မြေယာနှင့် အဆောက်အအုံများ အဝယ်မမှားစေဖို့

မြေငှားဂရန်သက်တမ်းကုန် မြေနှင့် အဆောက်အအုံကို ဝယ်မည်ဆိုလျှင် ဦးစွာ ပထမအနေဖြင့် မြေငှားဂရန် သက်တမ်းတိုးဖို့ လိုပေသည်။

အကယ်၍ မြေကွက် အမည်ပေါက်သူမှာ ကွယ်လွန်သွားပါက တရားရုံး၏ အမိန့်ဒီဂရီအရဖြစ်စေ၊ အမွေထိန်းစာတို့အရ ဖြစ်စေ၊ ဂရန်သက်တမ်း တိုးနိုင်ပါသည်။

ဂရန်သက်တမ်းတိုးပြီးမှသာ အရောင်းအဝယ် မှတ်ပုံတင်စာချုပ်ကို ချုပ်ဆိုနိုင်မည် ဖြစ်သည်။ သို့ရာတွင် တရားရုံး၏ အမိန့်ဒီဂရီအရဆိုလျှင် ဂရန်သက်တမ်းကုန်သော်လည်း မှတ်ပုံတင် အရောင်းအဝယ် စာချုပ်ကို ချုပ်ဆိုနိုင်ပေသည်။

ဤသည်နှင့် စပ်လျဉ်း၍ " ဦးစိန့် (၄င်း၏ အထွေထွေကိုယ်စားလှယ်စာရသူ  ဦးဝင်းကျော်) နှင့် ဒေါ်ခင်ငြိမ်း၊ ၁၉၉၃ ခုနှစ်၊ မြန်မာနိုင်ငံ တရားစီရင်ထုံး စာ မျက်နှာ ၂၆" အမှုမှာ- - မန္တလေးတိုင်း တရားရုံးတော်၌ ဒေါ်ခင်ငြိမ်းက ဦးစိန့်အပေါ် မန္တလေး အနောက်မြောက် မြို့နယ်၊ အနှိပ်တော်ရပ်ကွက်၊ အကွက် အမှတ် (၃)၊ ဦးပိုင်အမှတ် (၁၂၈)ရှိ မြေနှင့် ယင်းမြေပေါ်ရှိ အကျိုးခံစားခွင့် အရပ်ရပ်တို့ကို ပိုင်ဆိုင်ကြောင်း မြွက်ဟကြေညာပေးရန်နှင့် ပဋိဥာဉ်အရ အရောင်းအဝယ် မှတ်ပုံတင်စာချုပ် ချုပ်ဆိုပေးရန် စွဲဆိုရာ အနိုင်ဒီဂရီ ရရှိခဲ့သည်။

- ဒေါ်ခင်ငြိမ်းက ယင်းအနိုင်ဒီဂရီကို မန္တလေးတိုင်း တရားရုံး ဇာရီမှုတွင် အရောင်းအဝယ် မှတ်ပုံတင်စာချုပ် ချုပ်ဆိုပေးစေရန်နှင့် တရားစရိတ်များ ပေးစေရန်အတွက် အတည်ပြု ဆောင်ရွက်ခဲ့သည်။

- ဦးစိန့်က အရောင်းအဝယ်စာချုပ် ချုပ်ဆိုရန်နှင့် ပတ်သက်၍ အချင်းဖြစ်မြေ၏ ဂရန်သက်တမ်းမှာ ကုန်ဆုံးသွားပြီဖြစ်သောကြောင့် မြေနှင့် စပ်လျဉ်းသည့် အခွင့်အရေး တစ်စုံတစ်ရာ မရှိတော့၍ ဥပဒေနှင့်အညီ တရားဝင်လွှဲပြောင်း ရောင်းချနိုင်တော့မည် မဟုတ်ကြောင်းဖြင့် ကန့်ကွက်သည်။

- တိုင်းတရားရုံးမှ ဦးစိန့်၏ ကန့်ကွက်ချက်ကို လက်မခံ၊ ပယ်လိုက်သဖြင့် ဦးစိန့်မှ တရားရုံးချုပ်သို့ အယူခံဝင်လာခြင်း ဖြစ်သည်။

တရားရုံးချုပ်က သုံးသပ် ဆုံးဖြတ်သည်မှာ  - ဒေါ်ခင်ငြိမ်းနှင့် ဦးစိန့်တို့ အရောင်းအဝယ်ပြုလုပ်ခဲ့သည့် (၂၇-၁-၈၄)နေ့က ဂရန်သက်တမ်း ကုန်ဆုံးခြင်း မရှိပေ။ 

- သို့ဖြစ်၍ ရောင်းချစဉ်က ဦးစိန့်သည် ဂရန်သက်တမ်း ကုန်ဆုံးခြင်း မရှိသော မြေကို ရောင်းချခဲ့ပြီး ဒေါ်ခင်ငြိမ်းက လက်ရောက်ဝယ်ယူခဲ့သည်ဖြစ်၍ တရားဝင် ပိုင်ဆိုင်မှုရှိသော အခြေအနေတွင် ရောင်းချခဲ့သည်ဟု ဆိုရမည် ဖြစ်သည်။

- ထို့နောက်တွင်မှ ဦးစိန့်က မှတ်ပုံတင် အရောင်းအဝယ် စာချုပ်ပြုလုပ် ချုပ်ဆိုပေးရန် ပျက်ကွက်သဖြင့် ဒေါ်ခင်ငြိမ်းက တရား စွဲဆိုရခြင်းဖြစ်ရာ

- နောက်ပိုင်းတွင် ဂရန်သက်တမ်း ကုန်ဆုံး၍ မှတ်ပုံတင် ပြုလုပ်ပေးရန် အခွင့်အရေး မရှိတော့ကြောင်း ဦးစိန့်၏ ကန့်ကွက်ချက်ကို လက်ခံနိုင်ရန်အကြောင်း မရှိနိုင်ပေ။

- ဒေါ်ခင်ငြိမ်းက ဦးစိန့်အပေါ် စွဲဆိုခဲ့သော မူလတရားမကြီးမှု၏ အနိုင်ဒီဂရီမှာ တည်မြဲလျက်ရှိသဖြင့် ဦးစိန့်သည် ယင်းအမိန့်ဒီဂရီကိုလိုက်နာရန် တာဝန်ရှိသည်။

- ဂရန်သက်တမ်း ကုန်ဆုံးနေခြင်းကြောင့် ဦးစိန့်မှ ဒီဂရီအတိုင်း လိုက်နာရန် တာဝန်မရှိဟု ဆိုရန် အကြောင်းမရှိပေ။

- အရောင်း အဝယ်မှတ်ပုံတင်စာချုပ်ချုပ်ဆိုပြီး နောက်တွင် ဂရန်သက်တမ်းတိုး ရရှိရေးအတွက် ဆောင်ရွက်ရန်မှာဒေါ်ခင်ငြိမ်း၏ တာဝန်သာ ဖြစ်သည်။

- သို့ဖြစ်၍ ဂရန်သက်တမ်း ကုန်ဆုံးနေခြင်းကြောင့် ဦးစိန့်က အမိန့်ဒီဂရီ အတိုင်း အရောင်းအဝယ်စာချုပ် ချုပ်ဆိုပေးရန် အခွင့်အရေးမရှိဟူသော အချက်မှာ မှန်ကန်မှုမရှိချေ။  - ထို့ကြောင့် မူလတရားရုံး၏ အမိန့်ကို အတည်ပြုပြီး ဤအယူခံမှုကို ပလပ်လိုက်သည်ဟု ဆုံးဖြတ်ခဲ့ပေသည်။

ထိုအချက်များကြောင့် မြေဂရန်သက်တမ်း ကုန်သော်လည်း ဥပဒေနှင့်အညီ အရောင်း အဝယ်ပြုလုပ်နိုင်ကြောင်း တွေ့ရမည်ဖြစ်သည်။

ဤတွင် ဆက်စပ်၍ သတိပြုရမည့်အချက်မှာ 'မြေငှား ဂရန်မိတ္တူဖြင့် အရောင်းအဝယ် ပြု ကြသည့်ကိစ္စ' ဖြစ်သည်။

အကြောင်းအမျိုးမျိုးကြောင့် မြေငှားဂရန်မူရင်း ပျောက်ဆုံးသွားပါက သက်ဆိုင်ရာမြို့ပြ မြေယာဌာနတွင် မြေငှားဂရန်မိတ္တူ ထုတ်ပေးရန် လျှောက်ထားနိုင်သည်။

ရန်ကုန်မြို့တွင် ရန်ကုန်မြို့တော် စည်ပင်သာယာရေးကော်မတီ မြို့ပြမြေယာဌာနတွင် လည်းကောင်း၊ မြို့ရွာအိုးအိမ်ဦးစီးဌာနတွင် လည်းကောင်း လျှောက်ထား နိုင်ပါသည်။

ထိုကဲ့သို့မြေငှားဂရန် မိတ္တူ လျှောက်ထားရာတွင်  - အမည်ပေါက် ကိုယ်တိုင်လျှောက်ထားရမည် ဖြစ်ပြီး

- ပိုင်ဆိုင်ကြောင်း မှတ်ပုံတင်စာချုပ် စာတမ်းများ၊

- ရဲစခန်း တိုင်တန်းချက်တို့နှင့်အတူ သက်ဆိုင်ရာသို့ လျှောက်ထားရသည်။

အကယ်၍ မြေကွက်အမည်ပေါက်သူ ကွယ်လွန်သွားပါက - တရားရုံး၏ အမိန့ဒီဂရီအရ ဖြစ်စေ၊ -အမွေထိန်းစာတို့အရဖြစ်စေ မြေငှားဂရန်မိတ္တူကို လျှောက်ထားနိုင်ပေသည်။  အဆိုပါလျှောက်ထားချက်ကို သက်ဆိုင်ရာ မြေယာဌာန သို့မဟုတ် ရန်ကုန်မြို့တော်စည်ပင်သာယာရေးကော်မတီက သတ်မှတ်ထားသော လျှောက်လွှာပုံစံနှင့် ပိုင်ဆိုင်မှုအထောက်အထားများကို ပြည့်စုံမှု ရှိ၊ မရှိစိစစ်ပြီး လက်ခံဆောင်ရွက်ပေးပါသည်။

ရန်ကုန်မြို့တော် စည်ပင်သာယာရေး ဥပဒေအရ မြေငှားဂရန်မိတ္တူ ထုတ်ပေးနိုင်ရန်အတွက် ကန့်ကွက်လိုပါက ကန့်ကွက်နိုင်ရန် နေ့စဉ်ထုတ် သတင်းစာ တစ်စောင်တွင် ကြော်ငြာတစ်လ ထုတ်ပြန် ပါသည်။

ကြော်ငြာတစ်လထုတ်ပြန်ပြီး ကန့်ကွက်သူမရှိပါက မြေစာရင်းနှင့် ပိုင်ဆိုင်မှု စာရွက်စာတမ်းများ၊ စာချုပ်စာတမ်းများ၊ တရားရုံး ၏ အမိန့်ဒီဂရီများကို စိစစ်ကာ သက်ဆိုင်ရာမှ လျှောက်ထားသူအား မူလဂရန်အမည်ပေါက်ဖြင့် ဂရန်မိတ္တူကို ထုတ်ပေးပါသည်။

"ဤတွင်ဖြစ်တတ်သည်မှာ ရောင်းသူအနေဖြင့် မြေငှားဂရန်မူရင်းကို ပေါင်နှံထားပြီး ပျောက်ဆုံးသည်ဟု ဆိုကာ ဂရန်မိတ္တူကို လိမ်လည်လျှောက်ထား ရယူတတ်ကြသဖြင့် အထူးဂရုပြုဖို့ လိုအပ်ပေသည်။"

မိတ်ဆွေတစ်ဦးက ၄င်း၏ အတွေ့အကြုံကို ပြောပြရာတွင်  - ၄င်းဝယ်ယူသောမြေကွက်၏ မူရင်းဂရန်ကို ရောင်းချသူမြေရှင်က ဘဏ်တွင် ပေါင်နှံထားသည်။

- မိတ်ဆွေက ပေါင်နှံထားမှန်းမသိဘဲမြေရှင်ပြသသည့် ဂရန်မိတ္တူပေါ် အခြေ တည်၍ မြေကွက်နှင့် အဆောက်အအုံကို ဝယ်လိုက်သည်။

- နောက်ပိုင်း ဘဏ်က ချေးငွေ အကြွေး မပေးဆပ်သဖြင့် မြေကွက်ကို ဝရမ်း ကပ်မှ အခြေအနေမှန်ကို သိရတော့သည်။

- မိတ်ဆွေသည် ရောင်းသူကို ဆက်သွယ်ရှာသော်လည်း မတွေ့တော့သဖြင့် နောက်ဆုံးတွင် ၄င်းကိုယ်တိုင်ကပင် ဘဏ်ချေးငွေကို ပေးဆပ်ခဲ့ရသည်ဟု ပြောဖူးပါသည်။

ထို့ကြောင့် မြေငှားဂရန် မိတ္တူဖြင့် အရောင်းအဝယ်ပြုပါက ဝယ်သူအနေဖြင့် အဝယ်မမှားစေရန် သက်ဆိုင်ရာ မြေယာဌာန (ရန်ကုန်မြို့တွင် ရန်ကုန်မြို့တော်စည်ပင်သာယာရေးကော်မတီ မြေယာဌာန)သို့ မြေကွက်နှင့် စပ်လျဉ်း၍ သေချာစုံစမ်းစိစစ်ပြီးမှ ဝယ်သင့်ပါသည်။

ထို့ပြင် အဆိုပါမြေကွက်ကို အရောင်းအဝယ်ပြုလုပ်ရန် နှစ်ဖက်သဘောတူ ညီကြကာ စရန်ငွေ တစ်စိတ်တစ်ပိုင်း ပေးချေပြီးပါက အဆိုပါမြေကွက် အရောင်းအဝယ်ကို ကန့်ကွက်ရန် ရှိ၊ မရှိ နေ့စဉ်ထုတ် သတင်းစာတွင် ထည့်သွင်း ကြေညာသင့်ပေသည်။

အရောင်းအဝယ်စာချုပ် ချုပ်ဆိုလျှင်လည်း အရှုပ်အရှင်း တစ်စုံတစ်ရာ ရှိပါက ရောင်းသူက ဖြေရှင်းပေးရန်နှင့် ဝယ်သူ၏ နစ်နာကြေးကို ပေးလျော်မည်ဖြစ်ကြောင်း ဝန်ခံကတိစာချုပ် ချုပ်ဆို သင့်ပါကြောင်း အကြံပြုရေးသား လိုက်ပါသည်။

Credit: Zaygwet Journal