အိမ္ျခံေျမတိုက္ခန္းဝယ္တဲ့အခါ အေရးၾကီးဆံုးက ဘယ္သူလဲ…?

### Zawgyi Version ###

စာဖတ္သူပရိတ္သတ္တခ်ိဳ႕က ေမးၾကတယ္ အိမ္ျခံေျမတိုက္ခန္းဝယ္ရင္ စရန္ေပးစာခ်ဳပ္ခ်ဳပ္စဥ္က ေရွ႕ေနမေခၚဘဲ အျပီးအပိုင္စာခ်ဳပ္တဲ့ေန႔ေရာက္မွ ေရွ႕ေနေခၚျပီး စာခ်ဳပ္လို႔ရတယ္မဟုတ္လားတဲ့ေလ။ဒီေမးခြန္းက (၂) မ်ိဳးခြဲျပီးရွင္းျပမွ အဆင္ေျပမွာပါ။

ေရွ႕ေနမေခၚဘဲ စရန္ေပးစာခ်ဳပ္တာမ်ိဳးလည္းရွိပါတယ္။အဲဒီလိုစာခ်ဳပ္မ်ိဳးေတြကေတာ့ ပါမစ္ေျမမူရင္းျဖစ္ေစ ၊ ဂရန္ေျမမူရင္းျဖစ္ေစ မူလအမည္ေပါက္ထံက ဝယ္ယူရတာမ်ိဳးဆိုရင္ ေရွ႕ေနမပါလည္း ရပါတယ္။ထို႔အတူဘဲ တိုက္ခန္းတို႕၊ ကြန္ဒိုတို႕ဆိုရင္လည္း မူလအမည္ေပါက္ေျမရွင္ထံက ျဖစ္ေစ မူလကန္ထရုိက္တာထံကျဖစ္ေစ တိုက္ရုိက္ဝယ္ယူရတာမ်ိဳးဆိုရင္ ေရွ႕ေနမပါဘဲစရန္ေပးစာခ်ဳပ္လို႔ ရပါတယ္။

အဲဒီလို စရန္ေပးျပီးတဲ့ေနာက္ က်န္ေငြေပးေခ်ေတာ့မယ္ဆိုရင္ေတာ့ ေရွ႕ေနျဖစ္ေစ ၊ စာခ်ဳပ္စာတမ္းကၽြမ္းက်င္သူျဖစ္ေစ လိုလာပါျပီ။ဘာေၾကာင့္လည္းဆိုေတာ့ ပါမစ္ေျမ ၊ ဂရန္ေျမျဖစ္ရင္ အမည္ေပါက္မွန္ကန္မႈရွိမရွိ သိရွိဖို႕လိုအပ္သလို ၊ အတုအစစ္ခြဲျခားတတ္ဖို႕လည္းလိုပါတယ္။

တိုက္ခန္းဆိုရင္လည္း ေျမရွင္ထံက တိုက္ရုိက္ဝယ္ယူခဲ့ရင္ေျမရွင္ပိုင္တဲ့ အခန္း (သို႔မဟုတ္) ေျမရွင္နဲ႔ ကန္ထရုိက္တာ နွစ္ဦးသေဘာတူအခန္းေပးအခန္းယူစာခ်ဳပ္ ကိုေတာင္းၾကည့္ဖို႔လိုတယ္။ေျမရွင္အခန္းပိုင္မွန္တယ္ဆိုရင္ အဲဒီအခန္းေပအခန္းယူစာခ်ဳပ္မိတၱဴကိုဝယ္သူက ေတာင္းယူတာထားဖို႔လိုတယ္။ဒါမွသာ ေျမရွင္ပိုင္အခန္းကိုဝယ္ယူလိုက္ရတာဘဲဆိုျပီး စိတ္ခ်မ္းသာသြားမွာေပါ့။

ထိုနည္းတူပါဘဲ ကန္ထရုိက္ဘက္ျခမ္းကိုဝယ္မယ္ဆိုရင္လည္း အဲဒီအခန္းေပးအခန္းယူစာခ်ဳပ္ကိုေတာင္းရမွာဘဲ။ အဲဒီေတာ့ ကန္ထရုိက္ပိုင္အခန္းဘဲဝယ္ဝယ္ ၊ ေျမရွင္ပိုင္အခန္းဘဲဝယ္ဝယ္ ၊ အေရးၾကီးဆံုး အခ်က္တစ္ခ်က္ရွိေသးတယ္။အဲဒါက အေဆာက္အအံုေဆာက္လုပ္ျပီးစီးေၾကာင္းလက္မွတ္ (BCC) ရေအာင္ေစာင့္ပါ။ BCC လက္မွတ္ရွိရင္ တရားဝင္ေဆာက္လုပ္တဲ့ တိုက္ျဖစ္တယ္ဆိုေတာ့ စိတ္ခ်ရတာေပါ့။ ခြင့္ျပဳခ်က္မရွိဘဲ ေဆာက္တဲ့အေဆာက္အဦးဆိုရင္ ဝယ္ျပီးေနတာေတာင္စိတ္မေအးရဘူးေပါ့။ စည္ပင္ (ယာ/အံု) ဌါနက လာျပီး စစ္ေဆးမွာေၾကာက္ေနရတယ္ေလ။

ဒါေၾကာင့္ေျပာတာေပါ့။ စရန္ေပးစာခ်ဳပ္စဥ္ကေတာ့ ပြဲစားေတြေျပာစကားထဲမွာဘဲ ဇာတ္ေမွ်ာေနခဲ့မိတယ္။က်န္ေငြေပးေခ်တဲ့ေန႔ေရာက္ေတာ့ ပြဲစားေတြက လိုက္လာျပီး သက္သလက္မွတ္ထိုးဖို႕ေတာင္ တုန္႕ေနွးသြားၾကတယ္။ မလာႏိုင္တဲ့အေၾကာင္း လုပ္မ်ားေနတဲ့ေန႔မွာ ပြဲစားကလည္းမလာေရွ႕ေနကလည္း မပါဘူးဆိုရင္ ေျမရွင္ေျပာသလို ကန္ထရုိက္စီစဥ္သလိုအလြယ္လိုက္ျပီးစာခ်ဳပ္လိုက္လို႔အဆင္ေျပသြားတယ္ဆုိရင္ေကာင္းတာေပါ့။

အဲဒီလိုမဟုတ္ဘဲ လမ္းေဘးေဈးဆိုင္က အလြယ္တကူဝယ္ယူရရွိတဲ့စာခ်ဳပ္နဲ႔ ခ်ဳပ္ခဲ့မိရင္ျဖင့္ စာခ်ဳပ္ထဲမွာ ေရာင္းသူဝယ္သူရဲ႕ တာဝန္ေတြအျပည့္အဝမပါသလို ေရာင္းသူဝယ္သူရဲ႕ အခြင့္အေရးေတြလည္းျဖည့္စြတ္စရာေတြက်န္ေနခဲ့ရင္ ေနာက္မွ အခြင့္အေရးေတာင္းဆိုလို႕မရေတာ့ဘူးေလ။ဝယ္သူရဲ႕ အခြင့္အေရးေတြဆံုးရႈံးတာေပါ့။

တကယ္လို႕ မိမိဝယ္ယူခဲ့တဲ့ တိုက္ခန္းနဲ႕ပတ္သက္လို႕ဘဲျဖစ္ျဖစ္ ေျမကြက္နဲ႕ပတ္သက္လို႔ဘဲျဖစ္ျဖစ္ အရႈပ္အရွင္းျပႆနာေတြေပၚခဲ့ရင္ အားကိုးအားထားက ဒီအေရာင္းအဝယ္စာခ်ဳပ္တစ္ခုဘဲရွိတာေလ။အဲဒီအေရာင္းအဝယ္စာခ်ဳပ္ကိုဘဲ အေျခခံျပီးျပႆနာကိုရွင္းရမွာေလ။အဲဒီေတာ့မွ စာခ်ဳပ္ထဲမွာေတာ့ ထည့္မေရးမိခဲ့ဘူး။ဒါေပမဲ့ အျပင္မွာေတာ့ “ နႈတ္ကတိ ” နဲ႕ ဒီလိုသေဘာတူညီခ်က္ရွိေသးတယ္ဆိုျပီး ျငင္းခံုၾကရင္လည္း စာခ်ဳပ္ထဲမွာ မပါရင္ေရာင္းသူက ျငင္းလို႕ရတယ္ေလ။ တစ္ခါတရံ ကိုယ့္ဘက္ကမွန္ရဲ႕သားနဲ႕ ရႈံးတယ္ဆိုေတာ့ စာခ်ဳပ္မွာ ျပည့္ျပည့္စံုစံု မေရးခဲ့မိလို႕ နစ္နာရတာေလ။

ဒါေၾကာင့္ စာခ်ဳပ္စာတမ္းဆိုတာ “ စကားမေျပာေသာ သက္ေသ ” ျဖစ္တာေၾကာင့္ တိုက္ခန္းျဖစ္ေစ ၊ အိမ္ျခံေျမျဖစ္ေစ ၊ လယ္ယာေျမျဖစ္ေစ စရန္ေပးစာခ်ဳပ္စဥ္ကလည္း ေရွ႕ေနနဲ႕ စာခ်ဳပ္စာတမ္းကၽြမ္းက်င္သူလိုအပ္သလို အျပီးအပိုင္ေငြေခ်းစာခ်ဳပ္ခ်ဳပ္တဲ့အခါမွာလည္း ေရွ႔ေနနဲ႕ ကၽြမ္းက်င္သူတို႕လိုအပ္ပါတယ္။

အိမ္ျခံေျမတိုက္ခန္းဝယ္တယ္ဆိုတာ လူတိုင္းလူတိုင္းအနွစ္နွစ္အလလက ခ်ိဳးျခံေခၽြတာျပီး စုေဆာင္းထားခဲ့ရတဲ့ေငြနဲ႔ ဝယ္ရတာျဖစ္တဲ့အတြက္၊ အိမ္ျခံေျမတိုက္ခန္းအေၾကာင္းနားလည္တတ္ကၽြမ္းတဲ့ အက်ိဳးေဆာင္ပြဲစားမ်ားနဲ႕ ျဖစ္ေစ ၊ ေရွ႔ေနေရွ႕ရပ္မ်ားကိုေခၚယူျပီးျဖစ္ေစ ၊ ဝယ္ယူတာ အေကာင္းဆံုးလို႕သာ အၾကံေပးပါရေစ။

ေရွ႕ေနငွါးလို႕ တစ္သိန္း ၊ နွစ္သိန္းေပးရတာေလးကိုမျမင္ပါနဲ႕ ဝယ္သူအေနနဲ႕ မကၽြမ္းက်င္တဲ့ပြဲစားစကား နားေထာင္မိျပီး ဝယ္ခဲ့မိရင္အခက္အခဲေတြ ေတြ႕ရတတ္ပါတယ္။ ၾကီးမားတဲ့အခြင့္အေရးေတြဆံုးရႈံးတတ္ပါတယ္။ " ထိုင္ေနတာအေကာင္းသား ၊ ထသြား မွ အက်ိဳးမွန္းသိ " ဆိုသလို ကိုယ့္ပိုက္ဆံနဲ႕ကိုယ္ဒုကၡေတြ႕ရတတ္ပါတယ္။ ဒီေတာ့ အနွစ္ခ်ဳပ္ၾကစို႕၊ အိမ္ျခံေျမတိုက္ခန္းစာခ်ဳပ္ရင္ စရန္ေပးတဲ့ အခါမွာေရာ ၊ အျပီးစာခ်ဳပ္တဲ့အခါမွာေရာ ၊ ကၽြမ္းက်င္သူေခၚ၍ျဖစ္ေစ၊ ေရွ႕ေနေခၚ၍ျဖစ္ေစ တိုက္တြန္းအၾကံေပးလိုက္ရပါတယ္။

“ အေဆြ ခင္ပြန္းေကာင္းနဲ႕ ေတြ႕ၾကပါေစ ”

အိမ္ျခံေျမ ကိစၥအဝဝနွင့္ ပတ္သက္၍ ဥပေဒအၾကံေပးပညာရွင္မ်ားနွင့္ ေဆြးေႏြးတိုင္ပင္လိုပါက iMyanmarHouse.com (အိုင္ျမန္မာေဟာက္စ္ေဒါ႔ကြန္း) ၏ ဖုန္းနံပါတ္မ်ားျဖစ္ေသာ 09-966901767, 09-268022352 သို႔ ဆက္သြယ္ႏိုင္ပါသည္။ အေသးစိတ္ၾကည့္ရန္ ဤေနရာကို ႏွိပ္ပါ။

လႊတ္ေတာ္ေရွ႕ေနေမာင္ေကာင္းေဖ မွ iMyanmarHouse.com (အိုင္ျမန္မာေဟာက္စ္ေဒါ႔ကြန္း) အတြက္ အထူးေရးသားေဖာ္ျပသည္။

Credit: iMyanmarHouse.com

### Unicode Version ###

စာဖတ်သူပရိတ်သတ်တချို့က မေးကြတယ် အိမ်ခြံမြေတိုက်ခန်းဝယ်ရင် စရန်ပေးစာချုပ်ချုပ်စဉ်က ရှေ့နေမခေါ်ဘဲ အပြီးအပိုင်စာချုပ်တဲ့နေ့ရောက်မှ ရှေ့နေခေါ်ပြီး စာချုပ်လို့ရတယ်မဟုတ်လားတဲ့လေ။ဒီမေးခွန်းက (၂)မျိုးခွဲပြီးရှင်းပြမှ အဆင်ပြေမှာပါ။

ရှေ့နေမခေါ်ဘဲ စရန်ပေးစာချုပ်တာမျိုးလည်းရှိပါတယ်။အဲဒီလိုစာချုပ်မျိုးတွေကတော့ ပါမစ်မြေမူရင်းဖြစ်စေ ၊ ဂရန်မြေမူရင်းဖြစ်စေ မူလအမည်ပေါက်ထံက ဝယ်ယူရတာမျိုးဆိုရင် ရှေ့နေမပါလည်း ရပါတယ်။ထို့အတူဘဲ တိုက်ခန်းတို့၊ ကွန်ဒိုတို့ဆိုရင်လည်း မူလအမည်ပေါက်မြေရှင်ထံက ဖြစ်စေ မူလကန်ထရိုက်တာထံကဖြစ်စေ တိုက်ရိုက်ဝယ်ယူရတာမျိုးဆိုရင် ရှေ့နေမပါဘဲစရန်ပေးစာချုပ်လို့ ရပါတယ်။

အဲဒီလို စရန်ပေးပြီးတဲ့နောက် ကျန်ငွေပေးချေတော့မယ်ဆိုရင်တော့ ရှေ့နေဖြစ်စေ ၊ စာချုပ်စာတမ်းကျွမ်းကျင်သူဖြစ်စေ လိုလာပါပြီ။ဘာကြောင့်လည်းဆိုတော့ ပါမစ်မြေ ၊ ဂရန်မြေဖြစ်ရင် အမည်ပေါက်မှန်ကန်မှုရှိမရှိ သိရှိဖို့လိုအပ်သလို ၊ အတုအစစ်ခွဲခြားတတ်ဖို့လည်းလိုပါတယ်။

တိုက်ခန်းဆိုရင်လည်း မြေရှင်ထံက တိုက်ရိုက်ဝယ်ယူခဲ့ရင်မြေရှင်ပိုင်တဲ့ အခန်း (သို့မဟုတ်) မြေရှင်နဲ့ ကန်ထရိုက်တာ နှစ်ဦးသဘောတူအခန်းပေးအခန်းယူစာချုပ် ကိုတောင်းကြည့်ဖို့လိုတယ်။မြေရှင်အခန်းပိုင်မှန်တယ်ဆိုရင် အဲဒီအခန်းပေအခန်းယူစာချုပ်မိတ္တူကိုဝယ်သူက တောင်းယူတာထားဖို့လိုတယ်။ဒါမှသာ မြေရှင်ပိုင်အခန်းကိုဝယ်ယူလိုက်ရတာဘဲဆိုပြီး စိတ်ချမ်းသာသွားမှာပေါ့။

ထိုနည်းတူပါဘဲ ကန်ထရိုက်ဘက်ခြမ်းကိုဝယ်မယ်ဆိုရင်လည်း အဲဒီအခန်းပေးအခန်းယူစာချုပ်ကိုတောင်းရမှာဘဲ။ အဲဒီတော့ ကန်ထရိုက်ပိုင်အခန်းဘဲဝယ်ဝယ် ၊ မြေရှင်ပိုင်အခန်းဘဲဝယ်ဝယ် ၊ အရေးကြီးဆုံး အချက်တစ်ချက်ရှိသေးတယ်။အဲဒါက အဆောက်အအုံဆောက်လုပ်ပြီးစီးကြောင်းလက်မှတ် (BCC) ရအောင်စောင့်ပါ။ BCC လက်မှတ်ရှိရင် တရားဝင်ဆောက်လုပ်တဲ့ တိုက်ဖြစ်တယ်ဆိုတော့ စိတ်ချရတာပေါ့။ ခွင့်ပြုချက်မရှိဘဲ ဆောက်တဲ့အဆောက်အဦးဆိုရင် ဝယ်ပြီးနေတာတောင်စိတ်မအေးရဘူးပေါ့။ စည်ပင် (ယာ/အုံ) ဌါနက လာပြီး စစ်ဆေးမှာကြောက်နေရတယ်လေ။

ဒါကြောင့်ပြောတာပေါ့။ စရန်ပေးစာချုပ်စဉ်ကတော့ ပွဲစားတွေပြောစကားထဲမှာဘဲ ဇာတ်မျှောနေခဲ့မိတယ်။ကျန်ငွေပေးချေတဲ့နေ့ရောက်တော့ ပွဲစားတွေက လိုက်လာပြီး သက်သလက်မှတ်ထိုးဖို့တောင် တုန့်နှေးသွားကြတယ်။ မလာနိုင်တဲ့အကြောင်း လုပ်များနေတဲ့နေ့မှာ ပွဲစားကလည်းမလာရှေ့နေကလည်း မပါဘူးဆိုရင် မြေရှင်ပြောသလို ကန်ထရိုက်စီစဉ်သလိုအလွယ်လိုက်ပြီးစာချုပ်လိုက်လို့အဆင်ပြေသွားတယ်ဆိုရင်ကောင်းတာပေါ့။

အဲဒီလိုမဟုတ်ဘဲ လမ်းဘေးဈေးဆိုင်က အလွယ်တကူဝယ်ယူရရှိတဲ့စာချုပ်နဲ့ ချုပ်ခဲ့မိရင်ဖြင့် စာချုပ်ထဲမှာ ရောင်းသူဝယ်သူရဲ့ တာဝန်တွေအပြည့်အဝမပါသလို ရောင်းသူဝယ်သူရဲ့ အခွင့်အရေးတွေလည်းဖြည့်စွတ်စရာတွေကျန်နေခဲ့ရင် နောက်မှ အခွင့်အရေးတောင်းဆိုလို့မရတော့ဘူးလေ။ဝယ်သူရဲ့ အခွင့်အရေးတွေဆုံးရှုံးတာပေါ့။

တကယ်လို့ မိမိဝယ်ယူခဲ့တဲ့ တိုက်ခန်းနဲ့ပတ်သက်လို့ဘဲဖြစ်ဖြစ် မြေကွက်နဲ့ပတ်သက်လို့ဘဲဖြစ်ဖြစ် အရှုပ်အရှင်းပြဿနာတွေပေါ်ခဲ့ရင် အားကိုးအားထားက ဒီအရောင်းအဝယ်စာချုပ်တစ်ခုဘဲရှိတာလေ။အဲဒီအရောင်းအဝယ်စာချုပ်ကိုဘဲ အခြေခံပြီးပြဿနာကိုရှင်းရမှာလေ။အဲဒီတော့မှ စာချုပ်ထဲမှာတော့ ထည့်မရေးမိခဲ့ဘူး။ဒါပေမဲ့ အပြင်မှာတော့ “ နှုတ်ကတိ ” နဲ့ ဒီလိုသဘောတူညီချက်ရှိသေးတယ်ဆိုပြီး ငြင်းခုံကြရင်လည်း စာချုပ်ထဲမှာ မပါရင်ရောင်းသူက ငြင်းလို့ရတယ်လေ။ တစ်ခါတရံ ကိုယ့်ဘက်ကမှန်ရဲ့သားနဲ့ ရှုံးတယ်ဆိုတော့ စာချုပ်မှာ ပြည့်ပြည့်စုံစုံ မရေးခဲ့မိလို့ နစ်နာရတာလေ။

ဒါကြောင့် စာချုပ်စာတမ်းဆိုတာ “ စကားမပြောသော သက်သေ ” ဖြစ်တာကြောင့် တိုက်ခန်းဖြစ်စေ ၊ အိမ်ခြံမြေဖြစ်စေ ၊ လယ်ယာမြေဖြစ်စေ စရန်ပေးစာချုပ်စဉ်ကလည်း ရှေ့နေနဲ့ စာချုပ်စာတမ်းကျွမ်းကျင်သူလိုအပ်သလို အပြီးအပိုင်ငွေချေးစာချုပ်ချုပ်တဲ့အခါမှာလည်း ရှေ့နေနဲ့ ကျွမ်းကျင်သူတို့လိုအပ်ပါတယ်။

အိမ်ခြံမြေတိုက်ခန်းဝယ်တယ်ဆိုတာ လူတိုင်းလူတိုင်းအနှစ်နှစ်အလလက ချိုးခြံချွေတာပြီး စုဆောင်းထားခဲ့ရတဲ့ငွေနဲ့ ဝယ်ရတာဖြစ်တဲ့အတွက်၊ အိမ်ခြံမြေတိုက်ခန်းအကြောင်းနားလည်တတ်ကျွမ်းတဲ့ အကျိုးဆောင်ပွဲစားများနဲ့ ဖြစ်စေ ၊ ရှေ့နေရှေ့ရပ်များကိုခေါ်ယူပြီးဖြစ်စေ ၊ ဝယ်ယူတာ အကောင်းဆုံးလို့သာ အကြံပေးပါရစေ။

ရှေ့နေငှါးလို့ တစ်သိန်း ၊ နှစ်သိန်းပေးရတာလေးကိုမမြင်ပါနဲ့ ဝယ်သူအနေနဲ့ မကျွမ်းကျင်တဲ့ပွဲစားစကား နားထောင်မိပြီး ဝယ်ခဲ့မိရင်အခက်အခဲတွေ တွေ့ရတတ်ပါတယ်။ ကြီးမားတဲ့အခွင့်အရေးတွေဆုံးရှုံးတတ်ပါတယ်။ " ထိုင်နေတာအကောင်းသား ၊ ထသွား မှ အကျိုးမှန်းသိ " ဆိုသလို ကိုယ့်ပိုက်ဆံနဲ့ကိုယ်ဒုက္ခတွေ့ရတတ်ပါတယ်။ ဒီတော့ အနှစ်ချုပ်ကြစို့၊ အိမ်ခြံမြေတိုက်ခန်းစာချုပ်ရင် စရန်ပေးတဲ့ အခါမှာရော ၊ အပြီးစာချုပ်တဲ့အခါမှာရော ၊ ကျွမ်းကျင်သူခေါ်၍ဖြစ်စေ၊ ရှေ့နေခေါ်၍ဖြစ်စေ တိုက်တွန်းအကြံပေးလိုက်ရပါတယ်။

“ အဆွေ ခင်ပွန်းကောင်းနဲ့ တွေ့ကြပါစေ ”

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-966901767, 09-268022352 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

လွှတ်တော်ရှေ့နေမောင်ကောင်းဖေ မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးရေးသားဖော်ပြသည်။ Credit: iMyanmarHouse.com