နာမည်ကျော်သရုပ်ဆောင်ဘရက်ပစ်နှင့် တွဲဖက်သရုပ်ဆောင်ခဲ့သော Interview with the Vampire ဇာတ်ကားဖြင့် ကမ္ဘာသိသရုပ်ဆောင်ဖြစ်လာခဲ့ပြီးနောက် ကမ္ဘာကျော်အက်ရှင်ဇာတ်ကားများစွာတွင် သရုပ်ဆောင်ခဲ့သူ တွမ်ခရုစ်ပိုင်ဆိုင်သည့် တန်ဖိုးကြီးဇိမ်ခံ နေအိမ်ကြီးကို ဗြိတိန်ပေါ့ပ်ကြယ်ပွင့် ပီတာ အန်ဒရေအား ပေါင် ၅ သန်း (ကန်ဒေါ်လာ ၆ ဒသမ ၄ သန်း) ဖြင့် ရောင်းချလိုက်ပြီ ဖြစ်ကြောင်း ဘန်ကောက်အခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။
နေအိမ်တည်နေရာမှာ လန်ဒန်မြို့တောင်ဘက် မိုင် ၃၀ ခန့်ကွာဝေးပြီး အနောက်ဆပ်ဆက်စ်ခရိုင်၊ အရှေ့ဂရင်းစတက်ကျေးရွာတွင် တည်ရှိသည်။
အမေရိကန်ပြည်ထောင်စု၊ လော့စ်အိန်ဂျလိမြို့၊ ဟောလိဝုဒ်ဟေးလ်ရှိ နေအိမ်ကြီးကို တွမ်ခရုဇ်က ကန်ဒေါ်လာ ၁၁ ဒသမ ၄ သန်းဖြင့် ရောင်းချမည့်သတင်းကို iMyanmarHouse.com တွင် ရေးသားဖော်ပြခဲ့ပြီးဖြစ်ရာ ပြန်လည်ဖတ်ရှုလိုပါက http://www.imyanmarhouse.com/news/read/503116 လင့်ခ်တွင် ဖတ်ရှုနိုင်ပါသည်။
တွမ်ခရုဇ်သည် အဆိုပါနေအိမ်ကို ၂၀၀၃ ခုနှစ်အတွင်း ပေါင် ၃ သန်း (ကန်ဒေါ်လာ ၃ ဒသမ ၉ သန်း) ဖြင့် ၀ယ်ယူခဲ့ခြင်းဖြစ်ရာ ယခုရောင်းချမှုမှာ ပေါင် ၂ သန်းကျော် မြတ်စွန်းခဲ့လေသည်။
ခြံဝန်းအကျယ်အ၀န်းမှာ ၁၄ ဒသမ ၂ ဧကကျယ်ဝန်းပြီး အိပ်ခန်း ၆ ခန်းပါဝင်သည်။
ရုပ်ရှင်ရုံတစ်ရုံ၊ စတူဒီယိုခန်းတစ်ခု၊ ရေကူးကန်၊ ဘိလိယက်ခန်းမ၊ အားကစားခန်းမ၊ တင်းနစ်ကွင်းနှင့် အိပ်ခန်း ၂ ခန်းပါ ဧည့်ဂေဟာတို့ ပါဝင်သည်။
ဗြိတိန်ပေါ့ပ်ကြယ်ပွင့် ပီတာအန်ဒရေသည် ၁၉၉၆ ခုနှစ်တွင် ရိုက်ကူးထုတ်လုပ်ခဲ့သော Mysterious Girl ဂီတဗွီဒီယိုဖြင့် နာမည်ကျော်ခဲ့သူ ဖြစ်သည်။
ထိုင်းနိုင်ငံတွင် ရိုက်ကူးခဲ့ခြင်း ဖြစ်သည့် အဆိုပါ ဗွီဒီယိုကို ကြည့်ရှုလိုသူများအနေဖြင့် https://youtu.be/iqIq4B1rgl4 လင့်ခ်တွင် ကြည့်ရှုနိုင်ပါသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
