သင်ပိုင်ဆိုင်သည့် မြေနှင့်အဆောက်အဦးကို နှစ်ရှည်ငှါးလိုသော်

ယနေ့ခေတ်တွင် မြန်မာနိုင်ငံ၌ နိုင်ငံခြားသားပိုင် ကုမ္မဏီများနှင့် နိုင်ငံခြားသားများနှင့် ပါဝင်သော ကုမ္မဏီများသည် ရင်းနှီးမြှုပ်နှံမှု အများအပြား လုပ်ကိုင်လာကြသည်ကို တွေ့ရသည် ။ ယင်းသို့ ရင်းနှီးမြှုပ်နှံကြရာတွင် မြေများငှါးရမ်း၍ ဖြစ်စေ ၊ စက်ရုံငှါးရမ်း၍ဖြစ်စေ ၊ နှစ်ရှည်လုပ်ကိုင်လာကြသည်ကိုလည်း တွေ့မြင်နေရပါသည် ။

ဤသို့ဖြင့် မြေနှင့်အဆောက်အဦးကို ငှါးရမ်းသည့်အခါ ကုမ္မဏီနှင့် မြေရှင်တို့ချုပ်ဆိုသည့်စာချုပ်ကို စာချုပ်စာတမ်း မှတ်ပုံတင်ရုံး၌ မှတ်ပုံတင်ကြရသည် ။ မှတ်ပုံတင်စာချုပ်ရာ၌ ကုမ္ပဏီများအနေဖြင့် မြန်မာနိုင်ငံ ရင်းနှီးမြှုပ်နှံမှုကော်မရှင်၏ ခွင့်ပြုမိန့်ပါရှိရပါမည် ။ထို့ပြင် ကုမ္ပဏီ၏မှတ်ပုံတင် လက်မှတ်မူရင်းကိုလည်း တင်ပြရန် လိုအပ်ပါသည် ။

မှတ်ပုံတင်သွင်းရာ၌ မြေရှင်ကိုယ်တိုင် မလာရောက်နိုင်ပါက ကိုယ်စားလှယ်တစ်ဦးဦးမှ လာရောက်၍ မှတ်ပုံတင်နိုင်သည် ။ထို့အတူ ကုမ္ပဏီပိုင်ရှင်မှ ကိုယ်တိုင်မလာရောက်နိုင်ပါက ကိုယ်စားလှယ်တစ်ဦးဦးက လာရောက်၍ မှတ်ပုံတင်သွင်းနိုင်ပါသည် ။ သို့သော် ကိုယ်စားလှယ်လွှဲစာသည် လွှဲအပ်သူ နေထိုင်ရာအရပ်တွင် ရှိသည့် စာချုပ်စာတမ်းမှတ်ပုံတင်ရုံးမှ လွှဲအပ်ထားသော ကိုယ်စားလှယ်လွှဲစာ ဖြစ်ရပါမည် ။ကုမ္ပဏီဖြစ်ပါက လက်မှတ်ရေးထိုးသူသည် ကုမ္ပဏီအစည်းအဝေးမှတ်တမ်းအရ တာဝန်ပေးအပ်ထားသူ ဖြစ်ရပါမည် ။

နိုင်ငံခြားသားပိုင်ကုမ္ပဏီမှ နိုင်ငံခြားသား ဘာသာစကားတစ်မျိုးမျိုး (ဥပမာ-အင်္ဂလိပ်စာ )ဖြင့် ချုပ်ဆိုထားလျှင် လျင်မြန်ဘာသာပြန်ဆိုချက် ပူးတွဲပါရှိရပါမည် ။ငှါးရမ်းစာချုပ် ချုပ်ဆိုရန်အတွက် မြေပုံ/မြေရာဇဝင်တင်ပြရပါမည် ။စသည့် အချက်များ ပါဝင်သည့် နှစ်ရှည်မြေငှါးစာချုပ်ချုပ်ဆိုရာတွင် လိုအပ်ချက်များကို ရန်ကုန်မြို့စာချုပ်စာတမ်းမှတ်ပုံတင်ရုံးမှ ရှာဖွေ၍ တင်ပြလိုက်ပါသည်။

နှစ်ရှည်မြေငှါးစာချုပ် မှတ်ပုံတင်ရာတွင် ပြည့်စုံရမည့်အချက် (၁၇)ချက်ရှိ

(က) မည်သည့်စာချုပ်မဆို (၄)လအတွင်း မှတ်ပုံတင်သွင်းရမည် ။

(ခ) ကပ်တံဆိပ်ခေါင်း ၊ နှိပ်တံဆိပ်ခေါင်း လုံလောက်စွာ ကပ်ထားရမည် ။

(ဂ) နိုင်ငံခြားသားပိုင် (သို့မဟုတ်) နိုင်ငံခြားသားပါဝင်သည့် ကုမ္ပဏီများအား မြန်မာနိုင်ငံ ရင်းနှီးမြှုပ်နှံမှု ကော်မရှင်၏ ခွင့်ပြုမိန့်နှင့် ကုမ္ပဏီမှတ်ပုံတင် လက်မှတ်မူရင်နှင့် မိတ္တူ ။

(ဃ) အငှါးချထားခံရသူ ကုမ္ပဏီ (သို့မဟုတ်) အငှါးချထားသူ (မြေရှင် ) သည် ကုမ္ပဏီဖြစ်ပါက မြေ(သို့မဟုတ်) အဆောက်အဦး ငှါးရမ်းစာချုပ်ချုပ်ဆိုရာ တွင် လက်မှတ်ရေးထိုးသူသည် ကုမ္ပဏီ၏ အသင်းဖွဲ့စည်းမျဉ်းနှင့်အညီ ပြုလုပ်ထားသော အစည်းအဝေ မှတ်တမ်းအရ တာဝန်ပေးထားသူ ဖြစ်ရမည် ။

(င) အစိုးရအဖွဲ့အစည်းတစ်ရပ်ရပ်၏ ကိုယ်စားလက်မှတ်ရေးထိုးပါက သက်ဆိုင်ရာ အဖွဲ့အစည်း၏ တာဝန်ပေးအပ်သည့် ရုံးစာမူရင်း။

(စ) ကိုယ်စားလက်မှတ်ရေးထိုးသည့် နေရာများ၏အောက်တွင် ကုမ္ပဏီဖြစ်ပါက အစည်းအဝေးနေ့စွဲအမှတ်စဉ် ၊ အစိုးရအဖွဲ့အစည်းဖြစ်ပါက နေ့စွဲနှင့် ရုံးစာအမှတ် ၊ ကိုယ်စားလှယ်လွှဲစာဖြစ်က မည်သည့်ရုံး၏ နေ့စွဲကိုပါ ကိုယ်စားလှယ်လွှဲစာအမှတ်တို့အရ လက်မှတ်ရေးထိုးကြောင်း ဖော်ပြပါရှိရမည်။

(ဆ) နိုင်ငံခြားသားကိုယ်တိုင် မှတ်ပုံတင်သွင်းမည်ဆိုပါက ယင်း၏ Pass Port ဖြစ်ပြီး လူကိုယ်တိုင် လာရောက်ရမည် ။

(ဇ) ကုမ္ပဏီ၏ ကိုယ်စားပြုမှတ်ပုံတင် သွင်းမည့်သူများမှာ နိုင်ငံသားဖြစ်လျှင် နိုင်ငံသားကဒ်မူရင်း၊ မိတ္တူတို့ဖြင့် လူကိုယ်တိုင်လာရောက်ရမည် ။

(ဈ) အငှါးချထားသူ (မြေရှင်) ကိုယ်တိုင် ချုပ်ဆိုလျှင်ဖြစ်စေ (သို့မဟုတ်) ကိုယ်စားလှယ်လွှဲအပ်သူတို့မှ ချုပ်ဆိုလျှင်ဖြစ်စေ ချုပ်ဆိုသူတို့၏ နိုင်ငံသားကဒ်မူရင်းနှင့် မိတ္တူ ။

(ည) ကိုယ်စားလှယ်လွှဲစာသည် လွှဲအပ်သူနေထိုင်ရာအရပ်ရှိ စာချုပ်စာတမ်းမှတ်ပုံတင်ရုံးတွင် လွှဲအပ်ထားသည့် ကိုယ်စားလှယ်လွှဲစာ ဖြစ်ရမည် ။

(ဋ) ကိုယ်စားလှယ်လွှဲစာဖြင့် လက်မှတ်ရေးထိုးပါက ကိုယ်စားလှယ်လွှဲစာမရုပ်သိမ်းသေးကြောင်းနှင့် လွှဲအပ်သူ သက်ရှိထင်ရှားရှိကြောင်း တရားရုံးများ ကျမ်းကျိန်လွှာပါရှိရမည် ။

(ဌ) သက်သေ(၂)ဦး လက်မှတ်ရေးထိုးရမည် ။ သက်သေတို့ကိုင်ဆောင်သည့် နိုင်ငံသားစိစစ်ရေးကဒ် (သို့မဟုတ်) Past Port မူရင်း ၊ မိတ္တူနှင့်အတူ လူကိုယ်တိုင်လာရောက်ရမည် ။

(ဍ ) ချုပ်ဆိုထားသည့် စာချုပ်များသည် နိုင်ငံခြားသာပိုင် ကုမ္ပဏီများဖြစ်၍ နိုင်ငံခြားသား ဘာသာစကားတစ်မျိုးမျိုးဖြင့် ချုပ်ဆိုထားပါက ပြည်ထောင်စုမြန်မာနိုင်ငံဖွဲ့စည်းပုံ အခြေခံဥပဒေအပိုဒ်-၄၅၀ အရ ရုံးသုံးဘာသာစကားသည် မြန်မာစာဖြစ်သည်ဟု ပြဋ္ဌာန်းထားသဖြင့် ဘာသာပြန်ဆိုချက် ပူးတွဲပါရှိရမည် ။

( ဎ ) မြေငှါးစာချုပ်တွင် ဖော်ပြသည့် မြေ (အငှါးချထားမည့်မြေ ) မှာ ရန်ကုန်မြေစည်ပင်သာယာနယ်နိမိတ်အတွင်း ကျရောက်သည့်မြေဖြစ်မှသာ ရန်ကုန်မြို့ ၊ စာချုပ်စာတမ်းရုံးတွင် မှတ်ပုံတင်ပေးနိုင်မည် ။နယ်မြို့များဖြစ်ပါက မြို့နယ် လယ်ယာမြေစီမံခန့်ခွဲရေးနှင့် စာရင်းအင်းဦးစီးဌာန စာချုပ်စာတမ်းမှတ်ပုံတင်ရုံးတွင် မှတ်ပုံတင်ရမည် ။

(ဏ) အငှါးချထားမည့်မြေနှင့်ပတ်သက်၍ သက်ဆိုင်ရာဌာနမှ တည်ဆဲနှစ်အတွင်း ထုတ်ပေးသည့် (မြေငှါးစာချုပ်ချုပ်ဆိုရန် (သို့မဟုတ်) အငှါးစာချုပ်ချုပ်ဆိုရန် (သို့မဟုတ်) ငှါးရမ်းစာချုပ်ချုပ်ဆိုရန်ဟု ဖော်ပြထားသည့် ) မြေပုံ နှင့် မြေရာဇဝင်ပါရှိရမည် ။

(တ) တိုက်ခန်းများ ငှါးမည်ဆိုပါက ယင်းတိုက်ခန်းနှင့် ပတ်သက်သည့် ဆိုင်ရေးဆိုင်ခွင့်စာချုပ်များမှာ မှတ်ပုံတင်လိုမှ တင်နိုင်သော စာချုပ်အမျိုးအစား ဖြစ်သော်လည်း စာချုပ်ပါတန်ဖိုးနှင့်အညီ တံဆိပ်ခေါင်းခွန် ထမ်းဆောင်ထားသောစာချုပ်ဖြစ်ရမည် ။ (တံဆိပ်ခေါင်းခွန် ထမ်းဆောင်မထားပါက ယင်းစာချုပ်ကို သက်ဆိုင်ရာအခွန်ဦးစီးဌာနသို့ ပေးပို့သွားမည် ။)

(ထ) စာချုပ်ပါစကားရပ်များတွင် ငှါးရမ်းမည်ပစ္စည်းတည်နေရာကို ပြည့်စုံစွာ ဖော်ပြထားရမည် ။

အထက်ပါအချက်(၁၇)ချက် ပြည့်စုံပါက မြေဖြစ်စေ ၊ တိုက်ခန်းဖြစ်စေ ၊ အဆောက်အဦးဖြစ်စေ ၊ နှစ်ရှည်မြေငှါးစာချုပ်ချုပ်ဆိုရာတွင် အခက်အခဲမရှိ ဆောင်ရွက်နိုင်မည်ဖြစ်၍ ရှာဖွေတင်ပြရကျိုးနပ်သည်ဟု မိမိကိုယ်မိမိ ကျေနပ်မိပါတော့သည်။

လိုလျှင်ကြံဆ နည်းလမ်းရကြပါစေ

Credit: လွှတ်တော်ရှေ့နေမောင်ကောင်းဖေ