ရန္ကုန္မုိးပ်ံအျမန္လမ္းစီမံကိန္း၏ ရင္းႏွီးျမႇဳပ္ႏွံမႈဆုိင္ရာ ႏွစ္ဦးသေဘာတူစာခ်ဳပ္ ဒုတိယမူၾကမ္းကုိ ဇူလိုင္အကုန္တြင္ ထုတ္ျပန္မည္

### Zawgyi Version ###

ေဆာက္လုပ္ေရး၀န္ႀကီးဌာနကေျပာထားရာတြင္ ဇူလုိင္ ၃၁ ရက္တြင္ ရန္ကုန္မုိးပ်ံအျမန္လမ္း စီမံကိန္း ၏ ရင္းႏွီးျမႇဳပ္ႏွံမႈဆုိင္ရာ ႏွစ္ဦးသေဘာတူစာခ်ဳပ္ ဒုတိယမူၾကမ္းကုိ ထုတ္ျပန္မည္ ျဖစ္ေၾကာင္းသိရသည္။

အစုိးရအာမခံခ်က္ေတြညိႇေနေၾကာင္း၊လကုန္တြင္ ဦးေဆာင္ေကာ္မတီအစည္းအေ၀းလုပ္မည္ျဖစ္ ေၾကာင္း၊အစိုးရဘက္က ဘယ္လိုအာမခံခ်က္ေပးမလဲဆိုတာႏွင့္ ရင္းႏွီးျမႇဳပ္ႏွံသူဘက္က ဘယ္လုိထည့္၀င္မလဲ ေဆြးေႏြးမႈလုပ္မည္ျဖစ္ေၾကာင္း ေဆာက္လုပ္ေရး၀န္ႀကီးဌာန ဒုတိယၫႊန္ၾကားေရးမွဴးေျပာထားေၾကာင္းသိရသည္။

ေအာက္တိုဘာတြင္တည္ေဆာက္မည့္ ကုမၸဏီကုိ အၿပီးသတ္ေရြးခ်ယ္မွာျဖစ္ၿပီး လက္ရွိတြင္ ဆန္ခါတင္ေရြးခ်ယ္ထားသည့္ ကုမၸဏီမ်ားႏွင့္ ေတြ႕ဆုံေဆြးေႏြးေနေၾကာင္း သိရသည္။

ေဆာက္လုပ္ေရး၀န္ႀကီးဌာနက ထုတ္ျပန္ထားရာတြင္ ရန္ကုန္မုိးပ်ံလမ္းစီမံကိန္း အပိုင္း(၁)အတြက္ ျမန္မာအပါအ၀င္ ခုနစ္ႏုိင္ငံမွ ဆန္ခါတင္ ေလွ်ာက္လႊာ ၁၂ ေစာင္ရရွိထားၿပီး ေလွ်ာက္လႊာမ်ားကိုျပန္လည္စိစစ္ရာတြင္အရည္အေသြး ျပည့္မီသည့္ကုမၸဏီ ၁၀ ခုစာရင္း ကုိ ၂၀၁၈ ဒီဇင္ဘာ ၅ ရက္က ေၾကညာခဲ့ကာယွဥ္ၿပိဳင္မည့္ ကုမၸဏီ ၁၀ ခုတြင္ တ႐ုတ္ကုမၸဏီငါးခုႏွင့္ျပင္သစ္၊ ကုိရီးယား၊ ဂ်ပန္၊ ထုိင္း-တ႐ုတ္ဖက္ စပ္ကုမၸဏီ၊ ျမန္္မာဖက္စပ္ ကုမၸဏီတို႔ပါဝင္ေၾကာင္း သိရသည္။

ေဆာက္လုပ္ေရး၀န္ႀကီးဌာနႏွင့္ ရန္ကုန္တိုင္းေဒသႀကီးအစုိးရတို႔ ပူးေပါင္းၿပီး ယာဥ္ေၾကာက်ပ္တည္းမႈ ေလွ်ာ့ခ်ႏုိင္ရန္ရည္ရြယ္ထားသည့္ ရန္ကုန္မုိးပ်ံအျမန္လမ္းစီမံကိန္းကို ၂၀၂၀ ဇူလုိင္တြင္ စတင္ရန္စီစဥ္ထားၿပီး အျမန္လမ္းစီမံကိန္းသည္ အရွည္ ၄၇ ဒသမ ၅ ကီလုိမီတာရွိၿပီး အပိုင္း(၁)အျဖစ္ အေရွ႕ဘက္အျခမ္း ေလးလမ္း သြားလမ္းမႀကီး ၁၉ ကီလုိမီတာ၊ အေရွ႕ႏွင့္အေနာက္ခ်ိတ္ဆက္ထားေသာေလး လမ္းသြားေျခာက္ကီလုိမီတာ၊ ရန္ကုန္အျပည္ျပည္ဆိုင္ရာေလဆိပ္ႏွင့္ဆက္သြယ္ထားေသာ ႏွစ္လမ္းသြား ၂ ဒသမ ၅ ကီလုိမီ တာအရွည္ရွိ ကာ စီမံကိန္းအတြက္ကုန္က်ေငြ ကန္ေဒၚလာသန္း ၈၀၀ ရွိမည္ျဖစ္ၿပီး သုံးႏွစ္အတြင္း ၿပီးစီးမည္ဟု ခန္႔မွန္းထား ေၾကာင္းသိရသည္။

မိုးယံလင္းထင္ မွ iMyanmarHouse.com (အိုင္ျမန္မာေဟာက္စ္ေဒါ႔ကြန္း) အတြက္ အထူးေရးသားေဖာ္ျပသည္။

Credit: iMyanmarHouse.com

### Unicode Version ###

ဆောက်လုပ်ရေးဝန်ကြီးဌာနကပြောထားရာတွင် ဇူလိုင် ၃၁ ရက်တွင် ရန်ကုန်မိုးပျံအမြန်လမ်း စီမံကိန်း ၏ ရင်းနှီးမြှုပ်နှံမှုဆိုင်ရာ နှစ်ဦးသဘောတူစာချုပ် ဒုတိယ မူကြမ်းကို ထုတ်ပြန်မည် ဖြစ်ကြောင်းသိရသည်။

အစိုးရအာမခံချက်တွေညှိနေကြောင်း၊လကုန်တွင် ဦးဆောင်ကော်မတီအစည်းအဝေးလုပ်မည်ဖြစ် ကြောင်း၊အစိုးရဘက်က ဘယ်လိုအာမခံချက်ပေးမလဲဆိုတာနှင့် ရင်းနှီး မြှုပ်နှံသူဘက်က ဘယ်လိုထည့် ဝင်မလဲ ဆွေးနွေးမှု လုပ်မည်ဖြစ်ကြောင်း ဆောက်လုပ်ရေးဝန်ကြီးဌာန ဒုတိယညွှန်ကြားရေးမှူးပြောထားကြောင်းသိရ သည်။

အောက်တိုဘာတွင် တည်ဆောက်မည့် ကုမ္ပဏီကို အပြီးသတ်ရွေးချယ်မှာဖြစ်ပြီး လက်ရှိတွင် ဆန်ခါ တင်ရွေး ချယ်ထားသည့် ကုမ္ပဏီများနှင့် တွေ့ဆုံဆွေးနွေးနေကြောင်းသိရသည်။

ဆောက်လုပ်ရေးဝန်ကြီးဌာနက ထုတ်ပြန်ထားရာတွင် ရန်ကုန်မိုးပျံလမ်းစီမံကိန်း အပိုင်း(၁)အတွက် မြန်မာအပါ အဝင် ခုနစ်နိုင်ငံမှ ဆန်ခါတင် လျှောက်လွှာ ၁၂ စောင်ရရှိထားပြီး လျှောက်လွှာများကိုပြန်လည်စိစစ် ရာတွင် အရည်အသွေး ပြည့်မီသည့်ကုမ္ပဏီ ၁၀ ခုစာရင်း ကို ၂၀၁၈ ဒီဇင်ဘာ ၅ ရက်က ကြေညာခဲ့ကာ ယှဉ်ပြိုင် မည့် ကုမ္ပဏီ ၁၀ ခုတွင် တရုတ်ကုမ္ပဏီငါးခုနှင့်ပြင်သစ်၊ ကို ရီးယား၊ ဂျပန်၊ ထိုင်း-တရုတ်ဖက် စပ်ကုမ္ပဏီ၊ မြန်မာ ဖက်စပ် ကုမ္ပဏီတို့ပါဝင်ကြောင်းသိရသည်။

ဆောက်လုပ်ရေးဝန်ကြီးဌာနနှင့် ရန်ကုန်တိုင်းဒေသကြီးအစိုးရတို့ ပူးပေါင်းပြီး ယာဉ်ကြောကျပ်တည်းမှု လျှော့ချနိုင်ရန် ရည်ရွယ်ထားသည့် ရန်ကုန်မိုးပျံအမြန်လမ်းစီမံကိန်းကို ၂၀၂၀ ဇူလိုင်တွင် စတင်ရန်စီစဉ်ထားပြီး အမြန်လမ်းစီမံကိန်းသည် အရှည် ၄၇ ဒသမ ၅ ကီလိုမီတာရှိပြီး အပိုင်း(၁)အဖြစ် အရှေ့ဘက်အခြမ်း လေးလမ်း သွားလမ်းမကြီး ၁၉ ကီလိုမီတာ၊ အရှေ့နှင့်အနောက်ချိတ်ဆက်ထားသောလေး လမ်းသွားခြောက်ကီလိုမီတာ၊ ရန်ကုန်အပြည်ပြည်ဆိုင်ရာလေဆိပ်နှင့်ဆက်သွယ်ထားသော နှစ်လမ်းသွား ၂ ဒသမ ၅ ကီလိုမီ တာအရှည်ရှိ ကာ စီမံကိန်းအတွက်ကုန်ကျငွေ ကန်ဒေါ်လာသန်း ၈၀၀ ရှိမည်ဖြစ်ပြီး သုံးနှစ်အတွင်း ပြီးစီးမည်ဟု ခန့်မှန်းထား ကြောင်းသိရသည်။

မိုးယံလင်းထင် မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးရေးသားဖော်ပြသည်။

Credit: iMyanmarHouse.com