တရုတ်နိုင်ငံ၊ ဆုရှူးပြည်နယ်၊ ဒူရှူးရေကန်ကြီး၏ တောင်ဘက်ကမ်းခြေတွင်တည်ရှိသည့် နေအိမ်ကြီးတစ်လုံးသည် ခေါ်ဈေး ယွမ်ငွေ တစ်ဘီလီယံ (ကန်ဒေါ်လာ ၁၅၄ သန်း) ဖြင့် အရောင်းဈေးကွက်ဝင်လာရာ တရုတ်တစ်ပြည်လုံးတွင် အမြင့်မားဆုံးအိမ်ဈေးအဖြစ် စံချိန်တင်ခဲ့ကြောင်း နယူးယောက်အခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။
နေအိမ်၏အမည်မှာ “တောက်ဟွာယွမ်” ဖြစ်ပြီး နိဗ္ဗာန်ဘုံဟု အဓိပ္ပာယ်ရသော်လည်း အများအခေါ်မှာ စာသံပေသံအဓိပ္ပာယ်ဖွင့်ချက်ဖြစ်သော မက်မွန်ပန်းတို့ပွင့်လန်းရာမြေဟုသာ ခေါ်ဆိုကြသည်။
နေအိမ်အတွင်းတွင် အိပ်ခန်းပေါင်း ၃၂ ခန်း၊ ရေချိုးခန်း ၃၂ ခန်းအထိပါဝင်သည်။
ယင်းနေအိမ်ကြီးကို ရောင်းချရန်တာဝန်ယူထားသော ဘေကျင်းဆောက်သ်ဘီလေလံအဖွဲ့၏ နိုင်ငံတကာအိမ်ခြံမြေအကျိုးဆောင်ဌာနမှ လက်ထောက်ဥက္ကဌ ဂျင်ဟာအိုက ပြောကြားရာတွင် “တရုတ်နိုင်ငံမှာ ကျွန်တော်တို့ကိုင်ထားတဲ့ အိမ်ခြံမြေအရောင်းစာရင်းမှာတော့ ဈေးအမြင့်ဆုံးဆိုတာထက်ကို ဒီအိမ်ဈေးက အများကြီးကျော်လွန်နေပါတယ်”ဟု ဆိုသည်။
တရုတ်နိုင်ငံတွင် ရောင်းချခဲ့သော၊ ဈေးကွက်အတွင်းလက်ရှိရောက်နေသော တန်ဖိုးအကြီးဆုံးဟူသောနေအိမ်ပေါက်ဈေးမှာ ယခုအိမ်ဈေးအောက် ထက်ဝက်ခန့်သာရှိသည်။
(မှတ်ချက်။ အဆိုပါ နှိုင်းယှဉ်မှုတွင် ဟောင်ကောင်ရှိ အိမ်ဈေးနှုန်းများ မပါဝင်ချေ။ ဟောင်ကောင်တွင် မကြာသေးမီကပင် နေအိမ်တစ်လုံးကို ကန်ဒေါ်လာ သန်း ၂၇၀ ခန့်ဖြင့် ရောင်းချခဲ့သည်။)
အဆိုပါ နေအိမ်ကြီးသည် ရှေးဟောင်းနေအိမ်မဟုတ်ဘဲ မကြာသေးမီကမှ ဆောက်လုပ်ခဲ့ခြင်းဖြစ်ပြီး အိပ်ခန်း ၃၂ ခန်းလုံးမှာ တောင်ဘက်အရပ်သို့ မျက်နှာမူကာ ဆောက်လုပ်ထားခြင်းကြောင့် သဘာဝအလင်းရောင်ကို ကောင်းစွာရရှိသည်။
ယခုအခါတရုတ်ပြည်တွင်းတွင် ယင်းနေအိမ်ကြီး၏ ခေါ်ဈေးကို အစွဲပြု၍ “ယွမ်တစ်ဘီလီယံစံအိမ်”ဟု ရည်ညွှန်းခေါ်ဆိုလျက်ရှိကြသည်။
ဆုရှူးပြည်နယ်ရှိ ကိုယ်ပိုင်ပန်းဥယျာဉ်များသည် ရှေးဟောင်းသမိုင်းဝင်များဖြစ်ကြပြီး ကမ္ဘာ့ယဉ်ကျေးမှုအမွေအနှစ်များအဖြစ် အသိအမှတ်ပြုခံထားရသည်။
ယခုနေအိမ်ကြီးမှာ ပန်းဥယျာဉ်အသွင် ဆောက်လုပ်ထားသောနေအိမ်ကြီးဖြစ်ပြီး ၃ နှစ်ကြာအချိန်ယူဆောက်လုပ်ခဲ့ရသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
