အောက်တိုဘာလ ၃၁ ရက်သည် သရဲနေ့ (Halloween day) ဖြစ်သည်။သရဲနေ့ကို ကျင်းပသည်မှာ
သရဲနေ့ ပေါ်ပေါက်လာပုံကို ခြေရာခံကြည့်မည်ဆိုလျှင် လွန်ခဲ့သော နှစ်ပေါင်း ၂၀၀၀ ခန့်က အိုင်ယာလန်၊ ဗြိတိန်နှင့် ပြင်သစ်ပြည် မြောက်ပိုင်းတို့တွင် ဆဲလ်တစ်လူမျိုးတို့၏ ရိုးရာပွဲတော်ဖြစ်သော ဆောင်အင်းပွဲတော် Celtic festival of Samhain ကို နိုဝင်ဘာလ တစ်ရက်တွင် ကျင်းပလေ့ရှိကြသည်။
ရှင်သန်ခြင်းနှင့် သေဆုံးခြင်းအကြားတွင် နယ်ခြားစည်းတစ်ခုရှိကြောင်း ဆဲလ်တစ်တို့က ယုံကြည်ကြသည်။
နှစ်သစ်ကူးမတိုင်မီတစ်ရက်တွင် သေဆုံးသူတို့၏ ၀ိဥာဉ်များသည် ကမ္ဘာမြေသို့ ပြန်လာကြသည်ဟု ယုံကြည်ကြခြင်းကြောင့် အောက်တိုဘာ ၃၁ ရက်တွင် ဆောင်အင်းပွဲတော်ကို ကျင်းပကြခြင်း ဖြစ်သည်။
ကမ္ဘာမြေသို့ ပြန်လာသောသရဲ၊ တစ္ဆေများကို ခြောက်လှန့်မောင်းထုတ်ရန် ရည်ရွယ်၍ မီးပုံပွဲများပြုလုပ်ခြင်း၊ သရဲများကို ပြန်လည်ခြောက်လှန့်ရန် ၀တ်စားပြင်ဆင်ခြင်းများ ပြုလုပ်ကြသည်။
သရဲနေ့တွင် အင်္ဂလန်တွင် စောင့်ကြည့်ရမည့် သရဲအခြောက်ဆုံး နေအိမ်ကြီး သုံးလုံးမှာ...........
(၁) နော့သ်သန်ဘာလန်ရှိ အင်းဝစ်ခ်ရဲတိုက်
ယင်းရဲတိုက်ကြီးသည် သက်တမ်းနှစ်ပေါင်း ၁၀၀၀ ကျော်ရှိခဲ့ပြီဖြစ်ပြီး တေ စ္ဆ၊ သရဲအမြဲတစ်ကောင်နှစ်ကောင်တွေ့ရလေ့ရှိသည်ဟု နာမည်ကျော်သည်။
အထူးသဖြင့်ခါးကုန်းကုန်းသွေးစုပ်ဖုတ်ကောင်ကြီးတစ်ကောင်သည် ညဘက်တွင် သင်္ချိုင်းမြေပုံမှ ထလာလေ့ရှိသည်ဟု နာမည်ကျော်သည်။
ယင်းဖြစ်ရပ်မှာ ၁၂ ရာစုနှစ်မှ စတင်ခဲ့ခြင်းဖြစ်ပြီး ၀ီလျံ ဒီ နယူးဘာ့ဂ်ျအမည်ရှိ ပုဂ္ဂိုလ်တစ်ဦးက အဆိုပါဖြစ်ရပ်ကို မှတ်တမ်းတင်ခဲ့ခြင်း ဖြစ်သည်။
ထိုသွေးစုပ်ဖုတ်ကောင်ကြီးသည် ရဲတိုက်ထဲတွင် လျှောက်သွားနေလေ့ရှိသည်ဟု ဆိုသည်။
နောက်ဆုံးတွင် ရဲတိုက်အနီးကျေးရွာမှ ဘုန်းတော်ကြီးတစ်ဦးက မိ စ္ဆာကောင်ကြီး၏ ရုပ်အလောင်းတွင် အသည်းနှလုံးနေရာသို့ စူးချွန်တစ်ခုဖြင့် ရိုက်သွင်းလိုက်ပြီးနောက်ပိုင်း သွေးစုပ်ဖုတ်ကောင်ကြီး စခန်းသိမ်းသွားခဲ့သည်ဟု ဆိုကြသည်။
(၂) ကန်ဘရီယာရှိ မွန်ကက်စတာ ရဲတိုက်
၁၉ ရာစုအစောပိုင်းတွင် မွန်ကက်စတာရဲတိုက်ကြီးအနီး၌ မေရီဘရက်ဂ်ျအမည်ရှိ မိန်းကလေးငယ်တစ်ဦး အသတ်ခံခဲ့ရသည်။
ယင်းနောက်ပိုင်း တေ စ္ဆဖြစ်ကာ အနီးဝန်းကျင်တွင် ခြောက်လှန့်ခြင်းများ ခံခဲ့ကြရသည်။
ရဲတိုက်ကြီးသို့လာရောက်ခဲ့ဖူးသူများစွာမှာ သွေးပျက်ဖွယ် ခြောက်လှန့်မှုများ ကြုံကြရလေ့ရှိသည်။
တံခါးလက်ကိုင် အလိုအလျောက်လည်သွားကာ တံခါးပွင့်သွားခြင်း၊ ကလေးငယ်တစ်ဦး၏ တိုးသဲ့သဲ့ငိုကြွေးသံကြားရခြင်းများ ကြုံကြရသည်။
(၃) နော်ဖော့ခ်ရှိ ဘလစ်ခ်လင်းခန်းမ
ဒေသခံများသည်ဘလစ်ခ်လင်းခန်းမကြီးအနီးသို့ နေ၀င်ရီတရောအချိန်တွင် မည်သူမျှ မသွားရဲကြ။
ယင်းခန်းမသည် ယခင်က အင်နီဘိုးလင်းမိသားစုနေထိုင်ခဲ့သော နေအိမ်ကြီးဖြစ်၏။
အင်္ဂလန်ဘုရင် ဟင်နရီ VIII တွင် ကြင်ယာတော်မိဖုရား ၆ ပါးရှိသည့်အနက် ကြင်ယာတော်တစ်ဦးဖြစ်သူ အင်နီဘိုးလင်းသည် သစ္စာဖောက်မှု၊ စုန်းဖြစ်သည်ဟု စွပ်စွဲချက်များဖြင့် ခေါင်းဖြတ်ကာ ကွပ်မျက်ခံခဲ့ရခြင်း ဖြစ်သည်။
အင်နီဘိုးလင်းသည် အဆိုပါခန်းမကြီးအတွင်း ခြောက်လှန့်တတ်သည်ဟု ဆိုကြပြီး ပေါင်ပေါ်တွင် ခေါင်းပြတ်ကြီးတင်ကာ ထိုင်နေသည်ကို တွေ့ကြသူများစွာရှိသည်ဟု ဆို၏။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
