မိမိ၏ ကားနောက်တွဲထဲတွင် ရုပ်ရှင်မင်းသား Liam Hemsworth က လူသေအလောင်းတုကြီး လာထည့်ကာ စနောက်ခဲ့မှုကြောင့် ဘောင်းဘီထဲတွင် သေးထွက်ကျခဲ့ရသူ အော်စကာဆုရှင်မင်းသမီး ဂျနီဖာ လောရင့်စ်က နယူးယောက်တွင် ဒေါ်လာ ၂၁ ဒသမ ၉ သန်းတန် စံအိမ်တစ်လုံးဝယ်ယူ

The Expendables ဇာတ်ကားကြီးတွင် စတားလုံးနှင့် တွဲဖက်သရုပ်ဆောင်ဖူးသူ ရုပ်ရှင်မင်းသား Liam Hemsworth သည် The Hunger Games ဇာတ်လမ်းတွဲတွင် ဂျနီဖာလောရင့်စ်၊ Josh Hutcherson တို့နှင့် အပြိုင်သရုပ်ဆောင်ခဲ့သည်။

၎င်းတို့ ၃ ဦးသည် ထိုဇာတ်လမ်းတွဲ ရိုက်ကူးစဉ်ကာလတလျှောက် အမြဲလိုလို တစ်ဦးနှင့်တစ်ဦး အပြန်အလှန် စနောက်လေ့ရှိကြသည်။

တခါတွင်မူ Liam Hemsworth က ဂျနီဖာလောရင့်စ်ကို အစလွန်သွားသည်။

The Hunger Games: Mockingjay- Part 2 ကို ရိုက်ကူးနေစဉ်ကာလ ဖြစ်သည်။

ရုပ်ရှင်ဇာတ်လမ်းမှာ တစ်ဦးနှင့်တစ်ဦး အပြိုင်အဆိုင် သရုပ်ဆောင်ရခြင်းဖြစ်ရာ ရိုက်ကွင်းပေါ်မှ တင်းမာမှုများ ကို ပြင်ပလောကဆက်ဆံရေးတွင် ပြန်လည်ပြေလျော့စေရန် ရည်ရွယ်ကာ Liam Hemsworth က ဂျနီဖာလောရင့်စ်၏ ကားနောက်တွဲထဲတွင် လူသေအလောင်းပုံစံ ဖန်တီးကာ ထည့်ထားလိုက်ပြီး ဂျနီဖာ လောရင့်စ် ရောက်လာသည့်အချိန်ကို စောင့်နေလိုက်သည်။

ဂျနီဖာလောရင့်စ်ရောက်လာပြီး ကားနောက်တွဲထဲတွင် လူသေအလောင်းကြီး တွေ့လိုက်ရချိန်တွင် အကြောက်လွန်ကာ ဘောင်းဘီထဲတွင် သေးများ ထွက်ကျခဲ့၏။

Liam Hemsworth မှာ ၎င်း၏ စနောက်ခြင်း အောင်မြင်မှုအပေါ် သဘောကျနေစဉ် ဂျနီဖာလောရင့်စ် အဖြစ်မှန်ကို သိရချိန်၌ Liam Hemsworth ၏ ခေါင်းကို ပြေးကန်ခဲ့သည်။

ရိုက်ကွင်းတွင် ရှိနေသူများ ဂဃဏနမသိလိုက်ဘဲ မတော်တဆဖြစ်သလို မှတ်ထင်ခဲ့ကြ၏။

((ဂျနီဖာလောရင့်စ် ဝယ်ယူလိုက်သော နယူးယောက် နေအိမ်ခန်း))

The Hunger Games, Silver Linings Playbook တို့ဖြင့် ထင်ရှားသူ အော်စကာဆုရှင် ဂျနီဖာလောရင့်စ်သည် အိမ်ခြံမြေကဏ္ဍတွင် ငွေအလုံးအရင်း သုံးစွဲမှု ပြုလုပ်လာသည်။

ဂျနီဖာလောရင့်စ်က နယူးယောက်မြို့၊ West Village ရှိ နေအိမ်ခန်းကို ကန်ဒေါ်လာ ၂၁ ဒသမ ၉ သန်းဖြင့် မကြာသေးမီက ဝယ်ယူလိုက်မှုအပေါ် သူ၏ပရိသတ်များနှင့် အိမ်ခြံမြေလောကသားတို့က စိတ်ဝင်တစား ရှိခဲ့ကြသည်။

ဂျနီဖာလောရင့်စ်သည် West Village ရှိ အိပ်ခန်း ၄ ခန်းပါအိမ်ကို ကန်ဒေါ်လာ ၂၁ ဒသမ ၉ သန်းဖြင့် ဝယ်ယူခဲ့ခြင်း ဖြစ်သည်။

နယူးယောက်မြို့ရှိ လူအများအလိုချင်ဆုံးနေရာတစ်ခုတွင် တည်ရှိပြီး အကျော်အမော်တို့ အမြဲလိုချင်သော luxury နှင့် Privacy ဖြစ်မှုတို့ ရှိသည်။

ဂျနီဖာလောရင့်စ် ဝယ်ယူခဲ့သောအိမ်သည် အသစ်ဖော်ဆောင်လိုက်သော အိမ်ရာဝန်းတွင် တည်ရှိပြီး နာမည်ကျော်များ နေထိုင်ကြရာနေရာလည်း ဖြစ်သည်။

အထပ် ၂ ထပ်တွင် ဖြန့်ကျက်တည်ရှိပြီး ပထမထပ်တွင် အခန်းဖွင့်ခင်းကျင်းထားသော ဧည့်ခန်းနှင့် မီးဖိုဆောင် ရှိသည်။

ဒုတိယထပ်တွင် ပင်မအိပ်ခန်းတည်ရှိသည်။

(ပထမထပ်မှာ open plan ခင်းကျင်းထားပြီး မီးဖိုဆောင်နှင့် ဧည့်ခန်းတို့ရှိသည်)

(ဂျနီဖာလောရင့်စ်က နယူးယောက်မြို့၊ West Village ၊ Jane street ၊ အမှတ် ၁၇ တွင်ရှိသောအခန်းကို ကန်ဒေါ်လာ ၂၁ ဒသမ ၉ သန်းဖြင့် ဝယ်ယူခဲ့သည်)

(ဂျနီဖာလောရင့်စ်က အားကစားလေ့ကျင့်ခန်းမ၊ sauna အစရှိသော amenities များ ပါဝင်မှုကို သဘောကျသည်)

(ခင်ပွန်းဖြစ်သူ Cooke Maroney နှင့်အတူ ၂၀၁၈ ခုနှစ်၊ နိုဝင်ဘာလက တွေ့ရပုံ)

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767  သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: $21.9 Million Jennifer Lawrence House in Manhattan’s West Village (housingmarketnews) Photo Credit-housingmarketnews