ရန်ကုန်တိုင်းဒေသကြီးအတွင်း ကမ္ဘာလှည့်ခရီးသွားဗီဇာကိုင်ဆောင်ထားသည့် နိုင်ငံခြားသားများကို နေအိမ်ခန်းငှားရမ်းသော အိမ်ရှင်များကို အရေးယူမည်ဖြစ်ကြောင်း ရန်ကုန်တိုင်းဒေသကြီးလူဝင်မှုကြီးကြပ်ရေးဝန်ကြီး ဦးဇော်အေးမောင်က ပြောကြားခဲ့သည်ဟု ဘန်ကောက်အခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။
မကြာသေးမီနှစ်များအတွင်း မြန်မာနိုင်ငံသို့ ကမ္ဘာလှည့်ခရီးသည် ၀င်ရောက်မှု မြင့်တက်လာလျက်ရှိသည့်နည်းတူ ဟိုတယ်များလည်း များပြားလာလျက်ရှိသည်။
သို့ရာတွင် ယင်းသို့ ဖွံ့ဖြိုးလာသည်မှာ ဟိုတယ်လုပ်ငန်းသာလျှင် မဟုတ်ဘဲ အမျှော်အမြင်ရှိသည့် နေအိမ်ပိုင်ရှင်များကလည်း Airbnb ကဲ့သို့ ၀က်ဘ်ဆိုက်များတွင် တင်ကာ ကြော်ငြာလာလျက်ရှိကြသည်။
ထို့ကြောင့် ယခုအခါတွင် ရန်ကုန်မြို့ရှိ နေအိမ်များ၊ နေအိမ်ခန်းပိုင်ရှင်များအနေဖြင့် ကမ္ဘာလှည့်ခရီးသွားဗီဇာသာ ကိုင်ဆောင်ထားသော နိုင်ငံခြားသားများကို နေအိမ်ခန်းငှားရမ်းခြင်းများ ပြုလုပ်ပါက အရေးယူတော့မည်ဖြစ်ကြောင်း ရန်ကုန်တိုင်းအစိုးရအဖွဲ့မှ ၀န်ကြီးတစ်ဦးဖြစ်သူ ဦးဇော်အေးမောင်က ပြောကြားခဲ့သည်ဟု ဆိုသည်။
အမြဲတမ်းနေထိုင်ခွင့် ရရှိသူများနှင့် စီးပွားရေးလုပ်ငန်းဗီဇာကိုင်ဆောင်ထားသည့် နိုင်ငံခြားသားများကိုသာ နေအိမ်ခန်းငှားရမ်းခွင့် ပြုထားကြောင်းလည်း ဦးဇော်အေးမောင်က ပြောကြားသည်။
ယင်းစည်းမျဉ်းမှာ အသစ်အဆန်းမဟုတ်ဘဲ ၁၉၄၇ ခုနှစ် လူဝင်မှုကြီးကြပ်ရေးအက်ဥပဒေအရ ဖြစ်ပြီး ကမ္ဘာလှည့်ခရီးသွားဗီဇာ ကိုင်ဆောင်ထားသည့် နိုင်ငံခြားသားများသည် ဟိုတယ်များတွင်သာ တည်းခိုနေထိုင်ရမည်ဟု ပြဌာန်းထားသည်။
သို့ရာတွင် ယင်းစည်းမျဉ်းကို တင်းတင်းကြပ်ကြပ်ကိုင်တွယ်ခြင်းမရှိခြင်းမှာ အိမ်နီးချင်းနိုင်ငံအချို့နှင့် နှုိုင်းယှဉ်လျှင် မြန်မာနိုင်ငံသို့ ကမ္ဘာလှည့်ခရီးသည်ဝင်ရောက်မှုမှာ အလွန်နည်းပါးခြင်းကြောင့်လည်း ဖြစ်သည်။
ယခုအခါတွင်မူ ကမ္ဘာလှည့်ခရီးသည်ဝင်ရောက်မှု များပြားလာပြီဖြစ်ခြင်းကြောင့် ယင်းစည်းမျဉ်းကို တင်းတင်းကြပ်ကြပ်ကိုင်တွယ်ရန် စီစဉ်လျက်ရှိခြင်းလည်း ဖြစ်သည်။
“ဒါက ဥပဒေသစ်မဟုတ်ပါဘူး။ လွန်ခဲ့တဲ့နှစ်ပေါင်းများစွာကတည်းက ပြဌာန်းထားခဲ့တာပါ။ အခုဒါဆို ပြန်ထောက်ပြနေရတဲ့အကြောင်းရင်းက အခုဆိုရင် နိုင်ငံခြားသားတွေဟာ လုံးချင်းအိမ်တွေ၊ တိုက်ခန်းတွေမှာ နေကြတာ ပိုများလာနေတာတွေ့ရလို့ပါပဲ။ ဟိုတယ်မှာ မနေဘူးဆိုရင်တော့ သူတို့ရဲ့ လုံခြုံရေးနဲ့ပတ်သက်ပြီး ကျွန်တော်တို့ တာဝန်မခံနိုင်ပါဘူး” ဟု ဦးဇော်အေးမောင်က ပြောကြားခဲ့သည်ဟု ဆိုသည်။
ရန်ကုန်တွင် ဟိုတယ်ခန်းများစွာ ရနိုင်နေပြီဖြစ်သော်လည်း နိုင်ငံခြားကမ္ဘာလှည့်ခရီးသည်များမှာ ကုန်ကျစရိတ်သက်သာရန် ရည်ရွယ်၍ တိုက်ခန်းများသာ ငှားရမ်းနေထိုင်လာလျက်ရှိကြသည်။
အဆိုပါပြဿနာမှာ အာဆီယံနိုင်ငံတိုင်းတွင် ကြုံတွေ့ရလျက်ရှိသော ပြဿနာတစ်ရပ်လည်း ဖြစ်သည်။
“အိမ်ငှားဖို့လာတဲ့ နိုင်ငံခြားသားဟာ ဘယ်လိုဗီဇာကိုင်ထားတယ်ဆိုတာ အိမ်ခြံမြေအကျိုးဆောင်တွေ၊ အိမ်ရှင်တွေက စိတ်ဝင်တစား မရှိကြပါဘူး။ နိုင်ငံခြားသားတွေကို ငှားချင်တာက ဈေးပိုရလို့ပါပဲ” ဟု အိမ်ခြံမြေအတိုင်ပင်ခံပုဂ္ဂိုလ် ဦးအောင်မင်းက ပြောကြားသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
