ချယ်လ်ဆီးအသင်း ပူးတွဲပိုင်ရှင် ဘက်ဒါး အက်ဘားလီက လန်ဒန်မြို့ မေဖဲယားအရပ်ရှိ penthouse ခန်းကို ပေါင် ၅၆ သန်းဖြင့် ဝယ်ယူလိုက်ရာ ဗြိတိန်၏ ဈေးအကြီးဆုံးလူနေခန်းအဖြစ် စံချိန်တင်

ပရီးမီးယားလိဂ် ထိပ်သီးကလပ်ဖြစ်သော ချယ်လ်ဆီးအသင်း၏ ပူးတွဲပိုင်ရှင်ဖြစ်သူ ဘက်ဒါး အက်ဘားလီ (Behdad Eghbali) သည် ဗြိတိန်၏ ဈေးအကြီးဆုံးဖြစ်သည့် ပေါင် ၅၆ သန်းတန် လူနေခန်းတစ်ခန်း မကြာသေးမီက ဝယ်ယူလိုက်သည်။

အီရန်ဖွား-အမေရိကန်နိုင်ငံသား အက်ဘားလီသည် ချယ်လ်ဆီးအသင်းကို Todd Boehly နှင့်အတူ ၂၀၂၂ ခုနှစ်အတွင်း ပူးတွဲဝယ်ယူခဲ့ခြင်း ဖြစ်သည်။

(ဗြိတိန်၏ ဈေးအကြီးဆုံး လူနေခန်းကို ဝယ်ယူလိုက်သူ အက်ဘားလီ။ ဓာတ်ပုံ-AFP)

Bloomberg သတင်းတွင် ဖော်ပြချက်အရ အက်ဘားလီသည် ရုပ်ရှင်ခန်း၊ ရေကူးကန်နှင့် spa တို့ပါဝင်သော လူနေခန်းကို ပြီးခဲ့သောနွေရာသီက ဝယ်ယူခဲ့ခြင်းဖြစ်သည်ဟု ဆိုသည်။

အက်ဘားလီ၏ ကြွယ်ဝမှုမှာ ပေါင် ၃ ဘီလီယံရှိသည်ဟု ခန့်မှန်းရသည်။

အက်ဘားလီသည် မေဖဲယားအရပ်တွင်ပင် ပေါင် ၃၄ သန်းတန် လူနေခန်းတစ်ခန်းလည်း ပိုင်ဆိုင်ထားသေးသည်။

အက်ဘားလီနှင့် Todd Boehly တို့သည် ၂၀၂၂ ခုနှစ် နွေရာသီတွင် ချယ်လ်လီးအသင်းကို ရိုမန် အဘရာမိုဗစ်ချ်ထံမှ ပေါင် ၄ ဒသမ ၂၅ ဘီလီယံပေးကာ ဝယ်ယူခဲ့ခြင်း ဖြစ်သည်။

သို့သော် ပိုင်ရှင်သစ်နှစ်ဦးအကြား အချေအတင်ဖြစ်ကာ မသင့်မမြတ်ဖြစ်နေသည်ဟူသော ကောလာဟလများမှာ ဘောလုံးရာသီအစတွင်ပင် ပေါ်ပေါက်လာခဲ့သည်။

အသင်းပိုင်ရှင်နှစ်ဦးမှာ တဇောင်းနှင့်မျက်ချေးသဖွယ်ဖြစ်နေပြီး တစ်ဦး၏ရှယ်ယာကို တစ်ဦးကဝယ်ကာ ကန်ထုတ်ပစ်လိုနေဟန်ရသည်။

ချယ်လ်ဆီးအသင်းမှာ နည်းပြသစ် Enzo Maresca ၏ လက်အောက်တွင် ရလဒ်ကောင်းများရှိလာသည်။

အသင်းပိုင်ရှင်နှစ်ဦးကို နောက်ဆုံးတွဲလျက်တွေ့ခဲ့ရသည်မှာ စက်တင်ဘာလအတွင်း ဝက်စ်ဟမ်းနှင့် အဝေးကွင်း ပွဲစဉ်တွင် ဖြစ်သည်။

အောက်တိုဘာလအတွင်း နော်တင်ဟမ်ဖောရက်စ်နှင့် ၁-၁ သရေကျသော ပွဲစဉ်တွင် ပွဲကို နှစ်ဦးလုံး တက်ခဲ့သော်လည်း တစ်ယောက်တစ်နေရာစီ ထိုင်ခဲ့ကြသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Chelsea co-owner Behdad Eghbali buys UK’s most expensive flat as he purchases luxury £56million Mayfair penthouse Photo Credit-AFP