နေပြည်တော်ရှိ အထူးမြေကွက်တွေကို အမည်ပြောင်းခွင့်ပေးပြီး တရားဝင်ရောင်းချခွင့်၊ နှစ်ထပ်ဆောက်ခွင့် ပြုတဲ့အတွက် နေပြည်တော်ရဲ့ အိမ်ခြံမြေ အရောင်းအဝယ်ဟာ အလားအလာ ပိုကောင်းနိုင်တယ်လို့ အိမ် ခြံမြေ အကျိုးဆောင်အချို့က သုံးသပ်ပါတယ်။
မြန်မာနိုင်ငံ အိမ်ခြံမြေ ဝန်ဆောင်မှု အသင်း(နေပြည်တော်) အမှုဆောင် ဦးဝင်းဇော်ဦးက “အရင်တုန်းက တော့ အထူးကွက်ဆိုတော့ အရာရှိကြီးတွေ ချပေးထားတာပေါ့၊ အခုအမြည်ပြောင်းပေးတာ၊ မှတ်ပုံတင် စာ ချုပ်ချုပ်ခွင့်ရလာတာ” လို့ ပြောပါတယ်။
နေပြည်တော်ရှိ ဗီအိုင်ပီ အထူးမြေကွက်တွေကို ပထမဦးဆုံး ဥတ္တရာသီရိမြို့နယ် နန်းဦးကျောင်းပတ်ဝန်း ကျင်အနီးနဲ့ ဒက္ခိတသီရိမြို့နယ် ကျောက်မျက်အချောထည်ဈေးနဲ့ မျက်နှာချင်းဆိုင်နေရာတွေမှာ ချထားပေး တာ ဖြစ်ပါတယ်။ မြေကွက်တွေရဲ့ အကျယ်အဝန်းက ပေ ၂၀၀ ပတ်လည်၊ ပေ ၁၅၀ ပတ်လည်နဲ့ ပေ ၁၀၀ ပတ်လည်တွေ အများဆုံး ဖြစ်ပါတယ်။
အရင်ကတော့ အထူးမြေကွက်တွေကို နှစ်ထပ်ဆောက်ခွင့် မပေးတဲ့အပြင် တရားဝင်လွဲပြောင်းရောင်းချခွင့် လည်း မရှိခဲ့ဘူးလို့ သိရပါတယ်။
နန်းရွှေပြည် အိမ်ခြံမြေ ဝန်ဆောင်မှု ကုမ္ပဏီ(နေပြည်တော်) က ဦးထွန်းထွန်းက “နှစ်ထပ်ဆောက်ခွင့်ပေး လိုက်တဲ့အတွက်လဲ အိမ်ခြံမြေဈေးကွက်အတွက် အလားအလာ အများကြီး ကောင်းတယ်၊ သူတို့က နေ ရာတွေ ကောင်းကြတယ်လေ၊ မြေကွက်တွေက အဆင်ပြေတဲ့ အကျယ်တွေ ဖြစ်တယ်၊ ရောင်းတဲ့သူတွေ အနေနဲ့ကလည်း လွတ်လွတ်လပ်လပ် ရောင်းလို့ရတော့ အရောင်းအဝယ် ပိုကောင်းလာနိုင်တာပေါ့” လို့ ပြောပါတယ်။
လက်ရှိ နေပြည်တော်ရဲ့ အိမ်ခြံမြေ ဈေးကွက်အနေနဲ့ကတော့ အရောင်းအဝယ် ပုံမှန်လည်ပတ်နေပြီး ရန် ကုန်၊ မန္တလေးတို့နဲ့ ယှဉ်ရင်တော့ အရောင်းအဝယ် ပိုဖြစ်နေပါတယ်။
ဦးဝင်းဇော်ဦးက “နေပြည်တော်ရဲ့ အိမ်ခြံမြေ အရောင်းအဝယ်က လက်ရှိပုံမှန်ပါပဲ၊ ပြီးတော့ မြေဈေးက လည်း ရန်ကုန်တို့၊ မန္တလေးတို့ထက်တော့ သက်သာပါတယ်၊ နေပြည်တော်မှာက နေရာ မရွေးရင် ခုချိန် အထိ သိန်း ၅၀၊ သိန်း ၁၀၀ ဆို ဖြစ်တဲ့မြေကွက်တွေ ရှိပါတယ်” လို့ ပြောပါတယ်။
သူကဆက်ပြီး“တခြားမြို့ကြီးတွေဆို အဲဒီလို မရနိုင်ဘူး၊ အခုဆို ဒီနှစ်ထဲဆို ကုမ္ပဏီတွေလဲ လာတာများ တယ်၊ ရှေ့ဆက်ပြီးလဲ နေပြည်တော်ရဲ့ အိမ်ခြံမြေ ဈေးကွက်ကတော့ ပိုကောင်းဖို့ပဲရှိပါတယ်”လို့ ပြောပါ တယ်။
Credit: Kumudra
