မကြာမီ ရက်ပိုင်းကဖြစ်သည်။ မိတ်ဆွေတစ်ဦး၏ သားဖြစ်သူသည် စာရေးသူထံ ရောက်လာပါသည်။
''မင်္ဂလာပါဆရာ''ဟု စာရေးသူအား နှုတ်ခွန်းဆက်ပါသည်။
''မင်္ဂလာပါ သားရယ်''
ဒါနဲ့ မောင်ရင့်ဖခင်နဲ့ဆို မတွေ့တာ အတော်ကြာပြီ။ နေကောင်းရဲ့လား''
''နေတော့ကောင်းပါတယ်။ ဒါပေမယ့် ဝေးတဲ့နေရာတော့အပြင်မ ထွက်ဖြစ်တော့ဘူး''
''နေကောင်းတယ်သိရလို့ ဝမ်းသာပါတယ်။ ထွေထွေထူးထူးကိစ္စရှိ လို့လား''
''ဒီလိုပါဆရာ။ ကျွန်တော့်အနေနဲ့ တိုက်ခန်းတစ်ခန်းဝယ်ဖို့ သွားကြည့်တယ်''
''ဘယ်လို အဆင်မပြေလို့လဲ''
''တိုက်ခန်းဝယ်ထားသူ ကိုယ်တိုင်ရောင်းမှာဖြစ်တယ်ဆိုပြီး မူလက ပြောခဲ့တယ် ဆရာ''
''ဘယ်သူက ပြောတာလဲ။ ပွဲစားက ပြောတာလား''
''ဆိုပါတော့ ဆရာ၊ ဆက်သွယ်ပေးတဲ့ သူပေါ့''
''ဒါနဲ့ သွားကြည့်တယ်ပေါ့။ ရောင်းသူနဲ့ တွေ့ခဲ့လား''
''ရောင်းသူက နိုင်ငံခြားသားဖြစ်နေတယ် ဆရာ''
''နိုင်ငံခြားသားပိုင် တိုက်ခန်းကို ဝယ်ခွင့်မရှိဘူးလား''
''ဟုတ်ကဲ့ ဆရာ၊ အခုကိစ္စက တိုက်ခန်းကို ဇနီးဖြစ်သူအမည်နဲ့ ဝယ်ထားတာဖြစ်တယ်ဆရာ''
''ဇနီးဖြစ်သူက မြန်မာမိန်းကလေးဖြစ်နေမှာပေါ့''
''ဟုတ်ပါတယ်''
''ဒါဆိုလည်း ဇနီးသည်နဲ့ အရောင်းအဝယ်စာချုပ် ချုပ်ရင်ရပြီလေ''
''ဒီလောက်မလွယ်လို့ ဆရာ''
''ဟင်၊ ဘယ်လိုဖြစ်ပြန်လဲ။ ဇနီးသည်က မရှိတော့လို့လား။ ကွယ်လွန်သွားလို့လား''
''ကွယ်လွန်သွားတာတော့ မဟုတ်ဘူးဆရာ၊ အိမ်က ဆင်းသွားတာလို့ ပြောတယ်''
''လင်မယားရန်ဖြစ်ပြီး ဆင်းသွားတာဆိုတော့ ပြန်ခေါ်ပြီး အရောင်းအဝယ်စာချုပ် ချုပ်ဆိုလို့ရတာ ပဲလေ''
''ကျွန်တော်လည်း ဘယ်ရောက်သွားလို့လဲ။ သူ့ဆီအကြောင်းကြားပြီး ဆောင်ရွက်ပေးပါလို့ ပြောပါတယ် ဆရာ''
''ဒီတော့ အဲဒီခင်ပွန်းသည် နိုင်ငံ ခြားသားက ဘာပြောလဲ''
''ဇနီးဖြစ်သူ အိမ်ကဆင်းသွားတာ တစ်နှစ်ခွဲလောက်ရှိပြီလို့ ပြောတယ်။ ငွေစုစာအုပ်တွေလည်း ယူသွားတယ်။ ငွေစုစာအုပ်ထဲမှာ ငွေ ကျပ်သိန်းနှစ်ရာခန့်ရှိတယ်လို့ ပြောပါတယ်''
''အိမ်တိုက်ခန်းဝယ်တဲ့စာချုပ်ကို ဇနီးဖြစ်သူက ယူသွားသေးလား''
''ကျန်တဲ့ စာရွက်စာတမ်းတွေတော့ ယူမသွားဘူး။ တိုက်ခန်းအ ရောင်းအဝယ်စာချုပ်လည်း ကျန်ခဲ့တယ်ပြောတယ်''
''ဒီကွဲကွာနေတဲ့ကြားကာလမှာ တစ်ဦးနဲ့တစ်ဦး အဆက်အသွယ်မရကြဘူးလား။ ဇနီးဖြစ်သူက ရန်ကုန်မှာပဲ ရှိနေတာလား''
''ဇနီးဖြစ်သူက ရန်ကုန်က မဟုတ်ဘူးပြောပါတယ်။ နယ်ဘက်က ဆိုတော့ မိဘတွေရှိတဲ့ အညာရပ်ကို ပြန်သွားတယ်ပြောတယ်။ အခုအထိ အဆက်အသွယ်မရဘူး။ အဆက်အ သွယ်လည်း မလုပ်ကြဘူး ပြောပါတယ်''
''အဆက်အသွယ်လည်း မလုပ်ကြဘူး။ ငွေစုစာအုပ်လည်း ယူသွားတယ်။ ကျပ်သိန်း ၂ဝဝ ခန့်ရှိမယ်ဆိုတော့၊ ပြန်လည်ပေါင်းဖို့တော့ စိတ် ကူးရှိမယ် မထင်ဘူး''
''အားလုံးက အဲဒီလိုပဲပြောပါတယ်။ ဒါပေမယ့် သူတို့နှစ်ယောက်က ဇနီးမောင်နှံလို့ ပတ်ဝန်းကျင်က သိရှိပြီးဖြစ်တယ်။ တရားရုံးမှာလည်း လက်ထပ်စာချုပ် ချုပ်ဆိုလက်မှတ် ရေးထိုးထားတယ်ဆိုတော့ တိုက်ခန်းရောင်းရာမှာ ကန့်ကွက်နိုင်သလား ဆရာ''
''တရားရုံးမှာ လက်ထပ်စာချုပ် ပြုလုပ်ခဲ့တယ်ဆိုတော့ လက်ထပ် စာချုပ်ကျန်ရှိခဲ့သလား''
''နိုင်ငံခြားသားပြောပြတာကတော့ ရန်ကုန်မြို့ရဲ့ ခရိုင်တရားရုံးတစ်ခုမှာ လက်ထပ်စာချုပ်ကို ပြုလုပ်ခဲ့တယ်လို့ ပြောပါတယ်။ လက်ထပ်စာချုပ်တော့ ရှာမတွေ့ဘူးပြောတယ်။ ဇနီးသည်ယူသွားတယ် ထင်တယ်လို့ ပြောပါတယ်''
''ဥပဒေအရဆိုရင်တော့ နိုင်ငံခြားသားတစ်ဦးနဲ့ မြန်မာဗုဒ္ဓဘာသာ အမျိုးသမီးတစ်ဦးတို့ လက်ထပ်ထိမ်း မြားခြင်းကတိစာချုပ်ကို ခရိုင်တရားသူကြီးအဆင့်မှ စ၍ အထက်တရား သူကြီးအဆင့်ရှိ တရားသူကြီးများကသာ ဆောင်ရွက်ပေးခွင့်ရှိမှာဖြစ်ပါတယ်။
ဒါကြောင့် ခရိုင်တရားရုံးတစ်ခုမှာ ခရိုင်တရားသူကြီးရဲ့ရှေ့၌ နှစ် ဦးနှစ်ဖက်လက်မှတ်ရေးထိုးချုပ်ဆိုကြမယ်ဆိုရင် ဥပဒေနဲ့အညီ တရားဝင် အကြင်လင်မယားဖြစ်မြောက်သွားမှာဖြစ်တယ်''
''ဒါဆိုရင် ဇနီးသည်ရဲ့ သဘောတူညီချက်မရဘဲ တိုက်ခန်းကို ရောင်း ချခြင်းမပြုနိုင်ဘူးပေါ့နော်''
''ဥပဒေအရတော့ အဲဒီလိုပဲ သတ်မှတ်ရမှာဖြစ်တယ်''
အခုတိုက်ခန်းက ရိုးရိုးတိုက်ခန်း မဟုတ်ဘူးဆရာ။ ကွန်ဒိုတိုက်ခန်း ဖြစ်တော့ နိုင်ငံခြားသားတွေက ရောင်းပိုင်ခွင့်မရှိဘူးလားဆရာ''
''ပုဂ္ဂလိကပိုင်မြေပေါ်မှာဆောက်တဲ့ ကွန်ဒိုဖြစ်တဲ့အတွက် အဲဒီလို ကွန်ဒိုတိုက်ခန်းတွေကို နိုင်ငံခြားသားများက ဝယ်ယူခွင့်၊ လွှဲပြောင်းရောင်းချခွင့်မရှိပါဘူး။ ဒါကြောင့်လည်း မူလဝယ်စဉ်ကပင် မြန်မာလူမျိုးဖြစ်တဲ့ ဇနီးဖြစ်သူ အမည်နဲ့ဝယ်ထားတာဖြစ်တယ်''
''လင်ယောက်ျားဖြစ်သူက ဇနီးအမည်နဲ့ ဝယ်ထားတဲ့ပစ္စည်းကို ပြန် လည်ရောင်းချခွင့်မူရှိဘူးလားဆရာ။ လင်ယောက်ျားရဲ့ စီးပွားရှာဖွေမှုနဲ့ ရလားတဲ့ အဆောက်အအုံဖြစ်လို့ လင်ယောက်ျားက လုပ်ပိုင်ခွင့်မရှိဘူး လား''
''မြန်မာဗုဒ္ဓဘာသာဝင်မိန်းမများ အထူးထိမ်းမြားခြင်းဆိုင်ရာ ဥပဒေအရ ဗုဒ္ဓဘာသာဝင်မဟုတ်သည့် ယောက်ျားသို့မဟုတ် နိုင်ငံခြားသားသည် မြန်မာဗုဒ္ဓဘာသာဝင် အမျိုးသမီးတစ်ဦးနှင့် လက်ထပ်ခဲ့လျှင် ပစ္စည်းပိုင်ဆိုင်ခွင့်နှင့် အိမ် ထောင်ရေးကိစ္စများကို မြန်မာ့ဓလေ့ ထုံးတမ်းဥပဒေနှင့်အညီ ဆုံးဖြတ်ရ မည်လို့ ယင်းဥပဒေပုဒ်မ ၂၄ မှာ အတိအလင်းပြဋ္ဌာန်းထားပါတယ်။
ဒါကြောင့် တရားဝင်ကွာရှင်း ခြင်းမရှိသေးဘူးဆိုရင်တော့ တိုက်ခန်းဟာ နှစ်ဦးပူးတွဲပိုင် တိုက်ခန်းအဖြစ် တည်ရှိနေမှာပဲဖြစ်တယ်''
''ရောင်းသူဘက်ကပြောတာတော့ ဇနီးအဖြစ် မသက်ဆိုင်တော့ ကြောင်းနှင့် ဇနီးအဖြစ်မှ စွန့်လွှတ်ကြောင်းကို သတင်းစာထဲမှာ ထည့်သွင်းကြေညာခဲ့တယ်လို့ ပြောပါတယ်။ ဇနီးဖြစ်သူဘက်က အဲဒီကြေညာချက်ကို ပြန်လည်ရှင်းလင်းကြေညာခြင်းမရှိခဲ့ဘူးလို့ ပြောတယ်ဆရာ။
အဲဒီလို ဇနီးသည်ဘက်က ပြန်လည်ရှင်းလင်းကြေညာချက်မရှိရင် မူလကြေညာချက်ကို လက်ခံတဲ့ သဘောသက်ရောက်မသွားဘူးလား ဆရာ''
''ဒီလိုယူဆလို့လည်းရပါတယ်။ တစ်ခါတစ်ရံမှာ တရားရုံးတော်ရှေ့မှာ ကြေညာချက်ကို မဖတ်မိလို့ပါဆိုပြီး ထွက်ဆိုချက်ပေးတာမျိုးလည်း ရှိတတ်တယ်။ မိမိဘက်က သေချာဖို့ တော့ လိုပါတယ်''
''ဆရာပြောချင်တာက သတင်းစာထဲမှာ ကြေညာရုံနဲ့ အလိုအ လျောက်မပြတ်စဲဘူး။ တရားဝင်ကွာရှင်းမှ ပစ္စည်းခန်းမှာ ပိုင်ပိုင်နိုင်နိုင် ဆောင်ရွက်နိုင်မယ်လို့ ပြောတာလား ဆရာ''
''မှန်ပါတယ်။ ဇနီးသည်က နောက်အိမ်ထောင်ပြုသွားတယ်ဆိုလည်း အထောက်အထားခိုင်လုံဖို့လိုပါတယ်။ ဇနီးသည်က နောက်အိမ်ထောင်ပြုသွားရင်တော့ အမွေအားလုံး ရပိုင်ခွင့် ဆုံးရှုံးသွားမှာဖြစ်ပါတယ်''
''ဒါဆိုရင် ဘယ်လိုဆောင်ရွက် ရင် ကောင်းမလဲဆရာ''
''ကန့်ကွက်ကြောင်း ကြေညာချက်ထည့်မယ်။ သည့်နောက်ကန့် ကွက်သူမပေါ်လို့ စွန့်စားဝယ်ရင် တော့ဖြစ်တယ်။ တရားဝင်မကွာရှင်းရသေးလို့ စိုးရိမ်ရင်တော့ မဝယ်နဲ့လို့ ပဲ အကြံပြုချင်ကြောင်း'' ဆွေးနွေးလိုက်ပါသည်။
Credit: ထီယု (ဥပဒေအတိုင်ပင်ခံ)
