ဆောက်လုပ်ရေးအရောင်းဈေးကွက်အတွင်း အရစ်ကျပုံစံ ပြောင်းလဲလာမှုနဲ့ အခန်းဈေးနှုန်း၊ ဆောက်လုပ်တဲ့ နေရာရွေးချယ်မှုတွေ ရှိလာပါတယ်။
“အခုဆောက်လုပ်ရေးအများစုက သာကေတဘက်ကို ကူးလာကြတာများတယ်၊ အရင်က အတွင်းဘက်တွေ ကို ဆောက်လုပ်တာများပေမယ့် အခုက လူသိများတဲ့ လမ်းတွေမှာ ဆောက်လုပ်လာကြတာများတယ်” လို့ အံ့ထူးဆောက်လုပ်ရေးက မန်နေဂျာ ကိုမင်းမင်းက ပြောပါတယ်။
ရောင်းချမှုပုံစံ
လက်ရှိ ရောင်းချမှုတွေကတော့ ပထမထပ်က စတင်ကာ အရောင်းအဝယ်တွေ ရှိနေပြီး မြေညီထပ်ကို တော့ ဈေးကွက်ကို လေ့လာပြီး အရောင်းပိတ်ထားတာတွေ ရှိနေပါတယ်။ မြေညီထပ်အခန်း ဈေးနှုန်းတွေ ကတော့ အနည်းဆုံး လူသိများတဲ့ လမ်းမကျယ်တွေမှာဆို ကျပ်သိန်း ၁၀၀၀ ကျော်က စတင်ခေါ်ကြပြီး ကျပ်သိန်း ၃၀၀၀လောက်အထိ ဈေးကွက် အပြောင်းအလဲ ရှိတယ်လို့ သိရပါတယ်။ ဒါ့အပြင် အခုနောက် ပိုင်း လူစိတ်ဝင်စားမှုများတဲ့ နေရာတွေမှာတော့ ၂၄ နာရီ စီးတီးမတ်ဆိုင်ခွဲတွေကို ကုမ္ပဏီတွေနဲ့ ပူးပေါင်း ဖွင့်လှစ်ကြတာမျိုးတွေကြောင့် ကန်ထရိုက်စိတ်ဝင်စားတဲ့ မြို့နယ်တွေမှာ ခေတ်စားနေတဲ့ ဈေးကွက်တစ်ခု လည်း ဖြစ်ပါတယ်။
ဈေးနှုန်းတွေကတော့ အထပ်တစ်ဆင့်ကို ကျပ်သိန်း ၅၀ လျှော့ခေါ်ကြပြီး အပေါ်ဆုံးထပ် ဈေးနှုန်းတွေကတော့ ၁၈ပေ x ၅၅ပေကို ကျပ်သိန်း ၂၅၀ လောက်အထိ ပေါက်ဈေးတွေရှိနေပါတ်ယ။ အရစ်ကျစနစ်ကိုတော့ အတွင်းကွက်တွေမှာသာ ဦးစားပေး ရောင်းချကြပြီး အပြင်လမ်းမတွေမှာတော့ လက်ငင်းဈေးကွက်သာ များပြားနေတာ ဖြစ်ပါတယ်။
အရစ်ကျကိုတော့ အရင်က ၁၂လအထိသာ လက်ခံကြပြီး အခုနောက်ပိုင်းမှာတော့ ၁၈လမှ ၂၄လအထိ အမျိုးမျိုးပြောင်းလဲလက်ခံပြီး ဈေးနှုန်းရဲ့ ပထမအရစ်ကိုတော့ အများစုက ၃၀ ရာခိုင်နှုန်းလောက် တောင်း တာတွေ ရှိတယ်လို့ သိရပါတယ်။
နေရာရွေးချယ်မှု
နေရာရွေးချယ်မှုကတေ့ာ ရပ်ကွက်အတွင်း လူသိများတဲ့ လမ်းတွေကို ရွေးချယ်ကြတာများပြီး အကျိုးတူ ဆောက်လုပ်မှုတွေထက် ကိုယ်ပိုင်မြေဝယ် ဆောက်လုပ်တာတွေ များနေပါတယ်။
ကန်ထရိုက်ဝင်ရောက်မှုတွေကတော့ လက်ရှိ သာကေတ၊ သင်္ဃန်းကျွန်းနဲ့ တောင်ဥက္ကလာပမြို့နယ်တွေမှာ အဝင်များပြီး ဈေးနှုန်းတွေကိုတော့ နေရာအလိုက် လျှော့ရောင်းတာတွေ ရှိသလို ဈေးမခေါ်ဘဲ စောင့်ကြည့် နေတာတွေလည်း ရှိတယ်လို့ သိရပါတယ်။
Credit: Kumudra
