အေဝးေျပးယာဥ္ရပ္နားကြင္းသစ္တစ္ခုထပ္မံ ျပဳလုပ္မည္

### Zawgyi Version ###

ရန္ကုန္တိုင္း ေဒသႀကီးတြင္ ခရီးသည္မ်ားအဆင္ေျပေစရန္ ေနာက္ထပ္ အေဝးေျပးယာဥ္ရပ္နားစခန္းသစ္တစ္ခု ကိုထပ္မံတိုးခ်ဲ႕ေဖာ္ေဆာင္ သြားရန္စီစဥ္ေနေၾကာင္း ရန္ကုန္ျမိဳ႕ေတာ္စည္ပင္သာယာေရးေကာ္မတီမွ တြဲဖက္အတြင္းေရးမွဴး ဦးသန္းကေျပာသည္။

အဆိုပါ အသစ္ထပ္မံလုပ္မည့္ အေဝးေျပးယာဥ္ရပ္နားကြင္းသည္ မြန္ျပည္နယ္ ၊ တနသၤာရီတိုင္းေဒသၾကီး နွင့္ ပဲခူးတိုင္း စသည့္ တိုင္းႏွင့္ျပည္နယ္ေနရာမ်ားမွဝင္ထြက္သြားလာေနသည့္ ကားၾကီးမ်ားရပ္နားရန္ အတြက္တည္ေဆာက္သြားမည္ျဖစ္ေၾကာင္း ၎ကဆိုသည္။

" အမွတ္ ၂ လမ္းမၾကီး ေဘးမွာ ေဖာ္ေဆာင္ဖို႔လ်ာထားတယ္ မာစတာပလန္ထဲမွာပါတာေၾကာင့္ အဆင့္တဆင့္ျခင္းသြားမွာျဖစ္တယ္။စတင္မယ္ဆိုတာနဲ႕ တင္ဒါေခၚသြားမွာျဖစ္တယ္။ ဘယ္သူ့ကိုမွ လက္သိပ္ထိုးခ်ေပးမွာမဟုတ္ပါဘူး"ဟု ဦးသန္းကဆိုသည္။

ယင္း အေဝးေျပးကြင္းအသစ္အားပဏာမ ခန္႔မွန္းထားသည္မွာ လက္ရွိေအာင္မဂၤလာအေဝးေျပးယာဥ္ရပ္နားစခန္းအနီးရွိ အမွတ္၂ လမ္းမႀကီးေဘး ရွမ္းတဲႀကီးေအာက္ရွိေျမဧက ၃၀ ေပၚတြင္ အေဝးေျပးကြင္းသစ္ေဖာ္ရန္ ခန္႔မွန္းေခ်ေရးဆြဲထားေကာင္း ရန္ကုန္ၿမိဳ႕ေတာ္စည္ပင္သာယာေရးေကာ္မတီထံမွ သိရသည္။

အဆိုပါ အေဝးေျပးကြင္းအသစ္တိုးခ်ဲ႕မည့္အစီအစဥ္သည္ ရန္ကုန္ျမိဳ႕ျပစီမံကိန္း၏ Master Plan တြင္ပါရွိထားေၾကာင္းႏွင့္ စတင္ပါကလည္း တင္ဒါမ်ားကို တရားဝင္ေခၚယူလုပ္ေဆာင္ကာ အမ်ားျပည္သူက္ုိအသိေပးသြားမည္ျဖစ္ေၾကာင္း သိရသည္။

မင္းခ်ိဳ မွ iMyanmarHouse.com (အိုင္ျမန္မာေဟာက္စ္ေဒါ႔ကြန္း) အတြက္ အထူးေရးသားေဖာ္ျပသည္။

Credit: iMyanmarHouse.com

### Unicode Version ###

ရန်ကုန်တိုင်း ဒေသကြီးတွင် ခရီးသည်များအဆင်ပြေစေရန် နောက်ထပ် အဝေးပြေးယာဉ်ရပ်နားစခန်းသစ်တစ်ခု ကိုထပ်မံတိုးချဲ့ဖော်ဆောင် သွားရန်စီစဉ်နေကြောင်း ရန်ကုန်မြို့တော်စည်ပင်သာယာရေးကော်မတီမှ တွဲဖက်အတွင်းရေးမှူး ဦးသန်းကပြောသည်။

အဆိုပါ အသစ်ထပ်မံလုပ်မည့် အဝေးပြေးယာဉ်ရပ်နားကွင်းသည် မွန်ပြည်နယ ်၊တနင်္သာရီတိုင်းဒေသကြီးနှင့်ပဲခူးတိုင်းစသည့် တိုင်းနှင့်ပြည်နယ်နေရာများမှဝင်ထွက်သွားလာနေသည့် ကားကြီးများရပ်နားရန် အတွက်တည်ဆောက်သွားမည်ဖြစ်ကြောင်း ၎င်းကဆိုသည်။

" အမှတ် ၂ လမ်းမကြီး ဘေးမှာ ဖော်ဆောင်ဖို့လျာထားတယ် မာစတာပလန်ထဲမှာပါတာကြောင့် အဆင့်တဆင့်ခြင်းသွားမှာဖြစ်တယ်။စတင်မယ်ဆိုတာနဲ့ တင်ဒါခေါ်သွားမှာဖြစ်တယ်။ ဘယ်သူ့ကိုမှ လက်သိပ်ထိုးချပေးမှာမဟုတ်ပါဘူး"ဟု ဦးသန်းကဆိုသည်။

ယင်း အဝေးပြေးကွင်းအသစ်အားပဏာမ ခန့်မှန်းထားသည်မှာ လက်ရှိအောင်မင်္ဂလာအဝေးပြေးယာဉ်ရပ်နားစခန်းအနီးရှိ အမှတ်၂ လမ်းမကြီးဘေး ရှမ်းတဲကြီးအောက်ရှိမြေဧက ၃၀ ပေါ်တွင် အဝေးပြေးကွင်းသစ်ဖော်ရန် ခန့်မှန်းချေရေးဆွဲထားကောင်း ရန်ကုန်မြို့တော်စည်ပင်သာယာရေးကော်မတီထံမှ သိရသည်။

အဆိုပါ အဝေးပြေးကွင်းအသစ်တိုးချဲ့မည့်အစီအစဉ်သည် ရန်ကုန်မြို့ပြ စီမံကိန်း၏ Master Plan တွင်ပါရှိထားကြောင်းနှင့် စတင်ပါကလည်း တင်ဒါများကို တရားဝင်ခေါ်ယူလုပ်ဆောင်ကာ အများပြည်သူကိုအသိပေးသွားမည်ဖြစ်ကြောင်း သိရသည်။

မင်းချို မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးရေးသားဖော်ပြသည်။

Credit: iMyanmarHouse.com