တိုက်ခန်းတွေကို အရစ်ကျစနစ်တွေနဲ့ ရောင်းချလာတာတွေ အခုနောက်ပိုင်းမှာ ခေတ်စားလာတာ ဖြစ်ပါတယ်။ သည်လို အရစ်ကျ ရောင်းချတဲ့ အခါမှာ ကန်ထရိုက်တာတွေ ရောင်းတာတွေ ရှိသလို ပိုင်ရှင်တွေကိုယ်တိုင်က အရစ်ကျ ရောင်းလာတာတွေလည်း ရှိလာပြီး အရစ်ကျ ရောင်းချတဲ့ ပိုင်ရှင်တွေအနေနဲ့ ပြဿနာတွေ အခက် အခဲတွေ ရှိနေတယ်လို့ သိရပါတယ်။
“ပိုင်ရှင်တွေ ရောင်းတဲ့အခါကျတော့ သူတို့က ဘယ်လိုပုံစံတွေနဲ့ ရောင်းနေတာလဲ ဆိုတာတော့ မသိဘူး၊ တချို့ ဆိုရင် ၃၀ ရာခိုင်နှုန်းသွင်းပြီးရင် ကျန်တာတွေကို ဆက်သွင်းရမယ် ဘယ်နှလ၊ ဘယ်နှနှစ် အရစ်ကျဆိုပြီးတော့ စာချုပ်စာတမ်းတွေနဲ့ ရောင်းတာတွေလည်း ရှိလာတယ်။ ခင်တဲ့ သူတွေဆိုရင် စာချုပ်မထားတော့ဘူး၊ သူတို့က ပြဿနာတွေက အဲ့ဒီမှာ စတာပါ၊ ကန်ထရိုက်တာတွေ ရောင်းတာတွေက အရစ်ကျဆိုရင်တော့ စာချုပ်စာတမ်း တွေ သေချာလုပ်ပြီးမှ ရောင်းတာလေ၊ ပြဿနာ မရှိဘူး” လို့ ချမ်းမြေ့ဆောက်လုပ်ရေးက တာဝန်ရှိသူ မအေမီ က ပြောပါတယ်။
ပိုင်ရှင်တွေဘက်က အရစ်ကျနဲ့ ရောင်းချတဲ့အခါမှာ အလိမ်ခံရတာတွေ၊ လချင်းပေးရမှာတွေကို မပေးတာတွေ ကြုံတွေ့နေရတာ ဖြစ်ပါတယ်။ တချို့ပိုင်ရှင်တွေက စာချုပ်စာတမ်းတွေ လုပ်ပြီး ရောင်းချကြပေမဲ့ တချို့တွေက နားလည်မှုနဲ့ စာချုပ်စာတမ်း မချုပ်ဘဲ ရောင်းချကြပါတယ်။
“အရစ်ကျနဲ့ ရောင်းပေးတယ်ဆိုတာ ယုံကြည်မှုတစ်ခုနဲ့ လုပ်တာပါ၊ သူတို့ ဝယ်ယူသူတွေလဲ အဆင်ပြေနိုင် အောင်လို့ ရောင်းပေးတာပါ၊ အခုကျတော့ အစပိုင်းမှာတော့ မှန်မှန်သွင်းတယ်၊ နောက်ပိုင်းကျတော့ နှစ်လတစ် ခါ ခွဲခွဲပြီး သွင်းတယ်၊ နောက်ပိုင်း အိမ်ပေါ်တတ်တောင်းမှ ရတော့တယ်၊ အဲ့လိုမျိုး ဖြစ်နေတာပေါ့၊ အခုကျတော့ သူတို့ ဝယ်တာ မတန်ဘူး၊ အားနာလို့ ဝယ်ရတာတွေကို လာပြောနေတယ်ဆိုတော့ တော်တော်တော့ စိတ်ပျက် ဖို့ ကောင်းတယ်။ နောက်ဆိုရင် စာချုပ်စာတမ်းကိုသာ ရအောင်ချုပ်ပါ။ လူရင်းပဲဖြစ်ဖြစ် သူစိမ်းပဲဖြစ်ဖြစ်ပေ့ါ၊ မ ဟုတ်ရင်တော့ ပြဿနာ တတ်လာနိုင်တယ်” လို့ တိုက်ခန်း အရစ်ကျ ရောင်းချသူ ဒေါ်အေးမြင့်က ပြောပါတယ်။
ပိုင်ရှင်တွေဘက်က ရောင်းချတဲ့ တိုက်ခန်းတွေကို ဝယ်ယူသူတွေက လစဉ် ပုံမှန်ငွေမသွင်းတာတွေ၊ သော့အပ် ပြီးချိန်မှ သွင်းရမယ့် ငွေကို ဆက်မသွင်းချင်တော့တာကြောင့် အရစ်ကျ ရောင်းချတဲ့ ပိုင်ရှင်တွေက အခက်အခဲ တွေ ဖြစ်နေကြတယ်လို့ သိရပါတယ်။
ရောင်းချတဲ့အခါ စာချုပ်စာတမ်းတွေနဲ့ ရောင်းချတယ်ဆိုရင် တရားစွဲဆိုတာတွေ၊ တိုင်ကြားတာတွေ ပြုလုပ်နိုင် မှာ ဖြစ်ပေမဲ့ စာချုပ်စာတမ်း မရှိတာကြောင့် ပြဿနာတွေ ဖြစ်ပြီး အခက်ခဲ ဖြစ်နေရတာ ဖြစ်ပါတယ်။
Credit: The Modern
