အမေရိကန်အခြေစိုက် Six Flags ကုမ္ပဏီသည် ဒူဘိုင်းတွင် ကမ္ဘာ့အကြီးဆုံး ရိုလာကိုစတာ တည်ဆောက်မည်ဖြစ်ကြောင်း ထုတ်ဖော်ကြေညာလိုက်သည်ဟု အရှေ့အလယ်ပိုင်းအခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။
လက်ရှိအားဖြင့် ကမ္ဘာ့အမြင့်ဆုံး ရိုလာကိုစတာမှာ အမေရိကန်ပြည်ထောင်စု၊ နယူးဂျာစီပြည်နယ်တွင် တည်ရှိသော ကင်ဒါကာ ရိုလာကိုစတာဖြစ်ပြီး ၄၅၆ ပေ မြင့်မားကာ မြန်နှုန်းမှာ တစ်နာရီလျှင် ၁၂၈ မိုင်ဖြစ်သည်။
ကမ္ဘာ့အမြန်ဆုံး ရိုလာကိုစတာ ဖော်မြူလာရိုဆာသည် အဘူဒါဘီရှိ Ferrari World တွင် တည်ရှိပြီး မြန်နှုန်းမှာ တစ်နာရီလျှင် ၁၄၉ မိုင် ဖြစ်သည်။
“ဒူဘိုင်းမှာ တည်ဆောက်မယ့် အခုရိုလာကိုစတာဟာ ကမ္ဘာပေါ်မှာရှိတဲ့ ရိုလာကိုစတာအားလုံးထက် ပိုမိုကြီးမား၊ မြန်ဆန်၊ ကောင်းမွန်မှာ ဖြစ်ပါတယ်” ဟု Six Flags ကုမ္ပဏီမှ လက်ထောက်ဥက္ကဌ ဂျွန်အိုဒမ်က ပြောကြားသည်။
Six Flags ကုမ္ပဏီသည် နိုင်ငံတကာတွင် ရေပေါ်ပန်းခြံများ အဓိကတည်ဆောက်လျက်ရှိသည့် ကုမ္ပဏီဖြစ်သည်။
အဘူဒါဘီနှင့် ဒူဘိုင်းတို့သည် ကမ္ဘာ့ရေနံဈေးများ ကျဆင်းမှုကြောင့် စီးပွားရေးနှေးကွေးနေရာ ကမ္ဘာလှည့်ခရီးသည်ဝင်ရောက်မှု မြှင့်တင်နိုင်ရေးအတွက် ရေပေါ်ပန်းခြံများ တည်ဆောက်ရန် အရှိန်ဟုန်မြှင့် ကြိုးပမ်းလာသည်။
Six Flags သည် မြောက်အမေရိကတွင် ရေပေါ်ပန်းခြံပေါင်း ၂၀ ခန့် ပိုင်ဆိုင်ထားပြီး ဗီယက်နမ်နိုင်ငံ၊ ဟိုချီမင်းမြို့တော်တွင်လည်း ရေပေါ်ပန်းခြံ ၂ ခုတည်ဆောက်ရန် သဘောတူညီမှု ရရှိထားပြီး ဖြစ်သည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
