မန္တလေးတိုင်းအတွင်း အိမ်၊ ခြံ၊ မြေ ရောင်းဝယ်ခြင်းအတွက် ကျသင့်အခွန်များကို ဝယ်ယူသူများက ထမ်းဆောင်နေသော်လည်း အိမ်၊ ခြံ မြေ ရောင်းချသူများအနက် ၉၀ ရာခိုင်နှုန်းခန့်မှာ အခွန် မဆောင်ကြကြောင်း မန္တလေးတိုင်း အခွန်ဦးစီးဌာနထံမှ သိရသည်။
အိမ်၊ ခြံ၊ မြေ ရောင်းချသူများ အနေနှင့် အခြေခံပစ္စည်များ ရောင်းချပြီးသည်နှင့် တစ်ပြိုင်နက် အခြေပစ္စည်းမှ မြတ်စွန်းငွေ ခေါင်းစဉ်ဖြင့် အခွန် ထမ်းဆောင်ရမည်ဖြစ်ကြောင်း၊ ထိုသို့ကျသင့်သော အခွန်ကို ထမ်းဆောင်ရန်အတွက် အခြေခံပစ္စည်း ရောင်းချခြင်း၊ လဲလှယ်ခြင်း သို့မဟုတ် အခြား တစ်နည်းနည်းဖြင့် လွှဲပြောင်းခြင်း ပြုသည့်နေ့မှ ရက်ပေါင်း ၃၀ အတွင်း ဝင်ငွေ ကြေညာလွှာကို သက်ဆိုင်ရာ မြို့နယ် အခွန်ဦးစီးဌာနမှူးထံ ပေးပို့ရမည်ဖြစ်ကြောင်း မန္တလေးတိုင်းအခွန် ဦးစီးဌာန၊ လက်ထောက် ညွန်ကြားရေးမှူး ဦးအောင်ကျော်မိုးက ပြောကြားသည်။
“အခုက ဒီလို မလုပ်ကြဘူး ဖြစ်နေတယ်။ ဒါက အခွန်ရှောင်တာလည်း ဖြစ်ပါတယ်။ ဥပဒေမှာ ရောင်းလိုက်ပြီးတဲ့ တစ်လအတွင်းမှာ ဒီပစ္စည်းကို ရောင်းချကြောင်း ကြေညာလွှာ တင်သွင်းဖို့ တာဝန် ရှိတယ်။ ရောင်းချလိုက်တဲ့ တစ်လအတွင်းမှာပဲ ရောင်းလိုက်တဲ့ ငွေအပေါ်မှာ မိမိ မြတ်တယ်လို့ထင်တဲ့ မြတ်စွန်းငွေကို ကျွန်တော်တို့ကို ကြိုတင်ခွန်အနေနဲ့ ပေးသွင်းရမယ်။ ဒါကို ဥပဒေမှာ ပြဋ္ဌာန်းထားတယ်”ဟု ၎င်းက ရှင်းပြသည်။
နိုင်ငံသားတိုင်း အခွန်ပေးဆောင်ရမည့် တာဝန်ရှိကြောင်း၊ ရောင်းချသူအနေနှင့် ရောင်းချလိုက်သည့် ပစ္စည်း၏ အမြတ်တန်ဖိုးမှ ၁၀ ရာခိုင်နှုန်းကို အခွန်ဆောင်ရမည်ဖြစ်ကြောင်း၊ အခွန်ဆောင်ပြီးပါက ယင်းငွေသည် ငွေဖြူဖြစ်သွားမည်ဖြစ်၍ ယင်းငွေဖြင့် အခြားကုန်စည်တစ်ခု ပြန်ဝယ်မည်ဆိုပါက အခွန် ထပ်မံ ပေးဆောင်ရန် မလိုတော့ကြောင်း မန္တလေးတိုင်း အခွန်ဦးစီးဌာနထံမှ သိရသည်။
“အခွန်ဆောင်တာကို သူတို့က အလကား ပေးရတယ်လို့ ထင်နေကြတယ်။ နားလည်တဲ့ စီးပွားရေးသမားကတော့ အခွန်ဆောင်တယ်။ သူ့အတွက် ငွေဖြူပြန်ရတာကြောင့်ပေါ့။ ဒါကို တော်တော်များများ နားမလည်ကြဘူး”ဟု မန္တလေးမြို့တော်ရှိ ရွှေမန္တလေး အိမ်၊ ခြံ၊ မြေ ရောင်းဝယ်ငှား အကျိုးဆောင် ကုမ္ပဏီ လီမိတက် မန်နေဂျင်းဒါရိုက်တာ ဦးနေလင်းအောင်က ပြောကြားသည်
ယင်းသို့ အခွန်မဆောင်သောကြောင့် နိုင်ငံတော်အနေနှင့် အခွန်ငွေ ဆုံးရှုံးရကြောင်း၊ အစိုးရအနေနှင့်လည်း ယင်းကိစ္စကို ဖြေရှင်းရာတွင် အားနည်းမှုများရှိနေကြောင်း ဦးအောင်ကျော်မိုးက ထပ်လောင်း ပြောဆိုသည်။
အိမ်၊ ခြံ၊ မြေကဲ့သို့သော အခြေခံ ပစ္စည်းဝယ်ယူမှုအတွက် မန္တလေးမြို့တော် စည်ပင်သာယာရေး ဧရိယာအတွင်းရှိ မြို့နယ်များ၏ အိမ်၊ ခြံ၊ မြေများကို မန္တလေးတိုင်း အိမ်၊ ခြံ၊ မြေ ကာလတန်ဖိုး စိစစ်သတ်မှတ်ရေးအဖွဲ့ကလည်းကောင်း၊ ကျန်မြို့နယ်များအတွက် သက်ဆိုင်ရာ အခွန်ဌာနများရှိ ကာလတန်ဖိုး စိစစ်သတ်မှတ်ရေးအဖွဲ့များကလည်းကောင်း တန်ဖိုး သတ်မှတ်ပေးလျက် ရှိကြောင်း၊ အိမ်၊ ခြံ၊ မြေ ရောင်းချသူများ အနေနှင့် ရောင်းချမှုအတွက် ကျသင့်သော အခွန်ကို ထမ်းဆောင်ပြီးနောက် သက်ဆိုင်ရာ မြို့နယ် အခွန်ဦးစီးဌာနမှူးထံမှ အခွန်ငွေ တောင်းခံလွှာ (ဝင- ၈) တောင်းခံရန်လိုကြောင်း၊ အခွန်ငွေ တောင်ခံလွှာ (ဝင- ၈) သည် အိမ်၊ ခြံ၊ မြေ ရောင်းချသူအတွက် (အိမ်၊ ခြံ၊ မြေ၊ ကား) အစရှိသည့် အခြေခံပစ္စည်းတစ်ခုခု ပြန်လည် ဝယ်ယူရာတွင် ဝင်ငွေရလမ်း (ငွေဖြူ) အဖြစ် တင်သွင်းနိုင်သည့် ပုံစံဖြစ်ပြီး အခြေခံပစ္စည်း ဝယ်ယူမှုအတွက် ကျသင့် အခွန် သက်သာစေမည်ဖြစ်ကြောင်း မန္တလေးတိုင်း အခွန်ဦးစီးဌာနက ထုတ်ပြန်ထားသည်။
Credit: The Voice
