ရန်ကုန်စတော့အိတ်ချိန်းဝင် မြန်မာသီလဝါ အထူးစီးပွားရေးဇုန် အများပိုင်ကုမ္ပဏီ (MTSH) က အထူးစီးပွားရေးဇုန် (ဇုန်ဘီ) စီမံကိန်း အကောင်အထည်ဖော်ရန်အတွက် ရှယ်ယာသစ် ထုတ်ရောင်းမည် မဟုတ်ကြောင်း MTSH ဥက္ကဋ္ဌ ဦးဝင်းအောင်က ပြောကြားသည်။
သီလဝါ အထူးစီးပွားရေးဇုန် (ဘီ) အကောင်အထည်ဖော်ရန် အတွက် အရင်းအနှီး လိုအပ်ချက် မရှိသေးသည့်အတွက် ကုမ္ပဏီများနှင့် လက်ရှိရောင်းချထားသော အစုရှယ်ယာများဖြင့်သာ အကောင်အထည်ဖော်မည် ဖြစ်ကြောင်း ၎င်းက ပြောဆိုသည်။
လက်ရှိအချိန်တွင် နိုင်ငံခြားရင်းနှီးမြှုပ်နှံသူများ လုပ်ငန်း စတင်လည်ပတ်နေပြီ ဖြစ်သော သီလဝါ အထူးစီးပွားရေးဇုန် (ဇုန်အေ) စီမံကိန်းတစ်ခုလုံး၏ မြေဧက ၈၆ ဒသမ ၃၆ ရာခိုင်နှုန်းကို ရင်းနှီးမြှုပ်နှံမည့် ကုမ္ပဏီများကို မြေနေရာ ပြန်လည်ငှားရမ်းထားပြီ ဖြစ်၍ ဇုန်ဘီစီမံကိန်းကို စတင်အကောင်အထည်ဖော်ရန် ဖေဖော်ဝါရီလ ၂၄ ရက်နေ့က ဖွင့်ပွဲပြုလုပ်ခဲ့သည်။
အဆိုပါဇုန်ဘီ စီမံကိန်း၏ ပထမအဆင့်ကို မြေဧက ၂၅၀ (ဟက်တာ ၁၀၁) တွင် ဦးစွာ အကောင်အထည်ဖော်မည် ဖြစ်ပြီး တစ်နှစ်ခွဲအတွင်း အပြီးတည်ဆောက်သွားမည် ဖြစ်ကာ တစ်နှစ်အတွင်းတွင် လုပ်ငန်းများရင်းနှီးမြှုပ်နှံနိုင်မည် ဖြစ်ကြောင်း သီလဝါ အထူးစီးပွားရေးဇုန် စီမံခန့်ခွဲမှုကော်မတီ ဥက္ကဋ္ဌ ဦးဆက်အောင်က ပြောကြားသည်။
လက်ရှိ အကောင်အထည်ဖော်ထားပြီ ဖြစ်သော သီလဝါ အထူးစီးပွားရေးဇုန် (အေ) စီမံကိန်းတွင် နိုင်ငံပေါင်း ၁၇ နိုင်ငံမှ လုပ်ငန်းပေါင်း ၇၉ ခုအထိ ရင်းနှီးမြှုပ်နှံထားပြီး ရင်းနှီးမြှုပ်နှံမှု ပမာဏမှာ အမေရိကန်ဒေါ်လာ သန်းတစ်ထောင်ကျော် ရှိကြောင်း MTSH ကုမ္ပဏီထံမှ သိရသည်။
သီလဝါ အထူးစီးပွားရေးဇုန်ကို မြန်မာနှင့် ဂျပန်နိုင်ငံ နှစ်နိုင်ငံမှ အစိုးရနှင့် ပုဂ္ဂလိက လုပ်ငန်းများ ပူးပေါင်းအကောင်အထည်ဖော်ခြင်း ဖြစ်ပြီး ဇုန်အေတွင် ရင်းနှီးမြှုပ်နှံ လုပ်ကိုင်နေသော လုပ်ငန်းအများစုမှာ ဂျပန်နိုင်ငံမှ ဖြစ်သည်။
Credit: The Voice
