စက်တင်ဘာတွင် ရန်ကုန်မြို့၌ အိမ်ရာအခန်းပေါင်း ၂,၀၀၀ ကျော် ရောင်းချနိုင်ရန် မြို့ရွာနှင့် အိုးအိမ်ဖွံ့ဖြိုးမှု ဦးစီးဌာနက ရန်ကုန်တိုင်းဒေသကြီး အစိုးရအဖွဲ့သို့ လွှဲပြောင်းလိုက်ကြောင်း သတင်းရရှိသည်။
အခန်းများကို အမှန်တကယ်အိမ်လိုအပ်နေသူများအား စနစ်တကျရောင်းချနိုင်ရေး ရန်ကုန်တိုင်းဒေသကြီး အစိုးရ အဖွဲ့သို့ လွှဲပြောင်းပေး လိုက်ကြောင်း မြို့ရွာနှင့် အိုးအိမ်ဖွံ့ဖြိုးမှုဦးစီးဌာနမှ ညွှန်ကြားရေးမှူး ဦးယုခိုင်က ပြောသည်။ ရန်ကုန်တိုင်းဒေသကြီးအစိုး ရအဖွဲ့က အိမ်ရာစီမံကိန်း များကို ယခင်ကကဲ့သို့ မဲစနစ်ဖြင့် ရောင်း ချခြင်းထက် အခြားစနစ်ဖြင့် ရောင်းရန် ညှိနှိုင်းဆွေးနွေးမှုများပြုလုပ် နေသည်ဟုသိရသည်။
ရောင်းချမည့်အခန်းများသည်လှိုင်သာယာနှင့် တောင်ဒဂုံမြို့ နယ်ရှိ အိမ်ရာစီမံကိန်း သုံးခုမှ ဖြစ်ပြီး အခန်းပေါင်း ၂,၀၀၀ ရောင်း ချမည် ဖြစ်သည်။
အခန်းတစ်ခန်းလျှင် အထပ် အမြင့်ပေါ်မူတည်ပြီး ကျပ်သိန်း၁၀၀ ခန့်ဖြင့် ရောင်းချမည့် အိမ်ရာများသည် ၀ယ်ယူလိုသူများပြားသဖြင့် ဦးစားပေး အဖြစ် နေအိမ်အပိုင်မရှိသူ ၀င်ငွေနည်း ပြည်သူများအား ဘဏ်ချေးငွေဖြင့် ရောင်းချရန် စီစဉ်ထားကြောင်း သိရသည်။
နိုင်ငံတစ်ဝန်းကျပ်သိန်း ၁၀၀အောက် တန်ဖိုးနည်းအိမ်ရာတိုက်ခန်းတစ်သိန်းရှစ်သောင်းခန့်ကို အစိုးရသစ် လက်ထက်၌ တည် ဆောက်နိုင်ရန်စီစဉ် ထားကြောင်း ပြီးခဲ့သည့် ဇွန်လ ၇ ရက်က နေပြည်တော်တွင် ပြုလုပ်သည့် သတင်းစာရှင်းလင်းပွဲ၌ ဆောက်လုပ်ရေးဝန် ကြီး ဦးဝင်းခိုင်က ပြောကြား ထားသည်။ယခုရောင်းချသည့် အခန်း များသည် ယခင်အစိုးရ လက် ထက်က တည်ဆောက်ခဲ့သည့် တန်ဖိုးသင့်၊ တန်ဖိုးနည်းအိမ်ရာစီ မံကိန်းများ ဖြစ်သည်။
အခန်းရောင်းချရာတွင် ယခင် အစိုးရလက်ထက်က တည်ဆောက်ခဲ့သည့် ရတနာဧရာဝဏ် အိမ်ရာ စီမံကိန်းများကဲ့သို့  ဈေးနှုန်းကြီး မြင့်သွားခြင်း မျိုးမဖြစ်သင့်ဘဲ အခြေခံပြည်သူများ လက်လှမ်းမီ သည့် ဈေးနှုန်းဖြစ်ရန် လိုအပ်ပြီး ဘဏ်ချေးငွေတွင် အတိုးနှုန်းလျှော့ချပေးသင့်ကြောင်း မြို့ပြစီမံကိန်း ပညာရှင် ဦးမြင့်မိုရ်ဆွေက သုံးသပ်ပြောကြားသည်။
Credit: 7daydaily
