ရန်ကုန်တိုင်းဒေသကြီးနှင့်ပဲခူးတိုင်းဒေသကြီး၏လမ်းပန်းဆက်သွယ်ရေး
အတွက်အချက်ချာမြို့နယ်ဖြစ်သော လှည်းကူးဒေသဖွံ့ဖြိုးရေးအတွက် စီမံကိန်းတစ်ရပ်ရေးဆွဲပြုလုပ်မည်ဖြစ်ကြောင်းလှည်းကူးမြို့နယ်ဒေသခံပြည်သူများနှင့်တွေ့ဆုံစဉ်ရန်ကုန်တိုင်းဒေသကြီးဝန်ကြီးချုပ်ဦးဖြိုးမင်းသိန်း
ကပြောသည်။
''ပဲခူးကနေ ရန်ကုန်ကိုပဲသွားသွား ပဲခူးကနေ ရန်ကုန်ကိုပဲ သွားသွား လှည်းကူးကိုဖြတ်ရပါတယ်၊လူခန္ဓာကိုယ် အနေနဲ့ပြောရရင် လှည်းကူးက ဇလုပ်နေရာမှာရှိနေတယ် ကျွန်တော်တို့မြို့နယ်ကတကယ့်အရေးကြီးနေရာမှာ ရှိနေတဲ့မြို့နယ်ဖြစ်ပါတယ်၊ဒါကြောင့် လှည်းကူးမြို့နယ် ကိုဖွံ့ဖြိုးဖို့အတွက် စီမံကိန်းတစ် ရပ် ပြုလုပ်သွားဖို့ရှိပါတယ်''ဟုယင်းကပြောသည်။
လှည်ကူးဒေသဖွံ့ဖြိုးရေးအတွက် ကျေးရွာချင်းဆက်လမ်းများကိုအရင်ဆုံး ဆောင်ရွက်ပေးမည်ဖြစ်ပြီး မြို့ပေါ်တွင်အဝေးပြေးယာဉ် ရပ်နားကွင်းများ၊စက်မှုဇုန်အသေးစားများ၊အဆင်မြင့်အိမ်ရာများ၊လယ်ယာကဏ္ဍဖွံဖြိုးရေးလုပ်ငန်းများ စသည်တို့ပြုလုပ်သွားမည်ဖြစ်ကြောင်းသိရသည်။
ရန်ကုန်တိုင်းဒေသကြီးဝန်ကြီးချုပ်သည် ၄င်း၏ မဲဆန္ဒနယ်မှ ပြည်သူများဖြင့် ပထမဆုံးအကြိမ်တွေ့ဆုံခြင်း ဖြစ်ပြီး ဒေသခံပြည်သူ ၁၀၀၀ ကျော် တတ်ရောက်ခဲ့ကြောင်း၊တက်ရောက်လာသူများကလည်း ဒေသအတွင်း လိုအပ်ချက်များကို တင်ပြပြောကြားခဲ့ကြကြောင်း သိရသည်။
Credit: PYI Myanmar
