ပြည်ပ အိမ်ခြံမြေ သတင်း | Posted by ဇာနည်ကျော်
ဗြိတိန် တော်ဝင်မင်းသား ဟယ်ရီနှင့် မီဂန်မာကယ်တို့ စုံတွဲသည် အမေရိကန်ပြည် ကယ်လီဖိုးနီးယားပြည်နယ် ၊ မွန်တီစီတိုမြို့မှ မြို့သူမြို့သားတို့၏ ဒေါသတကြီး ဝေဖန်မှုနှင့် ရင်ဆိုင်နေရသည်။
မွန်တီစီတိုမြို့တွင် အိမ်ခြံမြေဈေးနှုန်းများ မြင့်တက်လာခြင်းမှာ ဆပ်ဆက်မြို့စား ဟယ်ရီကြောင့် ဖြစ်ကြောင်း ဒေသခံတို့က အပြစ်ဖို့သည်။
အသက် ၄၀ အရွယ် တော်ဝင်မင်းသားဟယ်ရီနှုင့် အသက် ၄၃ နှစ်အရွယ် မီဂန်မာကယ်တို့သည် မွန်တီစီတိုရှိ ဒေါ်လာ ၁၄ ဒသမ ၆၅ သန်းတန် စံအိမ်တွင် ၂၀၂၀ ပြည့်နှစ်ကတည်းက အခြေချနေထိုင်နေခြင်း ဖြစ်သည်။
ဟယ်ရီတို့ စုံတွဲသည် တော်ဝင်မိသားစုဝင် ဘဝကို စွန့်လွှတ်ကာ အမေရိကန်ပြည်သို့ အပြီးတိုင် ပြောင်းရွှေ့အခြေချခဲ့ခြင်း ဖြစ်သည်။
မွန်တီစီတိုတွင် နေထိုင်ခဲ့သည့် ၅ နှစ်တာကာလအတွင်း ဟယ်ရီတို့စုံတွဲသည် ဒေသကောင်းကျိုးအတွက် အနည်းငယ်သာ လုပ်ဆောင်ခဲ့ကြောင်း သတင်းရင်းမြစ်အချို့က Vanity Fair သို့ ပြောသည်။
မင်းသား ဟယ်ရီတို့ စုံတွဲသည် ဝန်းကျင်အသိုင်းအဝိုင်းနှင့် ထိတွေ့ကာ လူမှုရေးကိစ္စများ ဆောင်ရွက်မှုမရှိ ကြောင်း အိမ်နီးချင်းတစ်ဦးက ဝေဖန်ခဲ့ဖူးသည်။
ယခုအခါ မွန်တီစီတိုတွင် နေထိုင်သော ဒေသခံအုပ်စုတစ်ခုက ပြောကြားလာသည်မှာ ဟယ်ရီတို့စုံတွဲသည် ထိုဒေသကို အိမ်ခြံမြေ ဈေးတက်စေရုံမျှမက တချိန်က ဆိတ်ငြိမ်အေးချမ်းခဲ့သော နေရာတွင် မလိုလားအပ် သော ခရီးသွားများဖြင့် ပြည့်နှက်စေခဲ့ကြောင်း ဝေဖန်ပြောကြားသည်။
၎င်းတို့က ထိုသို့ ဆိုသော်လည်း မွန်တီစီတိုသည် နာမည်ကျော်များနှင့် စိမ်းသောအရပ်မဟုတ်။
လွန်ခဲ့သော နှစ်များစွာအတွင်း ဂွင်းနက်ပက်ထရိုး၊ အော်ပရာဝင်းဖရေး၊ မိုက်ကယ်ဒေါက်ဂလပ်နှင့် လီယိုနာဒို ဒီကာပရီယိုတို့ အပါအဝင် ထိပ်သီးကြယ်ပွင့်များစွာ နေထိုင်ခဲ့ကြဖူးသည်။
(မွန်တီစီတိုမြို့တွင် အိမ်ခြံမြေဈေးနှုန်းများ မြင့်တက်လာခြင်းမှာ ဆပ်ဆက်မြို့စား ဟယ်ရီကြောင့် ဖြစ်ကြောင်း ဒေသခံတို့က အပြစ်ဖို့သည်။ ဓာတ်ပုံ-Getty Images)
(အသက် ၄၀ အရွယ် တော်ဝင်မင်းသားဟယ်ရီနှုင့် အသက် ၄၃ နှစ်အရွယ် မီဂန်မာကယ်တို့သည် မွန်တီစီတိုရှိ ဒေါ်လာ ၁၄ ဒသမ ၆၅ သန်းတန် စံအိမ်တွင် ၂၀၂၀ ပြည့်နှစ်ကတည်းက အခြေချနေထိုင်နေခြင်း ဖြစ်သည်။ ဓာတ်ပုံ-Google Map)
(ဟယ်ရီနှင့် မီဂန်မာကယ်တို့သည် မွန်တီစီတိုစံအိမ်တွင် သားသမီး ၂ ဦးနှင့်အတူ နေထိုင်ပြီး privacy ကို အလွန်ကာကွယ်နေထိုင်ကြသည်။ ဒေသတွင်းတွင် ကျော်ကြားစေရန် လုပ်ဆောင်မှု နည်းပါးသည်။ ဓာတ်ပုံ-Archewell Foundation)
(ဟယ်ရီတို့စုံတွဲကြောင့် မလိုလားအပ်သော ဧည့်သည်များ များပြားလာကြောင်း ဝေဖန်ကြသည်။ ဟယ်ရီတို့စုံတွဲသည် မွန်တီစီတိုရှိ အိမ်တစ်လုံးတွင် Netflix ရုပ်သံအစီအစဉ်တစ်ခု ရိုက်ကူးခဲ့ခြင်း ဖြစ်သည်။ ဓာတ်ပုံ-Netflix)
(အမည်မဖော်သော ဒေသခံတစ်ဦး၏ ပြောကြားချက်အရ ဟယ်ရီနှင့် မီဂန်တို့သည် မွန်တီစီတိုအတွက် ဗီလိန်များ ဖြစ်လာနေကြောင်း ပြောသည်။ ဓာတ်ပုံ-Instagram/Meghan)
အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။
ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
(iMyanmarHouse.com Team မှ ရေးသား ဖော်ပြသည်။)
Credit: iMyanmarHouse.com
Ref: Prince Harry and Meghan Markle ‘Have Become Local Villains’ in Montecito—and Are Blamed for Driving Up Home Prices and Flooding Community With Unwanted Tourists
Photo Credit-Getty Images, Google Maps, Netflix, Instagram/Meghan, Archewell Foundation