ပြည်တွင်းရွှေဈေးဟာ ကျပ်ကိုးသိန်းကျော်နဲ့ စံချိန်တင် ပြန်လည် မြင့်တက်လာခဲ့တယ်လို့ ရွှေဈေးကွက် လေ့လာ သုံးသပ်သူတွေဆီက သိရပါတယ်။
“ကျပ် ၉၀၂,၀၀၀ ကျော်ကို ရောက်သွားတယ်၊ အရင်နှစ်က ကျော်ခဲ့တဲ့ စံချိန်ကို ထပ်ပြီး ကျော်သွားတယ်၊ ကမ္ဘာ့ ရွှေဈေးကလဲ တက်၊ ဒေါ်လာကလဲ မကျတော့ ရွှေဈေးထောင်တက်သွားတာ ” လို့ ရွှေဈေးကွက် လေ့လာသုံး သပ်သူတစ်ဦးက ပြောပါတယ်။
ပြည်တွင်းရွှေဈေးဟာ ဖေဖော်ဝါရီ ၂၄ ရက်နေ့မှာ ကျပ် ၉၀၂,၅၀၀ အထိ ဈေးမြင့်တက်ခဲ့ပါတယ်။ အရင်နှစ်က မြင့်တက်ခဲ့တဲ့ ကျပ် ၉၀၁,၀၀၀ ကျော်လွန်သွားခဲ့တာ ဖြစ်ပါတယ်။ ကမ္ဘာ့ရွှေဈေးကလည်း တစ်အောင်စကို အ မေရိကန်ဒေါ်လာ ၁၂၅၀ အကျော်ကို မြင့်တက်ခဲ့ပြီး ပြည်တွင်းငွေဈေး လဲလှယ်နှုန်းကလည်း အမေရိကန် တစ် ဒေါ်လာကို ကျပ် ၁၃၆၅ ဝန်းကျင် ရှိနေတာကြောင့် ပြည်တွင်းရွှေဈေး စံချိန်တင် ပြန်လည်မြင့်တက်လာခဲ့တာ ဖြစ်တယ်လို့ သုံးသပ်ကြပါတယ်။
လတ်တလော ဈေးကွက်မှာတော့ အဝယ်အရောင်း အေးနေပြီး ဈေးကွက် စောင့်ကြည့်တဲ့ အနေအထား ရှိနေ တယ်လို့ သိရပါတယ်။ ပြီးခဲ့တဲ့ နှစ်က စံချိန်တင် မြင့်တက်ခဲ့တဲ့ ပြည်တွင်းရွှေဈေးကို တစ်ပတ်အတွင်း ကျပ် ၉၀,၀၀၀ အောက်ကို ပြန်လည် ကျဆင်းအောင် ထိန်းနိုင်ခဲ့ပြီး ယခု မြင့်တက်တဲ့ ရွှေဈေးကိုတော့ တည်ငြိမ် အောင် ပြုလုပ်နိုင်မလားဆိုတာကိုတော့ စောင့်ကြည့်ရမယ်လို့ ရွှေဈေးကွက် လေ့လာသုံးသပ်သူတွေက ပြော ပါတယ်။
Credit: The Kumudra
