ပြီး အမှုစွဲဆိုခြင်းဖြစ်ကြောင်း တင်ပြပါတယ် ”
“ အမှု၌ အယူခံတရားလို ဒေါ်အေးအေးနှင့် အယူခံတရားပြိုင် ဒေါ်နန်းလီတို့သည် အချင်းဖြစ် အိမ်မြေနှင့် ပတ်သက်၍ စာချုပ်များကို စရန်ပေးငွေအဆင့်ဆင့် တိုးတက်ပြီး အကြိမ်ကြိမ်ချုပ်ဆိုခဲ့ကြသည့်အပြင် စာချုပ်တိုင်းတွင် “ရောင်းသူမှ ပြန်လည်ဝယ်ယူလိုပါက ယခုရောင်းချဈေး xxxx နှင့်ပင် ပြန်လည်ရောင်းချပါမည်ဟု ဝန်ခံကတိပြုပါသည် ” ဟူ၍ ဖော်ပြသည်ကို တွေ့ရတယ် ။ အယူခံတရားပြိုင်ဒေါ်နန်းလီကိုယ်တိုင် ပြန်လှန်စစ်ဆေးချက်တွင် “ အဆိုပါ သက်သေခံ (က) စရန်ငွေ ကျပ် ၁၉၄၇၅၀၀၀၀/- ကို စာချုပ်ချုပ်သည့်လည်းကောင်း ၊ ထွက်ဆိုချက် စာမျက်နှာ(၆)တွင် ” “ တို့ကြောင့် သက်သေခံ (၁) စရန်ပေး ၅ ကျပ်တိုးနှင့် ချေးသည့်အတွက် ချုပ်ဆိုထားသည့် ဟန်ဆောင်စာချုပ်ဖြစ်သည်ဆိုလျှင် ရောင်းပေါင်စာချုပ် ဖြစ်ပါသည်” ဟုလည်း ကောင်း ဝန်ခံထွက်ဆိုထားပါတယ် ။
“ ဖော်ပြပါ အချက်အလက်များကို ထောင့်ရှုခြင်းဖြင့် သက်သေခံ (က)နှင့် (၁၃) အိမ်ခြေအရောင်းအဝယ် စရန်ပေးစာချုပ်သည် အမှန်စင်စစ် ရောင်းချရန်ရည်ရွယ်ချုပ်ဆိုသည့် စာချုပ်မဟုတ်ဘဲ ချေးငွေအတွက် ဟန်ဆောင်ချုပ်ဆိုခဲ့သော စာချုပ်ဖြစ်နေပါတယ် ”
“ ဟန်ဆောင်စာချုပ်ကို ဥပဒေအရအတည်ပြူခွင့် မရှိသဖြင့် ပဋိညာဉ်မမြောက်ကြောင်းကို ဒေါ်သန်းတင်နှင့် ဒေါက်တာခင်မောင်ဝင်းပါ-၂ အမှုတွင် ကြည့်နိုင်ပါတယ် ”
“ အမှုတွင် ပေါ်လွင်ထင်ရှားရှိသည့်သက်သေခံအချက်များနှင့် အယူခံတရားပြိုင် ဒေါ်နန်းလီ (ခ) ဒေါ်လီလီလှိုင်ကိုယ်တိုင် ထွက်ဆိုဝန်ခံထားသည့် အချက်များသည် ဥပဒေကြောင်းအရ ၊ မည်သို့အကျိုးသက်ရောက်မှု ရှိသည်ကို သုံးသပ်ရန်ပျက်ကွက်ခဲ့ခြင်းဖြစ်သဖြင့် ဒုတိယအယူခံရုံးအနေဖြင့် မူလရုံးနှင့် ပထမအယူခံရုံးတို့၏ ကောက်ယူဆုံးဖြတ်ချက်အပေါ် ဝင်ရောက်စွက်ဖက်ရမည် ဖြစ်တယ် ”
“ ယခုအမှုမှာ ချေးငွေကို အိမ်မြေအရောင်းအဝယ် စရန်ပေးငွေအဖြစ် ၊ ဖန်တီးထားသည့် ဟန်ဆောင်စာချူပ်အပေါ်အခြေခံစွဲဆိုသော အမှုဖြစ်ကြောင်း ပေါ်ပေါက်တယ်၊ ဟန်ဆောင်ချုပ်ဆိုထားသော စာချုပ်နှင့် ပတ်သက်၍ စွဲဆိုသောအမှုကို ခိုင်မာသော အခြေခံမရှိသဖြင့် ပလပ်ရန်ဖြစ်ကြောင်းကို “ ဦးသိန်းအောင်နှင့် ဦးဘသိုက်ပါအမှု ၊ ၁၉၆၆ ခုနှစ် ၊ မြန်မာနိုင်ငံတရားစီရင်ထုံး ၊ စာ - ၁၁၁၁ ” နှင့် “ ဦးခွေး နှင့် ဦးအေးပါ ၂ အမှု ၊ ၁၉၆၅ ခုနှစ် ၊ မြန်မာနိုင်ငံတရားစီရင်ထုံး ၊ စာ-၁၁၁၆ ” တို့တွင် ညွှန်ပြထားပါတယ် ”
“ ထို့ကြောင့် ဤအယူခံအမှုကို ခွင့်ပြူပြီး မူလမန္တလေးတိုင်းဒေသကြီး တရားရုံး၏ စီရင်ချက်နှင့် ဒီကရီ ၊ ယင်းစီရင်ချက် နှင့် ဒီကရီကို အတည်ပြုသော မန္တလေးတိုင်းဒေသကြီး ၊ တရားလွှတ်တော်၏ စီရင်ချက်နှင့် ဒီကရီတို့ကို ပယ်ဖျက်ပြီး ဒေါ်နန်းလီ ၉ခ)ဒေါ်လီလီလှိုင် စွဲဆိုသောအမှုကို စရိတ်နှင့်တကွ ပလပ်လိုက်ပါတယ် ”
“ အဲဒီစီရင်ထုံးအတိုင်း သမီးတို့သိတဲ့ပြဿနာလေးတွေကို နားလည်သွားလိမ့်မယ်လို့ ဆရာမပြောပါရစေ ” ဟု လမ်းညွန်ပြသခဲ့ရပါတော့သည် ။
Credit: ကြာညိုသင်း (ဥပဒေရေးရာ အတိုင်ပင်ခံရှေ့နေ )
