ရောက်တဲ့အရပ်မှာ ပျော်ပါစေ

ရည်မှန်းချက်ဆိုတာကတော့ ထားကြရမည်။ ဒါပေမယ့် ရည်မှန်းချက်တိုင်းရောက်ခဲ့ သည်တော့မဟုတ်။ လုပ်ရင်းနှင့်တွေ့သွားသည့် ရည်မှန်းချက်များသာ အတော်များများ အောင်မြင်သွားသည်က များသည်။ ငယ်စဉ်ကထားသည့် ရည်မှန်းချက်ဆိုသည်က အများသား။ အောင်မြင်တဲ့ စီးပွားရေးလုပ်ငန်းရှင်တစ်ယောက်ဖြစ်ဖို့ထက် ပေါ်ပြူလာဖြစ်မည့် ရည်မှန်းချက်များကိုသာ ထားတတ်ကြ သည်။ ထိုရည်မှန်းချက်များသည် အသက်တစ်နှစ်ကြီးသွားလိုက် တစ်ခုလျော့သွားလိုက်နှင့် ကြွယ်ဝသော အသိဉဏ်စစ်ထုတ် မှုနောက်မှ ဆန်ကာတင်ကျန်ခဲ့သည်က တစ်ခုသောရည်မှန်း ချက်သာဖြစ်သည်။ ဒါသည်လည်း ကြီးပွားချမ်းသာရမည်ဆို သည့် ရည်မှန်းချက်ဖြစ်ကောင်းမှ ဖြစ်မည်။

ဒါပေမယ့် လူတိုင်းမှာ မျှော်မှန်းချက်တွေ ကိုယ်စီ နှင့်ရှိကြသည်။ ၀ါသနာကို အရင်းတည်ပြီး ထိုဝါသနာနှင့်ကိုက် ညီမည့် ရည်မှန်းချက်တို့ကို ထားကြသည်ကများပါသည်။ ထို မျှော်မှန်းချက်၊ ရည်မှန်းချက်လေးကို ရင်မှာမွေးဖွားပြီး နှီးနွယ်ရာ လုပ်ငန်းတို့တွင် ၀င်ရောက်အလုပ်လုပ်ကြသည်။ တစ်ခါတစ်ရံ တွင် ၀ါသနာကို အရင်းခံထားသဖြင့် ငွေကြေးကြီးပွားမှုနှင့် တိုင်းတာလျှင် နှာခေါင်းရှုံ့စရာ ရည်မှန်းချက်များလည်း ဖြစ်ကောင်းဖြစ်နေတတ်သည်။ ၎င်းရည်မှန်းချက်သည်ပင် သူ့ဘ၀ အတွက် ပျော်ရွှင်မှုဖြစ်နေတတ်သည်။ ဒါကိုဘေးလူအနေနှင့် ကြည့်လျှင် အတော်ရူးနမ်းသောသူဟု အထင်ရောက်တတ်ကြသည်။ အထင်သေးခြင်းကိုလည်း ခံကြရတတ်သည်။

ရည်မှန်းချက်ဆိုသည်ကလည်း အတော်ကိုထူးဆန်းသည်။ ပညာအပေါ်ရည်မှန်းချက်ထားသူ၊ ငွေကြေးအပေါ် ရည်မှန်းချက်ထားသူ၊ ထင်ပေါ်လိုမှုအတွက် ရည်မှန်းချက်ထား သူ စသဖြင့် လူအမျိုးမျိုး စိတ်အထွေထွေနှင့် ရည်မှန်းချက် အထွေထွေကို တွေ့ရသည်။

ဆရာဝန်ဘွဲ့ရရမည်ဟု ရည်မှန်းချက်ထားပြီး ကျား ကုတ်ကျားခဲကြိုးစားသည်။ တကယ်လည်း ဆရာဝန်ဘွဲ့ရကြ သည်။ သို့သော် ဆရာဝန်အလုပ်ကို လက်လွှတ်ပြီး အဆိုတော် လုပ်သူတွေ အတော်များများရှိနေကြသည်။ ယခုကာလ ရုပ်ရှင် သရုပ်ဆောင်များ၊ အဆိုတော် အတော်များများသည် ဆရာဝန် ဘွဲ့ရ အနုပညာသရုပ်ဆောင်များအဖြစ် တွေ့ရသည်။

အချို့ဆရာဝန်ဘွဲ့ရအောင်လုပ်ကြပြီး တကယ်လုပ်သည်က အခြားစီးပွားရေးဖြစ်သည်။ မြန်မာနိုင်ငံတွင် ထင်ရှားသည့် မုန့်တိုက်တစ်ခုကို တည်ထောင်ထားသော ပုဂ်္ဂိုလ်တစ် ယောက်သည် ဆရာဝန်တစ်ဦးဖြစ်သော်လည်း ၎င်းင်း၏မုန့်လုပ်ငန်းကိုသာ အောင်မြင်ပေါက်မြောက်အောင်ကြိုးစားလုပ်ဆောင်ခဲ့ရာ အထူးပင်အောင်မြင်ခဲ့သည်။ အောင်မြင်သည့် အမှတ်တံဆိပ် ကိုလည်း တည်ဆောက်နိုင်ခဲ့သည်။ ၎င်းမုန့်လုပ်ငန်းရှင်၏ အဓိကရည်မှန်းချက်သည် ဘာဆိုသည်က ၎င်းကိုယ်တိုင်မှလွဲလျှင် ဘယ်သူသိနိုင်မည်နည်း။ ရည်မှန်းချက်က ပညာရေးလား၊ စီးပွားရေးလား၊ လက်ရှိရလဒ်နှင့် ကြည့်လျှင်တော့ စီးပွားရေး သည် အဓိကဖြစ်စရာရှိသည်။ တွက်ကြည့်လျှင် ၎င်းဘ၀တွင် နှစ်ခုစလုံးတော့ အောင်မြင်ခဲ့သည်ဟု ပြောရမည်။

နောက်တစ်ခုတွေ့ရသည်က ၀ါသနာကို ရည်မှန်းချက် ထားပြီး ထိုဝါသနာကိုပင် အရင်းတည်ထား၍ ၎င်းနှင့်ဆက်နွယ် ရာကို အောင်မြင်ဖြစ်ထွန်းအောင် ကြိုးစားပြီး ကြီးပွားလာသည့် ပုဂိ်္ဂုလ်တို့လည်း တွေ့ရသည်။

င်္FAME ဆေးဝါးထုတ်လုပ်ရေးလုပ်ငန်းကို လုပ်ကိုင်သည့် ဒေါက်တာခင်မောင်လွင်သည် ဆရာဝန်ဘွဲ့ရပုဂိ်္ဂုလ် တစ်ဦးဖြစ်ပြီး ၎င်းအနေနှင့် ဆေးဝါးထုတ်လုပ်မှုအပေါ်ထားရှိ သည့် ကျွမ်းကျင်မှု စိတ်ပါဝင်စားမှုက နားထောင်နေရသူများ အတွက် အားကျလောက်စရာ အပြောအဆိုတို့ကို တွေ့ရသည်။ ၀ါသနာကို အရင်းခံထား၍ဖြစ်မည်ထင်သည်။ ၎င်းထုတ်လုပ်သည့် ဆေးဝါးများနှင့်ပတ်သက်၍ အင်တာဗျူးမေးမြန်းခန်းတို့တွင် ဒိုးဒိုးဒေါက်ဒေါက်နှင့် အထစ်အငေါ့မရှိ အာဝဇ္ဇန်းကောင်းကောင်း နှင့် ဆေးအမယ်တို့တွင် ပါဝင်သည့်ဓာတ်ပစ္စည်းများကို ရှင်းပြ နေသည်မှာ ထိုပညာရပ်တို့အပေါ်တွင် မည်မျှစိတ်ဝင်စားသည်ကို ၎င်း၏ဖြေဆိုမှုတို့က သက်သေခံနေသည်။ ၀ါသနာကိုအရင်းခံ သည့် ရည်မှန်းချက်ဖြစ်မည်ဟု ယူဆပါသည်။ ထိုအခါ ၀ါသနာ ကို အရင်းခံသည့် အောင်မြင်မှုဖြစ်သဖြင့် ဆရာရောက်နေသည့် ယခုနေရာသည် ဆရာ၏ပျော်မွေ့ရာဖြစ်မည်ဟုလည်း ဆရာ့ အခြေအနေကိုကြည့်ပြီး တွက်ဆမိသည်။

အချို့သောသူများ၏ ရည်မှန်းချက်သည်ကား ကာလ အပိုင်းအခြားတစ်ခုအတွင်း ငွေကြေးမည်မျှ ပိုင်ဆိုင်ရမည်ဟူ သော ရည်မှန်းချက်တို့နှင့် ငွေရှာကြသည်။ အောင်မြင်အောင် လည်း မရရအောင်လုပ်ကြသည်။ ထိုအခါ ရည်မှန်းချက်ပြည့်မီ ဖို့အတွက် အချို့သောကိစ္စရပ်များတွင် တရားခြင်း၊ မတရားခြင်း တို့ကို လျစ်လျူရှုသည့်အဖြစ်သို့ ရောက်သွားတတ်ကြသည်။ နဂိုမအောင်မြင်ခင်က ကောင်းစိတ်အခံနှင့် အောင်မြင်လာလျှင် ဘာကုသိုလ်ကောင်းမှုတွေ၊ ပရဟိတလုပ်ငန်းတွေလုပ်မည်၊ မိမိနှင့်ဆက်နွယ်ရာ ၀န်ထမ်းကောင်းတွေကို အောင်မြင်မှုအတွက် ဆုလဒ်ကောင်းတွေပေးမည်ဟူသော ရည်ရွယ်ချက်ကောင်းတို့ရှိ ခဲ့ကြသော်လည်း ငွေကြေးရလိုမှု၏နောက်တွင် ထိုစိတ်တို့ တဖြည်းဖြည်း လျော့ပါးပျောက်ဆုံးသွားသည်တို့ရှိကြသည်။ မိမိ၏လုပ်ငန်း၊ မိမိ၏အောင်မြင်မှုလမ်းကြောင်းကို ထောက်ကူ ရာ ရေသောက်မြစ်များ၊ ခက်လက်အမြစ်များကို ဖြတ်တောက် မိသည်အထိ ဖြစ်သွားတတ်သည်။ ““ရေဗူးပေါက်တာမလိုချင် ဘူး၊ ရေပါတာပဲ လိုချင်သည့်””အဖြစ်သို့ ရောက်သွားတတ်သည်။ မရလျှင်မပျော်၊ ရမှပျော်မည့်အဖြစ်သို့ ရောက်သွားသည်။ ကြီးပွားရေးစိတ်တစ်ကြောင်းတည်းနှင့် ထိုနေရာသို့ရောက်နေ သော်လည်း ရောက်သည့်အရပ်မှာပျော်ပါမည်လား။

ဆိုလိုချင်သည်က ရည်မျှော်မှန်းချက်ပန်းတိုင်ကို လူတိုင်းကိုယ်စီတွင် ထားကြရပါမည်။ ထားသည့်အတိုင်းလည်း ရောက် အောင်သွားကြရပါမည်။ ၀ါသနာကို အရင်းခံသည့် မျှော်မှန်း ချက်ပန်းတိုင်သည် မရောက်ခင်ကြိုးစားနေရသည်ကိုက ပျော်မွေ့ဖွယ်ဖြစ်သလို ရောက်သွားလျှင်လည်း ကျေနပ်ပီတိတို့နှင့် မြတ်နိုးနေပါလိမ့်မည်။

ထို့ကြောင့် “ရောက်တဲ့အရပ်မှာပျော်နိုင်ဖို့” မိမိ၏ အောင်မြင်မှုအာသာကိုဖြည့်ဆည်းရင်း အများကိုမျှဝေနိုင်သည့် စိတ်ကိုလည်း မမေ့ပျောက်အောင် သတိထားမွေးမြူနေသင့်လှ ပါတော့သည်။

ခင်ခင်သာ ( iMyanmarHouse.com အိုင်မြန်မာဟောက်စ်ဒေါ့ကွန်း) မှ အထူးရေးသားဖော်ပြသည်။ Credit: iMyanmarHouse.com