သင် အိမ်ပြောင်းရွှေ့တော့မယ်ဆိုရင်

မကြာခဏ အိမ်ပြောင်းအိမ်ရွှေ့လုပ်ရတဲ့အခါတိုင်း ပရိဘောဂတွေမှာ စင်းရာခြစ်ရာထင်ရာတို့ ပျက်စီးကျိုးပဲ့တာတွေ ကြုံရလေ့ရှိပါတယ်။

ပြောင်းရွှေ့ဖို့ဖြစ်လာတဲ့အခါ ပရိဘောဂတွေကို နည်းမှန်လမ်းမှန် ဘယ်လိုပြင်ဆင်ထုပ်ပိုးရမလဲဆိုတာ အရေးကြီးတဲ့ အချက်ပါ။ ဒါမှလည်းပဲ ပစ္စည်းပစ္စယတွေ အပျက်အစည်း နည်းနိုင်သမျှနည်းအောင် ထိန်းသိမ်းကာကွယ်နိုင်မှာ ဖြစ်လို့ပါပဲ။

သုံးနေကျ ထုပ်ပိုးပစ္စည်းတွေကတော့ ရေမြှုပ်ပတ်တီး၊ ဆွဲသားပလတ်စတစ်၊ ကတ်ထူးပုံးတွေ၊ ကတ်ထူပြားတွေ၊ အလုံပိတ် ဆီး(လ်)ပါတဲ့ ပလတ်စတစ်အိတ်တွေ၊ ပရိဘောဂဖုံးတဲ့ ပိတ်စကြီးတွေ၊ ဆိုဖာနဲ့ မွေ့ယာတွေစွပ်တဲ့ အဖုံးကြီးတွေ၊ ထုပ်ပိုး တိပ်ပြားနဲ့ စောင်အဟောင်းအမြင်းတွေပဲ ဖြစ်ပါတယ်။ ဦးစားပေးနဲ့ ဗွေဆော်ဦး လုပ်ရာမှာက ပရိဘောဂတွေကို ဖုန်ခါသုတ်သင် ဖို့ပါပဲ။ လိုအပ်တဲ့ ထုတ်ပိုးပစ္စည်းတွေရပြီးပြီဆိုရင်တော့ အံဆွဲတွေ ကတ်ဘိနက်တွေထဲက ပစ္စည်းတွေကို ဖယ်ရှားရမှာ ဖြစ်ပါတယ်။ ပြီးတော့ အံဆွဲတွေကို တစ်ခုစီကြောင်အိမ်ကနေ သပ်သပ်ဆွဲထုတ် ခွဲခြားရပါတယ်။ အဲသည်လို အံဆွဲတွေကို သပ်သပ်စီခွဲခြားထားမှ ကားနဲ့သယ်လို့ လှုပ်ရှားတဲ့အခါ အချင်းချင်းတိုက်မိဆောင့်မိမယ့် အန္တရာယ်ကနေ ကာကွယ်ပြီးသား ဖြစ်နေမှာ ဖြစ်ပါတယ်။

ကြောင်အိမ်၊ ကတ်ဘိနက်၊ စားပွဲ စသည်တို့ကနေ သီးခြားဖယ်ထုတ်ထားတဲ့ အံဆွဲတွေက လေဘယ်(လ်)ကပ်ထားတဲ့သေတ္တာတွေထဲထည့်ပြီး သယ်ရမှာ ဖြစ်ပါတယ်။ လေဘယ်(လ်)ကပ်ထားခြင်းအားဖြင့် အိမ်သစ်ရောက် အထုပ်တွေဖြည်ပြီဆိုရင် ဘယ်ပစ္စည်းက ဘယ်က၊ ဘယ်အဖုံးက ဘယ်မှာ ပြန်တပ်ရမယ်ဆိုတာ သိသာနိုင်မှာ ဖြစ်ပါတယ်။ ဝက်အူတွေ၊ နပ်ခေါင်းတွေ၊ မူလီချောင်းတွေကို အလုံပိတ်ပလတ်စတစ် အိတ်ထဲထည့်ပြီး မှန်ကန်တဲ့ လေဘယ်(လ်)တွေ ကပ်ထားဖို့ လိုပါတယ်။ထုပ်ပိုးခြင်းသေချာအောင် လုပ်ဖို့ဆိုတာ တစ်ချက်က ပရိဘောဂတွေမှာ လေဘယ်(လ်)ကို မှားပြီးမကပ်မိဖို့ သို့မဟုတ် ဘာလေဘယ်(လ်)မှ မကပ်မိပဲ ဗလာကြီးဖြစ်မနေဖို့ အရေးဖြစ်ပါတယ်။

ကျကျနန ထုပ်ပိုးဖို့ရာအတွက် လုံလောက်တဲ့ တိပ်(ပ်)တွေ ကြိုးမျှင်တွေ လိုအပ်ပါတယ်။ ပက်ကင်ပေပါတွေကတော့စားပွဲတင်မှန်ချပ်တွေကို ထုပ်ပိုးတဲ့နေရာမှာ ကျိန်းသေသုံးရပါလိမ့်မယ်။ ပြီးတော့ အဲသည်မှန်ချပ်တွေကို ဆန့်နိုင်ကျုံ့နိုင်တဲ့ ကတ်ထူပြားတွေနဲ့ညှပ်ပြီး ချည်နှောင်ဖို့ လိုအပ်ပါတယ်။ အဲသည်ပစ္စည်းတွေ မရနိုင်ဘူးဆိုရင်တော့ စောင်ဟောင်းတွေ၊ မျက်နှာသုတ်ပဝါဟောင်းတွေနဲ့ ပတ်မယ်ဆိုရင်လည်း ဖြစ်နိုင်သေးတာပါပဲ။

မွေ့ယာတွေကိုတော့ စပယ်ရှယ်လုပ်ထားတဲ့ ပလတ်စတစ်အဖုံးတွေနဲ့ ထုပ်ပိုးရပါလိမ့်မယ်။ ဒါမှ စုတ်ပြဲခြင်း၊ စွန်းထင်ခြင်း၊ စိုစွတ်ခြင်း အန္တရာယ်တွေကနေ ကာကွယ်နိုင်မှာ ဖြစ်ပါတယ်။ အဲသည်လို ပရိဘောဂတွေကို တစ်စစီဖြုတ်တန်တာဖြုတ်ပြီး စနစ်တကျ ထုပ်ပြီးပြီဆိုရင်တော့ ရွှေ့ဖို့ပြောင်းဖို့ ထရပ်ကား သို့မဟုတ်အခြားယာဉ်တစ်ခုခု ပေါ်တင်တဲ့ လုပ်ငန်းကို သွားရတော့မှာပါ။ လူကို မထိခိုက်အောင်ရယ်၊ ထုထည်ကြီးတဲ့ ပစ္စည်းတွေ မပျက်စီးအောင်ရယ်ကတော့ လက်တွန်းလှည်းနဲ့တင်ပြီး ပရိဘောဂတွေကို အိမ်အပြင်ရောက်အောင် သယ်ထုတ်ရပါလိမ့်မယ်။ သံချိတ်တွေနဲ့ ပရိဘောဂကို မချိတ်မိအောင် ကားအတွင်းပိုင်းကဘောဒီကန့်တွေနဲ့ မတိုက်မိမထိုးမိအောင် ဂရုစိုက်ဖို့ အရေးကြီးပါတယ်။ ကားပေါ်မှာ အလေးချိန်ကို မျှတအောင် ချိန်ဆပြီး တင်သင့်ပါတယ်။ ကားရဲ့ဘယ်ဘက်အခြမ်းမှာ အရမ်းလေးတာတွေတင်မိ၊ ညာဘက်ခြမ်းက ပေါ့တာတွေတင်မိပြီး ကားတစ်ခြမ်းစောင်းကြီး မဖြစ်စေဖို့လည်း ကြံဆရပါလိမ့်မယ်။ ဗြက်ကျယ်တဲ့မွေ့ယာလိုဟာမျိုးတွေကိုကျတော့ နေရာအများကြီးမယူအောင် ဒေါင်လိုက်ထောင်ပြီးတင်မှ အဆင်ပြေလိမ့်မှာ ဖြစ်ပါတယ်။

တကယ်တော့ ရေပက်မဝင်အောင် ပြီးပြည့်စုံတဲ့ ကိစ္စကတော့ ဘယ်နေရာမှ မရှိပါဘူး။ ပစ္စည်းတွေသယ်ယူရွှေ့ပြောင်းတဲ့နေရာမှာ အကောင်းဆုံးဖြစ်ရမယ်၊ ဘေးအကင်းဆုံးဖြစ်ရမယ်လို့ အာမခံ
နိုင်ဖို့ဆိုတာတော့ မဖြစ်နိုင်ပါဘူး။ ဒါပေမဲ့ နည်းမှန်လမ်းမှန် ထုပ်ပိုးပြီး စနစ်တကျနဲ့ ဂရုတစိုက် သယ်ယူမယ်ဆိုရင် အပျက်အစီးနည်းမယ်၊ တစ်နည်းနည်းနဲ့ ပေါ်ပေါက်လာမယ့် အကျိုးအပဲ့ အကွဲအရှ ပြဿနာတွေကို ထိုက်သင့်သလောက် ကာကွယ်နိုင်မှာပဲ ဖြစ်ပါတယ်။

Credit: The Kumudra