ကမၻာေက်ာ္ အဆိုေတာ္ ေဂ်ာ့ခ်္မိုက္ကယ္ ခရစၥမတ္ေန႔တြင္ ေသဆံုးခဲ့သည့္စံအိမ္ ၃ ႏွစ္အၾကာတြင္ ေပါင္ ၃ ဒသမ ၄ သန္းျဖင့္ ေရာင္းခ်

### Zawgyi Version ###

ေဂ်ာ့ခ်္မိုက္ကယ္သည္ ၁၉၈၀ ျပည့္လြန္ႏွင့္ ၉၀ ျပည့္လြန္ကာလမ်ားတြင္ ထြက္ရွိခဲ့သည့္ "Last Christmas" ႏွင့္ "Careless Whisper" သီခ်င္းမ်ားျဖင့္ ကမၻာေက်ာ္ခဲ့သူ ျဖစ္သည္။

"Last Christmas" သီခ်င္းကို ျမန္မာႏိုင္ငံတြင္ အဆိုေတာ္ သီရိေဂ်ေမာင္ေမာင္က ၃၁ အိပ္မက္ဟုလည္းေကာင္း၊ Careless Whisper သီခ်င္းကို အဆိုေတာ္ တူးတူးက အသည္းရက္စက္တယ္ဟူ၍လည္းေကာင္း ျပန္လည္သီဆိုခဲ့ရာတြင္လည္း လူၾကိဳက္မ်ားခဲ့သည္။

ေဂ်ာ့ခ်္မိုက္ကယ္သည္ အဂၤလိပ္လူမ်ဳိး ေတးေရး၊ ေတးဆို၊ ေတးထုတ္လုပ္သူ၊ ပရဟိတသမားတစ္ဦးျဖစ္ျပီး Wham! အဖြဲ႔၏ အဖြဲ႔ဝင္တစ္ဦးျဖစ္သည္။

ေဂ်ာ့ခ်္မိုက္ကယ္သည္ ကမၻာတစ္ဝန္းတြင္ ေတးအယ္လ္ဘမ္ခ်ပ္ေရ ၁၁၅ သန္းေက်ာ္ ေရာင္းခ်ထားရျပီးျဖစ္ကာ ကမၻာေပၚတြင္ ေရာင္းအားအေကာင္းဆံုးအဆိုေတာ္မ်ားတြင္ တစ္ဦးအပါအဝင္လည္း ျဖစ္သည္။

ယခုအခါ ေဂ်ာ့ခ်္မိုက္ကယ္ ေသဆံုးခဲ့ေသာ စံအိမ္ ေပါင္ ၃ ဒသမ ၄ သန္းျဖင့္ ေရာင္းခ်လိုက္သည္ဟု ဆိုသည္။ ေဂ်ာ့ခ်္မိုက္ကယ္အဆိုပါစံအိမ္တြင္ ေသဆံုးေနသည္ကို သူ၏ ၾသစေတးလ်လူမ်ဴိးခ်စ္သူ ဖာဒီဖာဝက္ဇ္က ေတြ႔ရွိခဲ့ျခင္း ျဖစ္သည္။

စံအိမ္တည္ေနရာမွာ အဂၤလန္ႏိုင္ငံေတာင္ပိုင္း ေတာင္ ေအာက္စ္ဖို႔ရႈိင္းယား ခရိုင္၊ ဂိုရင္း-အြန္-သိမ္းစ္ (ဂိုရင္းဟုလည္းေခၚ) အမည္ရွိ ေက်းရြာကေလးတြင္ တည္ရွိသည္။

ဂိုရင္းေက်းရြာကေလးသည္ ရီးဒင္းျမိဳ႕၏ အေနာက္ေျမာက္ဘက္ ၈ မိုင္ခန္႔အကြာတြင္ တည္ရွိျပီး ေအာက္စ္ဖို႔ႏွင့္ လန္ဒန္အၾကား ဆက္သြယ္ထားသည့္ မီးရထားလမ္းေပၚတြင္ တည္ရွိကာ ဘူတာရံုတစ္ခုလည္းရွိသည္။

ေျမယာမွတ္ပံုတင္စာရင္းမ်ားအရ အဆိုပါ ၁၆ ရာစုစံအိမ္ကို မိသားစုတစ္စုက ဝယ္ယူလိုက္ျခင္းျဖစ္သည္ဟု ဆိုသည္။

ေဂ်ာ့ခ်္မိသားစု၏ ေရွ႕ေနတစ္ဦးျဖစ္သူ ဂၽြန္ ရိဒ္က Mill Cottage စံအိမ္ကို ေရာင္းခ်လိုက္ေၾကာင္း အတည္ျပဳသည္။

ေဂ်ာ့ခ်္မိုက္ကယ္ကို ၂၀၁၆ ခုႏွစ္၊ ခရစၥမတ္ေန႔တြင္ စံအိမ္အတြင္း ေသဆံုးေနသည္ကို သူ၏ခ်စ္သူ ဖာဒီ ဖာဝက္ဇ္က ေတြ႔ရွိခဲ့ျခင္းျဖစ္ျပီး မိမိကိုယ္ကို အဆံုးစီရင္သြားျခင္း ျဖစ္သည္ဟု ဖာဝက္ဇ္က ေျပာၾကားခဲ့သည္။

သို႔ရာတြင္ ေသမႈေသခင္းစစ္ေဆးေရးအရာရွိတစ္ဦးက ၂၀၁၇ ခုႏွစ္၊ မတ္လအတြင္း ထုတ္ျပန္ခဲ့ရာတြင္မူ ေဂ်ာ့ခ်္သည္ ႏွလံုးၾကြက္သား မ်ား ပ်က္စီးျခင္း၊ အသည္းၾကီးျခင္းတို႔ေၾကာင့္ ေသဆံုးခဲ့ျခင္းျဖစ္ေၾကာင္း ထုတ္ျပန္သည္။

ေဂ်ာ့ခ်္၏ ေသတမ္းစာအရ သူ၏ စံအိမ္ႏွင့္ က်န္ရစ္ေသာ ေငြ ေပါင္ ၉၇ ဒသမ ၆ သန္းကို ညီမမ်ားျဖစ္ေသာ မီလာနီႏွင့္ မီယိုဒါတို႔ကို ေပးအပ္ခဲ့ျပီး ပိုင္ဆိုင္မႈ အနည္းငယ္ကိုမူ ဖခင္ျဖစ္သူ ကိုင္ရီယာကို႔စ္၊ သူ၏ မိတ္ေဆြရင္းမ်ားႏွင့္ ဝန္ထမ္းေဟာင္းတို႔ကို ေပးအပ္ခဲ့သည္။

ဖာဒီအတြက္မူ မည္သည့္အရာမွ် ေပးအပ္ခဲ့ျခင္း မရွိေခ်။

ယခုေရာင္းခ်လိုက္သည့္ ေအာက္စ္ဖို႔ဒ္ရႈိင္းယားစံအိမ္ကို ျပတိုက္အျဖစ္ ထားရွိရန္ change.org ဝက္ဘ္ဆိုက္တြင္ လက္မွတ္ေကာက္ခံမႈမ်ား ျပဳလုပ္လ်က္ရွိရာ ဝင္ေရာက္လက္မွတ္ေရးထိုးသူေပါင္း ၂၅၀၀ ေက်ာ္ ရွိေနသည္။

အားလပ္ရက္မ်ားတြင္ ေဂ်ာ့ခ်္မိုက္ကယ္၏ ပရိသတ္မ်ားသည္ ေအာက္စ္ဖို႔ဒ္ရႈိင္းယားစံအိမ္ရွိရာသို႔ လာေရာက္ေလ့လာေလ့ ရွိေနၾကသည္။

Credit: iMyanmarHouse.com (iMyanmarHouse.com Team မွ ေရးသား ေဖာ္ျပသည္။)

### Unicode Version ###

ဂျော့ချ်မိုက်ကယ်သည် ၁၉၈၀ ပြည့်လွန်နှင့် ၉၀ ပြည့်လွန်ကာလများတွင် ထွက်ရှိခဲ့သည့် "Last Christmas" နှင့် "Careless Whisper" သီချင်းများဖြင့် ကမ္ဘာကျော်ခဲ့သူ ဖြစ်သည်။

"Last Christmas" သီချင်းကို မြန်မာနိုင်ငံတွင် အဆိုတော် သီရိဂျေမောင်မောင်က ၃၁ အိပ်မက်ဟုလည်းကောင်း၊ Careless Whisper သီချင်းကို အဆိုတော် တူးတူးက အသည်းရက်စက်တယ်ဟူ၍လည်းကောင်း ပြန်လည်သီဆိုခဲ့ရာတွင်လည်း လူကြိုက်များခဲ့သည်။

ဂျော့ချ်မိုက်ကယ်သည် အင်္ဂလိပ်လူမျိုး တေးရေး၊ တေးဆို၊ တေးထုတ်လုပ်သူ၊ ပရဟိတသမားတစ်ဦးဖြစ်ပြီး Wham! အဖွဲ့၏ အဖွဲ့ဝင်တစ်ဦးဖြစ်သည်။ ဂျော့ချ်မိုက်ကယ်သည် ကမ္ဘာတစ်ဝန်းတွင် တေးအယ်လ်ဘမ်ချပ်ရေ ၁၁၅ သန်းကျော် ရောင်းချထားရပြီးဖြစ်ကာ ကမ္ဘာပေါ်တွင် ရောင်းအားအကောင်းဆုံးအဆိုတော်များတွင် တစ်ဦးအပါအဝင်လည်း ဖြစ်သည်။

ယခုအခါ ဂျော့ချ်မိုက်ကယ် သေဆုံးခဲ့သော စံအိမ် ပေါင် ၃ ဒသမ ၄ သန်းဖြင့် ရောင်းချလိုက်သည်ဟု ဆိုသည်။ ဂျော့ချ်မိုက်ကယ်အဆိုပါစံအိမ်တွင် သေဆုံးနေသည်ကို သူ၏ သြစတေးလျလူမျိူးချစ်သူ ဖာဒီဖာဝက်ဇ်က တွေ့ရှိခဲ့ခြင်း ဖြစ်သည်။

စံအိမ်တည်နေရာမှာ အင်္ဂလန်နိုင်ငံတောင်ပိုင်း တောင် အောက်စ်ဖို့ရှိုင်းယား ခရိုင်၊ ဂိုရင်း-အွန်-သိမ်းစ် (ဂိုရင်းဟုလည်းခေါ်) အမည်ရှိ ကျေးရွာကလေးတွင် တည်ရှိသည်။

ဂိုရင်းကျေးရွာကလေးသည် ရီးဒင်းမြို့၏ အနောက်မြောက်ဘက် ၈ မိုင်ခန့်အကွာတွင် တည်ရှိပြီး အောက်စ်ဖို့နှင့် လန်ဒန်အကြား ဆက်သွယ်ထားသည့် မီးရထားလမ်းပေါ်တွင် တည်ရှိကာ ဘူတာရုံတစ်ခုလည်းရှိသည်။

မြေယာမှတ်ပုံတင်စာရင်းများအရ အဆိုပါ ၁၆ ရာစုစံအိမ်ကို မိသားစုတစ်စုက ဝယ်ယူလိုက်ခြင်းဖြစ်သည်ဟု ဆိုသည်။

ဂျော့ချ်မိသားစု၏ ရှေ့နေတစ်ဦးဖြစ်သူ ဂျွန် ရိဒ်က Mill Cottage စံအိမ်ကို ရောင်းချလိုက်ကြောင်း အတည်ပြုသည်။

ဂျော့ချ်မိုက်ကယ်ကို ၂၀၁၆ ခုနှစ်၊ ခရစ္စမတ်နေ့တွင် စံအိမ်အတွင်း သေဆုံးနေသည်ကို သူ၏ချစ်သူ ဖာဒီ ဖာဝက်ဇ်က တွေ့ရှိခဲ့ခြင်းဖြစ်ပြီး မိမိကိုယ်ကို အဆုံးစီရင်သွားခြင်း ဖြစ်သည်ဟု ဖာဝက်ဇ်က ပြောကြားခဲ့သည်။

သို့ရာတွင် သေမှုသေခင်းစစ်ဆေးရေးအရာရှိတစ်ဦးက ၂၀၁၇ ခုနှစ်၊ မတ်လအတွင်း ထုတ်ပြန်ခဲ့ရာတွင်မူ ဂျော့ချ်သည် နှလုံးကြွက်သား များ ပျက်စီးခြင်း၊ အသည်းကြီးခြင်းတို့ကြောင့် သေဆုံးခဲ့ခြင်းဖြစ်ကြောင်း ထုတ်ပြန်သည်။

ဂျော့ချ်၏ သေတမ်းစာအရ သူ၏ စံအိမ်နှင့် ကျန်ရစ်သော ငွေ ပေါင် ၉၇ ဒသမ ၆ သန်းကို ညီမများဖြစ်သော မီလာနီနှင့် မီယိုဒါတို့ကို ပေးအပ်ခဲ့ပြီး ပိုင်ဆိုင်မှု အနည်းငယ်ကိုမူ ဖခင်ဖြစ်သူ ကိုင်ရီယာကို့စ်၊ သူ၏ မိတ်ဆွေရင်းများနှင့် ဝန်ထမ်းဟောင်းတို့ကို ပေးအပ်ခဲ့သည်။

ဖာဒီအတွက်မူ မည်သည့်အရာမျှ ပေးအပ်ခဲ့ခြင်း မရှိချေ။

ယခုရောင်းချလိုက်သည့် အောက်စ်ဖို့ဒ်ရှိုင်းယားစံအိမ်ကို ပြတိုက်အဖြစ် ထားရှိရန် change.org ဝက်ဘ်ဆိုက်တွင် လက်မှတ်ကောက်ခံမှုများ ပြုလုပ်လျက်ရှိရာ ဝင်ရောက်လက်မှတ်ရေးထိုးသူပေါင်း ၂၅၀၀ ကျော် ရှိနေသည်။

အားလပ်ရက်များတွင် ဂျော့ချ်မိုက်ကယ်၏ ပရိသတ်များသည် အောက်စ်ဖို့ဒ်ရှိုင်းယားစံအိမ်ရှိရာသို့ လာရောက်လေ့လာလေ့ ရှိနေကြသည်။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)