အရင်အစိုးရလက်ထပ်က မြေလွတ်မြေရိုင်း စိုက်ပျိုးလုပ်ကိုင်ခွင့်အတွက် မန္တလေးတိုင်းအတွင်းမှာ ဧက ၅၈,၀၀၀ ကျော် ချထားပေးခဲ့ပေမဲ့ အမှန်တကယ် လုပ်ကိုင်တဲ့ ဧက ၁၄,၀၀၀ ကျော်သာ ရှိလို့ ဧကပေါင်း ၄၀,၀၀၀ ကျော် ကို ပြန်လည် သိမ်းဆည်းရမှာ ဖြစ်တယ်။
သပိတ်ကျင်းမြို့နယ်နဲ့ ပြင်ဦးလွင်မြို့နယ်တို့က အများဆုံး ဖြစ်တယ်လို့ မန္တလေးတိုင်းအစိုးရအဖွဲ့က သိရပါ တယ်။
သပိတ်ကျင်းမြို့နယ်အတွင်းမှာဆိုရင် မြေလွတ်မြေရိုင်း လုပ်ပိုင်ခွင့်အတွက် လူပုဂ္ဂိုလ်တစ်ဦးတည်းရဲ့ နာမည်နဲ့ ရယူထားတာဟာ ဧက ၈၀၀၀ အထိ ရှိပြီး ကွင်းဆင်းစစ်ဆေးမှုတွေအရ ရယူထားတဲ့ မြေဧရိယာအတွင်းမှာ လုပ် ငန်းဆောင်ရွက်ထားတာ မတွေ့ရဘူးလို့ ဆိုပါတယ်။
မန္တလေးတိုင်း အစိုးရအဖွဲ့၊ စိုက်ပျိုးရေး မွေးမြူရေး နှင့် ဆည်မြောင်းဝန်ကြီးဌာန ဒေါက်တာ စိုးသန်းက “မြေ လွတ်မြေရိုင်း ဥပဒေပုဒ်မ ၂၂(ဂ) အရ အကျုံးဝင်တဲ့ ဧရိယာတွေ ပြန်သိမ်းမယ်၊ ချထားပေးတာ လေးနှစ်ပြည့် ပေမဲ့ ဘာမှ မလုပ်ထားဘူး၊ မြေလွတ်မြေရိုင်း လုပ်ပိုင်ခွင့် ရတယ်ဆိုတာ သာမန်လူတွေ မဟုတ်ပါဘူး” လို့ ပြော ပါတယ်။
ဥပဒေနဲ့ ညီညွန်မှု ရှိမရှိ ဆိုတာကို သိရှိရဖို့အတွက် ၂၀၁၆ ခုနှစ် ဇွန်လမှာ တစ်ကြိမ်ကွင်းဆင်း စစ်ဆေးခဲ့သလို အဲ့သည်နှစ် ဒီဇင်ဘာလအတွင်းကလည်း စစ်ဆေးမှုတွေ ပြုလုပ်ခဲ့ကြသည်။
နောက်ဆုံး အဆင့်အနေနဲ့တော့ အခုနှစ် ဇန်နဝါရီလက စတင်က ပြန်လည် ကောက်ယူနေပြီး အခုလ ၂၈ ရက် နေ့ နောက်ဆုံးထားကာ တိုင်းဒေသကြီး အစိုးရကို စာရင်းတွေ ပေးပို့ဖို့ ညွှန်ကြားထားတယ်လို့ သိရပါတယ်။
“မြို့နယ်တွေက ပြန်တင်ပြလာရင် အရင်ရထားတဲ့ စာရင်းနှစ်ခုနဲ့ ပြန်တိုက်ပြီး စစ်မယ်၊ သေချာပြီ confirm ဖြစ် ရင် ပြည်ထောင်စု ဝန်ကြီးဆီကို ပို့မယ်၊ ပို့လိုက်တာနဲ့ တစ်ပြိုင်တည်း ဟိုက လက်ခံတာနဲ့ သိမ်းပြီးသား ဖြစ်ပြီ၊ စာရင်းတွေ လွဲမှာ စိုးလို့ သုံးကြိမ် စစ်တယ်” လို့ ဒေါက်တာ စိုးသန်းက ပြောပါတယ်။
အခု အစိုးရ လက်ထပ်မှာ မြေလွတ်မြေရိုင်း လုပ်ကိုင်ခွင့် ရရှိဖို့ လျှောက်ထားသူ ၁၀၀ ကျော်ခန့် ရှိပေမဲ့ အခုအ ချိန်အထိတော့ လုပ်ကိုင်ခွင့် ချထားပေးခြင်း မရှိသေးပေမဲ့ သိပ်မကြာခင် ကာလမှာတော့ ပြန်လည် ချထားပေးဖို့ အစီအစဉ် ရှိတယ် လို့ ဆိုပါတယ်။
“အရင်လို ပုံစံတော့ ရော့အင့်ဆိုပြီး ပေးပြီး ပစ်ထားမှာ မဟုတ်ဘူး၊ အမြဲ စစ်မယ်၊ ခြောက်လ တစ်ကြိမ် ဖြစ်စေ၊ တစ်နှစ်တစ်ကြိမ်ဖြစ်စေ ပြန်စိစစ်မယ်၊ မလုပ်တာနဲ့ ပြန်သိမ်းမယ်၊ အရင်လို ဦးထားလို့ မရဘူး၊ တကယ်လုပ်မယ့် သူတွေ ရှိတယ်” လို့ ဒေါက်တာ စိုးသန်း က ပြောပါတယ်။
Credit: The Kumudra
