အမေရိကန်ပြည် မက်ဆာချူးဆက်ပြည်နယ်တွင် ပင်လယ်အတွင်း ပြိုကျမည့်အန္တရာယ်နှင့် ရင်ဆိုင်နေရသော တန်ဖိုးကြီး စံအိမ်ကြီး၏ ပိုင်ရှင်မှာ စံအိမ်ကို ဖြိုဖျက်ရန် ငြင်းဆန်နေခဲ့၊ နောက်ဆုံးတွင်မူ ဖြိုချလိုက်ရ

4 Mar 2025 12:15 pm တွင် တင်ခဲ့သည်

308 ကြိမ် ကြည့်ရှု့ပြီး

ပြည်ပ အိမ်ခြံမြေ သတင်း | Posted by စည်သူအောင်

အမေရိကန်ပြည် Cape Cod ပင်လယ်ကွေ့တွင် ရေတိုက်စားမှုကြောင့် ပင်လယ်အတွင်း ပြိုကျတော့မည့် အန္တရာယ်နှင့် ရင်ဆိုင်နေရသော တန်ဖိုးကြီး စံအိမ်ကြီးတစ်လုံး ဖြိုချခံလိုက်ရကြောင်း အေပီသတင်းတစ်ရပ်တွင် ဖော်ပြသည်။

မက်ဆာချူးဆက်ပြည်နယ်ရှိ ပင်လယ်ကမ်းခြေစံအိမ်ကြီးတစ်လုံးမှာ ပင်လယ်ကမ်းပါး ရေတိုက်စားမှုကြောင့် ပင်လယ်အတွင်း ပြိုကျပါက နေအိမ်ဆုံးရှုံးမှုအပြင် အနီးရှိ Wellfleet ဆိပ်ကမ်းရှိ ကမာကောင်တို့၏ အသိုက်အမြုံများကို ထိခိုက်ပျက်စီးစေမည့် အန္တရာယ်ရှိနေသည်။

သို့သော်ပိုင်ရှင်ဖြစ်သူက မဖြိုဖျက်နိုင်ကြောင်း ငြင်းဆန်နေရာ သဲသောင်ကမ်းပါးစွန်းတွင် ပြိုကျလု အနေအထားဖြင့် လပေါင်းများစွာ ဆက်လက်တည်ရှိနေခဲ့သည်။

ဖေဖော်ဝါရီ ၂၄ ရက်ကမူ နေအိမ်ကို တစ်စစီ ဖြိုဖျက်ရန်နှင့် အပျက်အစီးများကို သယ်ဆောင်သွားရန်အတွက် စက်ယန္တရားကြီးများ၊ ထရပ်ကားများ ရောက်လာသည်။

ဖေဖော်ဝါရီ ၂၅ ရက်တွင် နေအိမ်၏ ကွန်ကရစ် ဆလပ်ပြားများ၊ မီးခိုးခေါင်းတိုင်နှင့် မီးစက်ကြီးတစ်လုံးသာ ကျန်ရစ်တော့သည်။

(▲သဲသောင်ကမ်းပါးစွန်းတွင် တည်ရှိပြီး Wellfleet မြို့ရှိ ပင်လယ်ကမ်းခြေတစ်ခုကို စီးမိုးတွေ့မြင်နေရသည့် နေအိမ်အား ၂၀၂၅ ခုနှစ်၊ ဇန်နဝါရီ ၂၇ ရက်က ရိုက်ကူးထားခြင်း ဖြစ်သည်။ ဓာတ်ပုံ-AP Photo/ Andre Muggiati, File)

(▲ နေအိမ်ကို ဖြိုချပြီးနောက် ကြွင်းကျန်ရစ်သည့်မြင်ကွင်းကို ၂၀၂၅ ခုနှစ်၊ ဖေဖော်ဝါရီလ ၂၅ ရက်က တွေ့မြင်ရပုံ။ ဓာတ်ပုံ-AP Photo/ Andre Muggiati, File)

(31’ x 64’)အကျယ်၊ ရန်ကင်းမြို့နယ်၊ အောင်ဇေယျလမ်းသွယ်ရှိ လုံးချင်းအိမ် အရောင်း။

29,000 သိန်း (ကျပ်)

ရန်ကင်း | ရန်ကုန်တိုင်းဒေသကြီး

ရန်ကင်းမြို့နယ် မိုးကောင်းလမ်းမကြီးအနီး လုံးချင်းအိမ်အရောင်း / Landed House for Sales Yankin Townshi

63,000 သိန်း (ကျပ်)

ရန်ကင်း | ရန်ကုန်တိုင်းဒေသကြီး

Near Pyitharyar Road Land Only for Sales Yankin Township in Yangon / ရန်ကင်းမြို့နယ် ပြည်သာယာလမ်းမအန

42,000 သိန်း (ကျပ်)

ရန်ကင်း | ရန်ကုန်တိုင်းဒေသကြီး

“တစ်ဘက်ကကြည့်ရင် ဒီဒေသရဲ့ အထင်ကရပြယုဂ်တစ်ခုဖြစ်လာတဲ့ အိမ်တစ်လုံး ဖြစ်နေတာကြောင့် ဝမ်းနည်းဖို့ ကောင်းပါတယ်” ဟု Wellfleet မြို့လေး၏ သဘာဝပတ်ဝန်းကျင်ကောင်စီမှ အဖွဲ့ဝင်တစ်ဦးဖြစ်သူ John Cobler က ပြောသည်။

“တစ်ခြားတစ်ဘက်က ကြည့်မယ်ဆိုရင်တော့ ဒီအိမ်ကို ဖြိုချလိုက်တာ ကျွန်တော် ဝမ်းသာတယ်။ ဒါက ကျွန်တော်တို့မြို့နဲ့ ကျွန်တော်တို့ရဲ့ သဘာဝပတ်ဝန်းကျင်အတွက် သောကကြီးတစ်ခုပါ” ဟု Cobler က ဆိုသည်။

(▲ နေအိမ်ဖြိုချနေသည်ကို ၂၀၂၅ ခုနှစ်၊ ဖေဖော်ဝါရီလ ၂၅ ရက်က တွေ့ရပုံ။ ဓာတ်ပုံ-AP Photo/ Andre Muggiati, File)

ယခုအိမ်ကို ၂၀၁၉ ခုနှစ်တွင် နယူးယောက်မှ ရှေ့နေတစ်ဦးဖြစ်သူ Bonomi က ကန်ဒေါ်လာ ၅ ဒသမ ၅ သန်းဖြင့် ဝယ်ယူခဲ့ခြင်း ဖြစ်သည်။

ပြီးခဲ့သော ၂၀၂၃ ခုနှစ်အတွင်း ထွက်ပေါ်လာသော အစီရင်ခံစာတစ်ခုအရ အဆိုပါအိမ်မှာ ၃ နှစ်အတွင်း ပင်လယ်ထဲသို့ ပြိုကျဖွယ်ရှိသည်ဟု ခန့်မှန်းထားသည်။

ထိုသို့ပြိုကျပါက အိမ်၏ အပျက်အစီးများမှာ အနီးတွင် ကမာကောင် မွေးမြူရေး လုပ်ကိုင်နေသူတို့၏ လုပ်ငန်းကို ထိခိုက်လာမည် ဖြစ်သည်။

ထို့ကြောင့် မြို့၏ သဘာဝပတ်ဝန်းကျင်ကော်မရှင်က အဆိုပါအိမ်ကို ဖျက်သိမ်းရန် Bonomi အား တောင်းဆိုခဲ့သည်။

(▲ နေအိမ်ဖြိုဖျက်ပြီး ကျန်ရစ်သည့်မြင်ကွင်းကို ပြီးခဲ့သော ဖေဖော်ဝါရီ ၂၅ ရက်က တွေ့မြင်ရပုံ ဖြစ်သည်။ ဓာတ်ပုံ-AP Photo/ Andre Muggiati)

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Luxury home at risk of tumbling into Cape Cod Bay over removal dispute is demolished

Photo Credit- AP Photo/ Andre Muggiati

အိမ္ၿခံေျမ

Share on Facebook

Share on Twitter