အမေရိကန်ပြည်ထောင်စု၊ ဟာဝိုင်အီကျွန်းရှိ အခန်းပေါင်း ၁၂၃၀ ပါ အပန်းဖြေဟိုတယ်ကြီးတစ်လုံးကို တောင်ကိုရီးယားက ကန်ဒေါ်လာ ၇၅၅ ဒသမ ၆ သန်းဖြင့် ၀ယ်ယူလိုက်ကြောင်း ရှန်ဟိုင်းအခြေစိုက်အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။
ဟိုတယ်၏ အမည်မှာ Hyatt Regency Waikiki Beach Resort & Spa ဖြစ်ပြီး အလွန်သာယာလှပသည့် ပင်လယ်ပြာရှုမြော်ခင်းများဖြင့် နာမည်ကျော်သော ဟာဝိုင်အီ၏ မြင်ကွင်းများ ကောင်းစွာရရှိသည့် ဟိုတယ်ကြီးဖြစ်သည်။
ဝယ်ယူလိုက်သည့် တောင်ကိုရီးယားကုမ္ပဏီမှာ Mirae Asset ဖြစ်ပြီး ရောင်းချသည့်ကုမ္ပဏီမှာ Blackstone Group ဖြစ်သည်။
ယခုဝယ်ယူမှုသည် Mirae ၏ ဒုတိယမြောက် ဟာဝိုင်အီခြေလှမ်းဖြစ်ပြီး လွန်ခဲ့သောနှစ်အတွင်းကလည်း Fairmont Orchid ဟိုတယ်ကို ကန်ဒေါ်လာ ၂၀၆ ဒသမ ၉ သန်းဖြင့် ၀ယ်ယူခဲ့ပြီး ဖြစ်သည်။
Mirae သည် ယခုဝယ်ယူလိုက်သော ဟိုတယ်ကို ကန်ဒေါ်လာ သန်း ၁၀၀ ခန့်အသုံးပြုကာ မွမ်းမံမှုများ ပြုလုပ်သွားမည်ဟု ဆိုသည်။
ယခုအရောင်းအ၀ယ်တွင် Blackstone Group မှာ ကန်ဒေါ်လာ သန်း ၂၀၀ ကျော် မြတ်စွန်းခဲ့သည်ဟု ဆိုသည်။
အမေရိကန် အပန်းဖြေဒေသများတွင် အာရှရင်းနှီးမြှုပ်နှံသူတို့ ခြေချလာသည်မှာ လွန်ခဲ့သော နှစ်နှစ်တာကာလအတွင်း အလွန်မြင့်တက် လာလျက်ရှိသည်။
တရုတ်နိုင်ငံမှ Oceanwide Holdings ကုမ္ပဏီကလည်း ဟာဝိုင်အီတွင် ထိပ်တန်းအဆင့်ရှိ ဇိမ်ခံအပန်းဖြေစခန်းကြီးတစ်ခု တည်ဆောက်ရန် Kerzner International ကုမ္ပဏီနှင့် လွန်ခဲ့သောလအတွင်းကပင် သဘောတူညီချက်ရရှိထားပြီးလည်း ဖြစ်သည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
