ကြည့်မြင်တိုင်တဖက်ကမ်းတွင် ရန်ကုန်မြို့သစ်စီမံကိန်းကို တနှစ်အတွင်းစတင်အကောင်အထည်ဖော်မည်ဖြစ် ကြောင်း၊ လက်ရှိတွင် စီမံကိန်း၏အသေးစိတ်အစီအစဉ်များ၊ ဒီဇိုင်းများရေးဆွဲနေကြောင်း ရန်ကုန်တိုင်း ဒေသကြီး စီမံကိန်းနှင့် စီးပွားရေးကော်မတီဥက္ကဋ္ဌ ဒေါ်စန္ဒာမင်းက ပြောသည်။
''တနှစ်အတွင်း စပြီးတော့ အကောင်အထည်ဖော်မှာပါ။ အခုနှစ်အတွင်းမှာ တင်ဒါခေါ်နိုင်ပါတယ်။ ရန်ကုန် တိုင်းဒေသကြီး အစိုးရက အားလုံးအစီ အစဉ်ဆွဲပြီးပြီ။ ဒီဇိုင်းတွေလည်းရေးပြီးပြီဆိုရင် လွှတ်တော်ကို လာတင် ပြမယ်။ လွှတ်တော်ကလည်း မေးခွန်းတွေမေးမယ်။ လွှတ်တော်က အတည်ပြုပြီးရင် တင်ဒါခေါ်လို့ရတာပေါ့။ စီမံကိန်းတွေနဲ့ပတ်သက်ပြီး အစိုးရက အခုမှစပြီးလုပ်နေတာဖြစ်တယ်။ ကြည့်မြင်တိုင်တဖက်ကမ်းကနေစပြီး အကောင်အထည်ဖော်မယ်လို့ သတင်းပေးထားတာလည်း ရှိပါတယ်''ဟု စက်တင် ဘာ ၂၉ ရက် တိုင်းလွှတ်တော်အစည်းအဝေးအပြီးတွင် ၎င်းက ပြောသည်။
ကြည့်မြင်တိုင်တဖက်ကမ်း၊ တွံတေးနှင့် ဆိပ်ကြီး ခနောင်တိုမြို့နယ်များရှိ စုစုပေါင်းမြေဧက နှစ်သောင်းကျော်ပါဝင်သည့် အဆိုပါစီမံ ကိန်းအကောင် အထည်ဖော်ရန် ယခင် အစိုးရလက်ထက်တွင် တင်ဒါအောင်မြင်ခဲ့သော ကုမ္ပဏီများအားလုပ်ဆောင်ခွင့်ပေးမည် မဟုတ်ဘဲ တင်ဒါသစ်ခေါ်ယူသွားမည်ဖြစ်ကြောင်း သိရသည်။
စီမံကိန်းကို အကောင်အထည်ရန် ယခင်အစိုးရလက်ထက်က ဒါအောင်မြင်ခဲ့သည့် ကုမ္ပဏီသုံးခုမှာ ရန်ကုန်အနောက်တောင်ဒေသ ဖွံ့ဖြိုးရေး၊ အများနှင့်သက်ဆိုင်သောကုမ္ပဏီ၊ Business Capital City Development Ltd နှင့် ရွှေသံလွင်ကုမ္ပဏီ၏ ကုမ္ပဏီခွဲဖြစ်သည့် ရွှေပုပ္ပါးအပြည်ပြည်ဆိုင်ရာဆောက်လုပ်ရေးကုမ္ပဏီ လီမိတက်တို့ဖြစ်ကြသည်။
''အခုတိုင်း ဒေသကြီးအစိုးရက သတင်းပေးထားတာက ဒီမြို့သစ်စီမံကိန်းကို ကြီးကြပ်မယ်။ ဒီဇိုင်းရေးဆွဲမယ်။ အဲလို ယှဉ်ပြိုင်တဲ့အခါမှာ အရင်တုန်းကယှဉ်ပြိုင်ခဲ့တဲ့ ကုမ္ပဏီသုံးခုကိုလည်း ၀င်ပြီးတော့ ယှဉ်ပြိုင်ခိုင်းမယ်။
ဝင်ချင် တဲ့ကုမ္ပဏီ အားလုံးကိုလည်း ၀င်ပြိုင်ခိုင်းပြီးတော့ ပြန်ပြီးရွေးချယ်မယ်။ ဒါဟာနည်းလမ်းကျတဲ့ လုပ်ငန်း ဖြစ်တယ်လို့လည်း လွှတ်တော်ဘက်က သုံးသပ်ထားပါတယ်''ဟု ၎င်းက ပြောသည်။
မဟာရန်ကုန်မြို့ပြဖွံ့ဖြိုး ရေး မဟာဗျူဟာစီမံကိန်းအရ ရန်ကုန်မြို့ကို မြို့တိုးချဲ့ရန် ဦးစားပေး(၁) ရန်ကုန်အရှေ့ပိုင်းမြို့သစ် ၁၇၃၇၅ ဧက၊ ဦးစားပေး(၂) ရန်ကုန်အနောက်တောင်ပိုင်းမြို့သစ် (ရန်ကုန်မြို့သစ်)၂၁၇၁၆ ဧက၊ ဦးစားပေး (၃) သန်လျင်မြို့သစ် ၂၁၁၉၃ ဧက၊ ဦးစားပေး(၄) ဒလမြို့သစ် ၁၅၁၇၃ ဧက၊ ဦးစားပေး(၅) ထန်းတပင်မြို့သစ် ၂၄၇၄၈ ဧက၊ ဦးစား ပေး(၆)မှော်ဘီမြို့သစ် ၁၁၅၉၄ ဧကနှင့် ဦးစားပေး(၇)လှည်းကူးမြို့သစ် ၆၉၃၃ ဧက စုစုပေါင်း ၁၁၈၇၃၂ ဧက လျာထားကြောင်း ယခင်အစိုးရက ထုတ်ပြန်ခဲ့ခြင်း ဖြစ်သည်။
Credit: Nwes Watch
