ပြည်ပ အိမ်ခြံမြေ သတင်း | Posted by နှင်းအိခင်
(Renee Zellweger ဘယ်သူလဲ))
ရေနီ ဇဲဝက်ဂါ (မွေး ၁၉၆၉) သည် အမေရိကန်ရုပ်ရှင်မင်းသမီးတစ်ဦးဖြစ်ပြီး အနုပညာသက်တမ်းတစ်လျှောက် ဆုတံဆိပ်များစွာရရှိခဲ့ရာ အော်စကာဆု ၂ ဆု၊ ဗြိတိသျှရုပ်ရှင်အကယ်ဒမီဆု ၂ ခုတို့လည်း ပါဝင်သည်။
(Photo - Samir Hussein/ WireImage)
၂၀၀၇ ခုနှစ်အတွင်း ကမ္ဘာ့အနုပညာကြေးအမြင့်ဆုံး ရုပ်ရှင်မင်းသမီးများတွင် တစ်ဦးအပါအဝင်အဖြစ် ရပ်တည်ခဲ့သည်။
ရေနီ ဇဲဝက်ဂါ၏ ထင်ရှားသော ရုပ်ရှင်ဇာတ်ကားများမှာ Chicago (2002)၊ Cold Mountain (2003) တို့မှာ အထင်ရှားဆုံးဖြစ်သည်။
((ဇဲဝက်ဂါ ရောင်းထုတ်သွားသော စံအိမ်))
ရေနီ ဇဲဝက်ဂါ ရောင်းထုတ်သွားသော လော့စ်အိန်ဂျလိစံအိမ်မှာ ယခုအခါ အရောင်းဈေးကွက်သို့ ပြန်ရောက်လာသည်။
လော့စ်အိန်ဂျလိခရိုင်၊ Topanga Hills အရပ်တွင် တည်ရှိကာ ခြံအကျယ် ၁၀ ဧက ရှိသည်။
Topanga မှာ တောင်တန်းနှင့် ပင်လယ်ဆုံစည်းရာဟု အဓိပ္ပာယ်ရသည်။ ထပ်ဆင့်အော်စကာဆုရှင် ရေနီ ဇဲဝက်ဂါ ပိုင်ဆိုင်ခဲ့ဖူးသော အဆိုပါစံအိမ်မှာ ယခုအခါ ကန်ဒေါ်လာ ၇ ဒသမ ၉၉၅ သန်းဈေးခေါ်ကာ အရောင်းဈေးကွက်ဝင်လာသည်။
အသက် ၅၅ နှစ်ရှိပြီဖြစ်သော ဇဲဝက်ဂါသည် စပိန်ဗိသုကာဟန် ယခုစံအိမ်ကို ၂၀၁၅ ခုနှစ်အတွင်းက ကန်ဒေါ်လာ ၃ ဒသမ ၃၅ သန်းဖြင့် ဝယ်ယူခဲ့ခြင်း ဖြစ်သည်။
(▲ ခြံအကျယ် ၁၀ ဧကရှိပြီး အော်စကာဆု ၂ ကြိမ်ရရှိထားသူ ရုပ်ရှင်မင်းသမီး ရေနီ ဇဲဝက်ဂါ တချိန်က ပိုင်ဆိုင်ခဲ့ဖူးသော စံအိမ်ဖြစ်ကာ ကန်ဒေါ်လာ ၇ ဒသမ ၉၉၅ သန်း ဈေးခေါ်ထားသည်။ ဓာတ်ပုံ-Jam Press/ Anthony Barcelo)
(▲ ရေနီ ဇဲဝက်ဂါက သူ၏ချစ်သူအမျိုးသားဖြစ်သော ဗြိတိန်ရုပ်သံတင်ဆက်သူ Ant Anstead နှင့် ပိုမိုနီးကပ်စွာ နေထိုင်ရန်အတွက် ယခုစံအိမ်ကို ၂၀၂၁ ခုနှစ်တွင် ကန်ဒေါ်လာ ၆ ဒသမ ၄ သန်းဖြင့် ရောင်းထုတ်သွားခဲ့သည်။ ဓာတ်ပုံ-Jam Press/ Anthony Barcelo)
(▲ စံအိမ်အကျယ်မှာ စတုရန်းပေ ၄၄၀၀ ကျော်ရှိသည်။ ဓာတ်ပုံ-Jam Press/ Anthony Barcelo)
စံအိမ်အတွင်း အိပ်ခန်း ၄ ခန်းနှင့် ရေချိုးခန်း ၅ ခန်းပါဝင်ပြီး အကျယ်အဝန်း ၄၄၁၄ စတုရန်းပေ ရှိသည်။
ကျယ်ပြောသော ခန်းမတစ်ခု၊ မီဒီယာခန်းမ၊ ညစာစားခန်း၊ အကောင်းဆုံး အသုံးအဆောင်ပစ္စည်းများ ထည့်သွင်းပေးထားသော မီးဖိုဆောင်နှင့် ထုပ်တန်းဖော် မျက်နှာကြက်များ ပါဝင်သည်။
(▲ ရုပ်ရှင်မင်းသမီး ရေနီ ဇဲဝက်ဂါနှင့် ချစ်သူ Ant Anstead တို့ Bridget Jones: Mad About The Boy ပဏာမ မိတ်ဆက်ပွဲသို့ တက်ရောက်ခဲ့ကြပုံ။ ဓာတ်ပုံ-Timmie/ SplashNews.com)
(▲ မီးဖိုဆောင်။ ဓာတ်ပုံ-Jam Press/ Anthony Barcelo)
(▲ ထင်းသုံးမီးလင်းဖိုပါသော ဧည့်ခန်း။ ဓာတ်ပုံ-Jam Press/ Anthony Barcelo)
(▲ အဝင်ပေါက် သီးသန့်ဂိတ်တံခါးမှ ဝင်သွားလျှင် ဝက်သစ်ချပင်ရိပ်တို့ဖြင့် အုံ့ဆိုင်းသော ယာဉ်အဝင်လမ်းကို တွေ့ရမည်ဖြစ်ပြီး ကျယ်ပြောသော မြက်ခင်းများ၊ လူသွားလမ်းများ ၊ ကျောက်တုံးနှင့် ကျောက်ပြားခင်း နားနေနေရာတို့ ပါဝင်ကာ လှပသော တောင်တန်းရှုမျှော်ခင်းများ ပိုင်ဆိုင်ထားသည်။ ဓာတ်ပုံ-Jam Press/ Anthony Barcelo)
(▲ အိပ်ခန်း ၄ ခန်းအနက်မှ တစ်ခု။ ဓာတ်ပုံ-Jam Press/ Anthony Barcelo)
(▲ တစ်ခုသော ရေချိုးခန်း။ ဓာတ်ပုံ-Jam Press/ Anthony Barcelo)
(▲ အခြား အိပ်ခန်းတစ်ခန်း။ ဓာတ်ပုံ-Jam Press/ Anthony Barcelo)
(ဆက်စပ်သတင်း)
ထပ်ဆင့် အော်စကာဆုရှင်မင်းသမီး ရေနီ ဇဲဝက်ဂါ ကယ်လီဖိုးနီးယား ကမ်းခြေအိမ် ငှားရမ်းနေထိုင်
https://www.imyanmarhouse.com/news/read/1002065
မိတ်ဆွေသည် အိမ်ခြံမြေအကျိုးဆောင်လုပ်ငန်း (သို့) ဆောက်လုပ်ရေးလုပ်ငန်း လုပ်ကိုင်နေသူတစ်ဦးဖြစ်ပါက iMyanmarHouse.com (အိုင်မြန်မာဟောက်စ်ဒေါ့ကွန်း) မှ သင်၏အိမ်ခြံမြေလုပ်ငန်း အထူးတလည် အောင်မြင်နိုင်စေရန်အတွက် ကူညီပံ့ပိုးပေးနိုင်ပါသည် ။ iMyanmarHouse.com (အိုင်မြန်မာဟောက်စ်ဒေါ့ကွန်း) ဝဘ်ဆိုက်နှင့် လက်တွဲ၍ အိမ်ခြံမြေလုပ်ငန်းလုပ်ကိုင်ပြီး မြန်မာနိုင်ငံတဝှမ်းလုံးတွင်အောင်မြင်နေသော အကျိုးဆောင် စုစုပေါင်း (၂၃၀၀) ကျော် နှင့် ဆောက်လုပ်ရေးလုပ်ငန်း စုစုပေါင်း (၇၀၀) ကျော်ရှိပါသည် ။ iMyanmarHouse.com (အိုင်မြန်မာဟောက်စ်ဒေါ့ကွန်း) ဝဘ်ဆိုက်ကို တစ်လလျှင် ပြည်တွင်းပြည်ပ မှ လူဦးရေ (၃.၈) သန်းကျော် ဝင်ရောက်အသုံးပြုနေပြီး မြန်မာတစ်နိုင်ငံလုံးတွင် နံပါတ် (၁) လူသုံးအများဆုံး အိမ်ခြံမြေရောင်းဝယ်ငှားဝဘ်ဆိုက် ဖြစ်ပါသည် ။ ရန်ကုန် ၊ မန္တလေး၊ ငွေဆောင်၊ ချောင်းသာ၊ တောင်ကြီး၊ ကလော၊ ပြင်ဦးလွင်၊ စစ်တွေ၊ မြဝတီ အစရှိသော မြန်မာတစ်နိုင်ငံလုံးတွင်ရှိသည့် အိမ်ခြံမြေစီမံကိန်းများကို ရောင်းချပေးနေပါသည်။သင်၏ အကျိုးဆောင်လုပ်ငန်း (သို့မဟုတ်) ဆောက်လုပ်ရေးလုပ်ငန်းအောင်မြင်စေရန်အတွက် iMyanmarHouse.com (အိုင်မြန်မာဟောက်စ်ဒေါ့ကွန်း) နှင့် အခုပင်လျှင် ဆက်သွယ် မေးမြန်းစုံစမ်းနိုင်ပါသည် ။ (Hot Line ဖုန်း : 09-252605671 ~ 5 )
အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။
ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
(iMyanmarHouse.com Team မှ ရေးသား ဖော်ပြသည်။)
Credit: iMyanmarHouse.com
Ref: LA home Renée Zellweger sold to move closer to boyfriend Ant Anstead lists for $8M
Photo Credit- Jam Press/ Anthony Barcelo
