ပြည်ပ အိမ်ခြံမြေ သတင်း | Posted by စည်သူအောင်
အင်္ဂလန်နိုင်ငံ လန်ဒန်မြို့အခြေစိုက် We Buy Any Home အိမ်ခြံမြေကုမ္ပဏီမှ အိမ်ခြံမြေကျွမ်းကျင်ပညာရှင် တယ်ရီ ဖစ်ရှာ (Terry Fisher) က ပြောသည်မှာ အိမ်ရှေ့တံခါးမကြီး ဆေးရောင်သည် နေအိမ်အမြန်ရောင်းထွက်စေခြင်းအတွက် အထောက်အကူဖြစ်စေကြောင်း ပြောပြလာသည်။
“First Impression ဟာ အရာရာပါပဲ။ အိမ်ခြံမြေနဲ့ ပတ်သက်ရင် အိမ်ရှေ့တံခါးမကြီးရဲ့ အရောင်ဟာ ဝယ်လက်အနေနဲ့ ခင်ဗျားတို့ရဲ့ အိမ်အပေါ် သဘောထားနဲ့ပတ်သက်ပြီး ကြီးမားတဲ့ သက်ရောက်မှု ရှိပါတယ်” ဟု တယ်ရီက Wales Online သတင်းဌာနသို့ ပြောသည်။
“အသေးအဖွဲတစ်ခုကြောင့် ကြီးမားတဲ့ ခြားနားချက် ဖြစ်နိုင်ပါတယ်”
(အိမ်အမြန်ရောင်းထွက်လိုသည်ဆိုပါက အိမ်ရှေ့တံခါးမကြီးကို navy blue ဆေးရောင်သုတ်ရမည်ဖြစ်ကြောင်း တယ်ရီက ပြောသည်။ ဓာတ်ပုံ-jpldesigns-stock.adobe.com)
အိမ်ရှေ့တံခါးမကြီးကို navy blue ဆေးရောင်သုတ်ထားပါက ဝယ်လက်တို့အတွက် နေအိမ်မှာ ပိုမိုနှစ်သက်ဖွယ်ဖြစ်သွားစေကြောင်း တယ်ရီ ဖစ်ရှာက ထုတ်ဖော်ပြောပြသည်။
“navy blue ဟာ အားလုံးနဲ့ လိုက်ဖက်ပြီး ခေတ်မီတဲ့ ရွေးချယ်မှုဖြစ်ပါတယ်။ ဗိသုကာဒီဇိုင်းများစွာနဲ့ လိုက်ဖက်ပါတယ်။” ဟု တယ်ရီက ရှင်းပြသည်။
“ဒီအရောင်က တည်ငြိမ်မှုနဲ့ ယုံကြည်မှု ခံစားချက်ကို ပေးစွမ်းတာကြောင့် first impression ရဖို့အတွက် အကောင်းဆုံး ရွေးချယ်မှု ဖြစ်ပါတယ်”
“ကျွန်တော်တို့ရဲ့ နှစ်ပေါင်းများစွာ အတွေ့အကြုံအရ အိမ်ရှေ့တံခါးမကြီးကို navy blue ဆေးရောင်သုတ်ထားတဲ့ အိမ်တွေဟာ လူတွေရဲ့ အာရုံကို ပိုမိုဖမ်းစားနိုင်ပြီး တခြားဆေးရောင်နဲ့ အိမ်တွေထက် ပိုပြီး မြန်မြန်ဆန်ဆန် ရောင်းထွက်တာ တွေ့ရပါတယ်။” ဟု တယ်ရီက ဆက်လက်ပြောပြသည်။
“အသေးအဖွဲလို့ ထင်ရတဲ့အချက်လေးက ဝယ်သူရဲ့ သဘောထားအပေါ် ကြီးမားတဲ့သက်ရောက်မှုရှိတယ်ဆိုတာ သက်သေပြနေပါတယ်”
(Navy blue ဆေးရောင်သည် အချိန်ကာလကြာမြင့်လာသည့်တိုင် ဆွဲဆောင်နိုင်မှုကို ထိန်းထားနိုင်ဆဲဖြစ်ကြောင်း တယ်ရီက ပြောသည်။ ဓာတ်ပုံ-goodmanphoto-stock.adobe.com)
သို့သော် အဆိုပါဆေးရောင်သည် နေအိမ်ဗိသုကာဒီဇိုင်း၊ ဆေးရောင်ဖွဲ့စည်းမှုတို့နှင့် သဟဇာတရှိရန် လိုအပ်သည်။
“အိမ်ရှေ့တံခါးမကြီးရဲ့ အရောင်ဟာ အိမ်တန်ဖိုးကို မြှင့်တင်ပေးနိုင်ပြီး ဝယ်လက်တွေကို ဆွဲဆောင်နိုင်တယ်ဆိုတာ ကျွန်တော့်ကိုယ်တွေ့ပါပဲ။ အဓိက ပန်းတိုင်က လူတွေကို ဆွဲဆောင်ဖို့အတွက် ရှေ့တံခါးမကြီးဟာ focal point ဖြစ်စေဖို့နဲ့ သူတို့အိမ်အဖြစ် ပိုင်ဆိုင်လိုစိတ် ဖြစ်စေဖို့ပါပဲ” ဟု တယ်ရီက ပြောသည်။
အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။
ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
(iMyanmarHouse.com Team မှ ရေးသား ဖော်ပြသည်။)
Credit: iMyanmarHouse.com
Ref: Paint your front door this color for a quick home sale, experts say: ‘First impressions are everything’
Photo Credit- jpldesigns-stock.adobe.com, goodmanphoto-stock.adobe.com
