ဂျပန်က မြန်မာကို ကိုဗစ်ကာလ အကျပ်အတည်းဖြေရှင်းရန် ဒေါ်လာ သန်း ၂၈၀ ချေးငွေပေး

[Unicode]

ဂျပန်နိုင်ငံက မြန်မာနိုင်ငံကို ကိုဗစ်ကာလ အကျပ်အတည်းများ ဖြေရှင်းရန်အတွက် အမေရိကန် ဒေါ်လာသန်း ၂၈၀ ခန့် အရေးပေါ်ထောက်ပံ့ချေးငွေပေးရေး စာချွန်လွှာကို စက်တင်ဘာ ၁ ရက်တွင် လက်မှတ်ရေးထိုးလဲလှယ်ခဲ့သည်ဟု မြန်မာနိုင်ငံဆိုင်ရာဂျပန်သံရုံးက သတင်းထုတ်ပြန်သည်။

ရင်းနှီးမြှုပ်နှံမှုတိုးမြှင့်ရေး၊ ဘဏ္ဍာရေးကဏ္ဍဖွံ့ဖြိုးတိုးတက်ရေးအစီအစဉ်ဆိုင်ရာချေးငွေဖြစ်ပြီး မြန်မာနိုင်ငံဆိုင်ရာ ဂျပန်သံအမတ်ကြီးနှင့် စီမံကိန်း၊ ဘဏ္ဍာရေးနှင့် စက်မှုဝန်ကြီးဌာန ဒုတိယဝန်ကြီး ဦးမောင်မောင်ဝင်းတို့က လက်မှတ်ရေးထိုးခဲ့ခြင်းဖြစ်သည်။

ယခုချေးငွေသည် ဘက်ဂျက် အထောက်အပံ့အနေဖြင့် ပေးမည်ဖြစ်ပြီး မြန်မာနိုင်ငံ၏ covid-19 ကြောင့် စီးပွားရေးထိခိုက်မှု သက်သာရေးစီမံချက်အပါအဝင် covid-19 နှင့် ပတ်သက်သည့် စီးပွားရေးစီမံချက်များကို ပံ့ပိုးကူညီမည်ဟုဆိုသည်။

မြန်မာနိုင်ငံရှိ COVID-19 ရောဂါ ကူးစက်ပြန့်ပွားမှုကာကွယ်တားဆီးရေးအစီအမံများကို မြန်မာနိုင်ငံအစိုးရနှင့် နိုင်ငံသူနိုင်ငံသားများ ကြိုးပမ်းအားထုတ်၍ စနစ်တကျအကောင်အထည် ဖော်ဆောင်ရွက်နေသည်ကို ဂျပန်အစိုးရက အထူးလေးစားဂုဏ်ယူသည်ဟု သံရုံးကဆိုသည်။

ထိုပြင် ဤချေးငွေဖြင့် ရင်းနှီးမြှုပ်နှံမှု၊ ကုန်သွယ်ရေးနှင့် ဘဏ္ဍာရေး အခြေခံအဆောက်အအုံများအတွက် သင့်လျော်ကောင်းမွန်သော ပတ်ဝန်းကျင်ဖန်တီးနိုင်ရန် ဖြစ်သည်ဟု သံရုံးကဆိုသည်။ ထိုအတွက် လိုအပ်သောမူဝါဒများနှင့် အဖွဲ့အစည်းများကို ဖွံ့ဖြိုးတိုးတက်စေပြီး မြန်မာနိုင်ငံ၏ လူမှုစီးပွားရေး အခြေအနေသက်ဝင်လှုပ်ရှားလာစေရန် ရည်ရွယ်သည်ဟုလည်း သံရုံးကဆိုသည်။

ထိုချေးငွေသည် ချေးငွေသက်တမ်း နှစ်၄၀ဖြစ်ပြီး ဆိုင်းငံ့ကာလ ၁၀ နှစ်ပါဝင်သည်။ အတိုးနှုန်းမှာ ၀ ဒသမ ၀၁ ရာခိုင်နှုန်းဖြစ်သည်။ နှောင်ကြိုးမပါသော ဝယ်ယူခြင်းများဆောင်ရွက်နိုင်သည်ဟု ဂျပန်သံရုံးက ထုတ်ပြန်သည်။

မြန်မာနိုင်ငံကို ဂျပန်နိုင်ငံခြားရေးဝန်ကြီး လာရောက်ပြီးနောက် တစ်ပတ်အကြာတွင် ယခုချေးငွေ စာချုပ်ကိုလက်မှတ်ရေးထိုးလိုက်ခြင်းဖြစ်သည်။

ထိုခရီးစဉ်တွင် ဂျပန်နိုင်ငံခြားရေးဝန်ကြီး Mr. MOTEGI က လတ်တလော COVID-19 ဆိုင်ရာလုပ်ငန်းစဉ်များအတွက် ယခုအချိန်အထိ မြန်မာနိုင်ငံအတွက် အမေရိကန်ဒေါ်လာ သန်း ၃၀ ကျော် တန်ဖိုးရှိသော နည်းပညာအကူအညီများနှင့် Avigan ဆေးပြားများ၊ ကျန်မာရေးနှင့် ဆေးဘက်ဆိုင်ရာ စက်ပစ္စည်းကိရိယာ အထောက်အပံ့များကို ပေးအပ်လျက်ရှိသည့်အပြင် အရေးပေါ်ဘဏ္ဍာရေးအထောက်အပံ့အဖြစ် ယန်းငွေ ဘီလီယံ ၃၀၊ အသေးစားနှင့်အလတ်စားစီးပွားရေးလုပ်ငန်းများအတွက် အထောက်အပံ့အဖြစ် ယန်းငွေ ၁၅ ဘီလီယံရှိသော ယန်းချေးငွေဆိုင်ရာ ပူးပေါင်းဆောင်ရွက်မှုများကို လုပ်ဆောင်သွားရန် ဆုံးဖြတ်ခဲ့ကြောင်း ပြောကြားခဲ့သည်။

မြန်မာနိုင်ငံ၊ အာဆီယံနိုင်ငံများနှင့် ကမ္ဘာတစ်ဝှမ်းလုံး ၏ ကိုရိုနာဗိုင်းရပ်စ် ကူးစက်ခံရမှု ကိန်းဂဏန်းများ - အသေးစိတ်ကြည့်ရန် ဤနေရာကို နှိပ်ပါ။

Corona Virus အကြောင်း သိကောင်းစရာများနှင့် ခုခံကာကွယ်ပုံများအသေးစိတ်ကို ဤနေရာတွင် ဖတ်ရှုနိုင်ပါသည်။

iMyanmarHouse.com သည် မြန်မာနိုင်ငံမှ Coronavirus အပြီးတိုင်တိုက်ဖျက်ရေးအတွက် ကျရာကဏ္ဍမှ ပြည်သူများအားလုံးအတွက် မှန်ကန်သော သတင်းများကို အချိန်နှင့်တပြေးညီ ဖော်ပြပေးနေပါသည်။ မှန်ကန်ယုံကြည်စိတ်ချရသော သတင်းများကိုသာ အယ်ဒီတာအဖွဲ့မှ ဖော်ပြပေးမည်ဖြစ်ပါသည်။ တစ်စုံတစ်ရာ အဆင်မပြေမှုများရှိပါက iMyanmarHouse.com သို့ ဤနေရာတွင် ဆက်သွယ်နိုင်ပါသည်။

စိမ့်စည်သူ ( iMyanmarHouse.com အိုင်မြန်မာဟောက်စ်ဒေါ့ကွန်း) မှ အထူးရေးသားဖော်ပြသည်။

Credit: iMyanmarHouse.com

[Zawgyi]

ဂ်ပန္က ျမန္မာကို ကိုဗစ္ကာလ အက်ပ္အတည္းေျဖ႐ွင္းရန္ ေဒၚလာ သန္း ၂၈၀ ေခ်းေငြေပး

ဂ်ပန္ႏိုင္ငံက ျမန္မာႏိုင္ငံကို ကိုဗစ္ကာလ အက်ပ္အတည္းမ်ား ေျဖ႐ွင္းရန္အတြက္ အေမရိကန္ ေဒၚလာသန္း ၂၈၀ ခန္႔ အေရးေပၚေထာက္ပံ့ေခ်းေငြေပးေရး စာခြၽန္လႊာကို စက္တင္ဘာ ၁ ရက္တြင္ လက္မွတ္ေရးထိုးလဲလွယ္ခဲ့သည္ဟု ျမန္မာႏိုင္ငံဆိုင္ရာဂ်ပန္သံ႐ုံးက သတင္းထုတ္ျပန္သည္။

ရင္းႏွီးျမႇဳပ္ႏွံမႈတိုးျမႇင့္ေရး၊ ဘ႑ာေရးက႑ဖြံ႕ၿဖိဳးတိုးတက္ေရးအစီအစဥ္ဆိုင္ရာေခ်းေငြျဖစ္ၿပီး ျမန္မာႏိုင္ငံဆိုင္ရာ ဂ်ပန္သံအမတ္ႀကီးႏွင့္ စီမံကိန္း၊ ဘ႑ာေရးႏွင့္ စက္မႈဝန္ႀကီးဌာန ဒုတိယဝန္ႀကီး ဦးေမာင္ေမာင္ဝင္းတို႔က လက္မွတ္ေရးထိုးခဲ့ျခင္းျဖစ္သည္။

ယခုေခ်းေငြသည္ ဘက္ဂ်က္ အေထာက္အပံ့အေနျဖင့္ ေပးမည္ျဖစ္ၿပီး ျမန္မာႏိုင္ငံ၏ covid-19 ေၾကာင့္ စီးပြားေရးထိခိုက္မႈ သက္သာေရးစီမံခ်က္အပါအဝင္ covid-19 ႏွင့္ ပတ္သက္သည့္ စီးပြားေရးစီမံခ်က္မ်ားကို ပံ့ပိုးကူညီမည္ဟုဆိုသည္။

ျမန္မာႏိုင္ငံ႐ွိ COVID-19 ေရာဂါ ကူးစက္ျပန္႔ပြားမႈကာကြယ္တားဆီးေရးအစီအမံမ်ားကို ျမန္မာႏိုင္ငံအစိုးရႏွင့္ ႏိုင္ငံသူႏိုင္ငံသားမ်ား ႀကိဳးပမ္းအားထုတ္၍ စနစ္တက်အေကာင္အထည္ ေဖာ္ေဆာင္႐ြက္ေနသည္ကို ဂ်ပန္အစိုးရက အထူးေလးစားဂုဏ္ယူသည္ဟု သံ႐ုံးကဆိုသည္။

ထိုျပင္ ဤေခ်းေငြျဖင့္ ရင္းႏွီးျမႇဳပ္ႏွံမႈ၊ ကုန္သြယ္ေရးႏွင့္ ဘ႑ာေရး အေျခခံအေဆာက္အအုံမ်ားအတြက္ သင့္ေလ်ာ္ေကာင္းမြန္ေသာ ပတ္ဝန္းက်င္ဖန္တီးႏိုင္ရန္ ျဖစ္သည္ဟု သံ႐ုံးကဆိုသည္။ ထိုအတြက္ လိုအပ္ေသာမူဝါဒမ်ားႏွင့္ အဖြဲ႕အစည္းမ်ားကို ဖြံ႕ၿဖိဳးတိုးတက္ေစၿပီး ျမန္မာႏိုင္ငံ၏ လူမႈစီးပြားေရး အေျခအေနသက္ဝင္လႈပ္႐ွားလာေစရန္ ရည္႐ြယ္သည္ဟုလည္း သံ႐ုံးကဆိုသည္။

ထိုေခ်းေငြသည္ ေခ်းေငြသက္တမ္း ႏွစ္၄၀ျဖစ္ၿပီး ဆိုင္းငံ့ကာလ ၁၀ ႏွစ္ပါဝင္သည္။ အတိုးႏႈန္းမွာ ၀ ဒသမ ၀၁ ရာခိုင္ႏႈန္းျဖစ္သည္။ ေႏွာင္ႀကိဳးမပါေသာ ဝယ္ယူျခင္းမ်ားေဆာင္႐ြက္ႏိုင္သည္ဟု ဂ်ပန္သံ႐ုံးက ထုတ္ျပန္သည္။

ျမန္မာႏိုင္ငံကို ဂ်ပန္ႏိုင္ငံျခားေရးဝန္ႀကီး လာေရာက္ၿပီးေနာက္ တစ္ပတ္အၾကာတြင္ ယခုေခ်းေငြ စာခ်ဳပ္ကိုလက္မွတ္ေရးထိုးလိုက္ျခင္းျဖစ္သည္။

ထိုခရီးစဥ္တြင္ ဂ်ပန္ႏိုင္ငံျခားေရးဝန္ႀကီး Mr. MOTEGI က လတ္တေလာ COVID-19 ဆိုင္ရာလုပ္ငန္းစဥ္မ်ားအတြက္ ယခုအခ်ိန္အထိ ျမန္မာႏိုင္ငံအတြက္ အေမရိကန္ေဒၚလာ သန္း ၃၀ ေက်ာ္ တန္ဖိုး႐ွိေသာ နည္းပညာအကူအညီမ်ားႏွင့္ Avigan ေဆးျပားမ်ား၊ က်န္မာေရးႏွင့္ ေဆးဘက္ဆိုင္ရာ စက္ပစၥည္းကိရိယာ အေထာက္အပံ့မ်ားကို ေပးအပ္လ်က္႐ွိသည့္အျပင္ အေရးေပၚဘ႑ာေရးအေထာက္အပံ့အျဖစ္ ယန္းေငြ ဘီလီယံ ၃၀၊ အေသးစားႏွင့္အလတ္စားစီးပြားေရးလုပ္ငန္းမ်ားအတြက္ အေထာက္အပံ့အျဖစ္ ယန္းေငြ ၁၅ ဘီလီယံ႐ွိေသာ ယန္းေခ်းေငြဆိုင္ရာ ပူးေပါင္းေဆာင္႐ြက္မႈမ်ားကို လုပ္ေဆာင္သြားရန္ ဆုံးျဖတ္ခဲ့ေၾကာင္း ေျပာၾကားခဲ့သည္။

ျမန္မာႏိုင္ငံ၊ အာဆီယံႏိုင္ငံမ်ားႏွင့္ ကမာၻတစ္ဝွမ္းလုံး ၏ ကို႐ိုနာဗိုင္းရပ္စ္ ကူးစက္ခံရမႈ ကိန္းဂဏန္းမ်ား - အေသးစိတ္ၾကည့္ရန္ ဤေနရာကို ႏွိပ္ပါ။

Corona Virus အေၾကာင္း သိေကာင္းစရာမ်ားႏွင့္ ခုခံကာကြယ္ပံုမ်ားအေသးစိတ္ကို ဤေနရာတြင္ ဖတ္႐ႈႏိုင္ပါသည္။

iMyanmarHouse.com သည္ ျမန္မာႏိုင္ငံမွ Coronavirus အၿပီးတိုင္တိုက္ဖ်က္ေရးအတြက္ က်ရာက႑မွ ျပည္သူမ်ားအားလုံးအတြက္ မွန္ကန္ေသာ သတင္းမ်ားကို အခ်ိန္ႏွင့္တေျပးညီ ေဖာ္ျပေပးေနပါသည္။ မွန္ကန္ယုံၾကည္စိတ္ခ်ရေသာ သတင္းမ်ားကိုသာ အယ္ဒီတာအဖြဲ႕မွ ေဖာ္ျပေပးမည္ျဖစ္ပါသည္။ တစ္စုံတစ္ရာ အဆင္မေျပမႈမ်ားရွိပါက iMyanmarHouse.com သို႔ ဤေနရာတြင္ ဆက္သြယ္ႏိုင္ပါသည္။

စိမ့္စည္သူ ( iMyanmarHouse.com အိုင္ျမန္မာေဟာက္စ္ေဒါ႔ကြန္း) မွ အထူးေရးသားေဖာ္ျပသည္။

Credit: iMyanmarHouse.com