ဒလတံတားတည္ေဆာက္ေရး ရန္ကုန္ဘက္ျခမ္း ၾသဂုတ္ပထမအပတ္တြင္ စတင္မည္

### Zawgyi Version ###

ေဆာက္လုပ္ေရးဝန္ႀကီးဌာန၊ တံတားဦးစီးဌာနမွ ဒလတံတား ရန္ကုန္ဘက္ျခမ္း တည္ေဆာက္ေရးလုပ္ငန္းမ်ားကို ဘုန္းႀကီးလမ္းတစ္ေလွ်ာက္ တံတားစီမံကိန္းၿပီးစီးသည္အထိ လမ္းအလယ္တြင္ေနရာယူ၍တည္ေဆာက္သြားမည္ျဖစ္ကာ လမ္းကိုပိတ္ဆို႕မည္မဟုတ္ေၾကာင္းသိသည္။

လက္ရိွအေနႏွင့္ ဘုန္းႀကီးလမ္းသည္ ေျခာက္လမ္းသြားျဖစ္ရာ တစ္ဖက္ကုိ ႏွစ္လမ္းစီခ်န္ၿပီးအလယ္မွာ သာ တုိင္ေတြလုပ္ဖို႔ ေနရာယူမွာျဖစ္ေၾကာင္း သိရသည္။

ဘုန္းႀကီးလမ္းတစ္ေလွ်ာက္ လမ္းအပုိင္း တစ္ခုခ်င္းစီ (လမ္းဘေလာက္တစ္ခုခ်င္းစီအလုိက္)တည္ေဆာက္ေရးလုပ္ငန္းမ်ားကို ေဆာင္ရြက္မည္ျဖစ္ၿပီး ပထမဦးဆံုးအေနႏွင့္ အေနာ္ရထာလမ္း ႏွင့္မဟာဗႏၶဳလလမ္းၾကားကုိ စတင္ေဆာင္ရြက္မည္ျဖစ္ေၾကာင္း၊ဘုန္းႀကီးလမ္းကုိ အေနာ္ရထာလမ္း၊ မဟာဗႏၶဳလလမ္းႏွင့္ကမ္းနားလမ္းတုိ႔မွ အေ႐ွ႕အေနာက္ ျဖတ္သန္းေမာင္းႏွင္ေနသည့္ ယာဥ္မ်ား အခက္အခဲမရိွေစရန္လည္း စီစဥ္ထားေၾကာင္းသိရသည္။

ဇြန္ ၂၈ ရက္က ဒလဘက္ျခမ္း၌ ပုိင္မ်ားစုိက္ထူျခင္းျဖင့္ စတင္ခဲ့ၿပီး လက္ရွိအခ်ိန္ထိ ပုိင္စုိက္ျခင္းလုပ္ငန္းေဆာင္ရြက္ဆဲျဖစ္ေၾကာင္း သိရသည္။တံတားတည္ေဆာက္မႈကို ရန္ကုန္ဘက္ျခမ္းတြင္စတင္ေတာ့မည္ျဖစ္သျဖင့္ ဘုန္းႀကီးလမ္းေပၚ ေျပးဆြဲေနေသာ YBS ယာဥ္လုိင္းမ်ားလမ္းေၾကာင္းေျပာင္းေျပးဆြဲေပးရန္ႏွင့္ ေျပာင္းလဲေျပးဆြဲမည့္ လမ္းေၾကာင္းမ်ား႐ွာ၍ YRTA သုိ႔တင္ျပရန္ ၫႊန္ၾကားထားေၾကာင္းလည္း သိရသည္။

တံတားခ်ဥ္းကပ္လမ္းတည္ေဆာက္မႈကို ရန္ကုန္ဘက္ျခမ္းအေနႏွင့္အခ်ိန္ကာလအားျဖင့္ ၁၅ လခန္႔ ၾကာျမင့္ မည္ျဖစ္ကာ သတ္မွတ္ထားသည့္အတိုင္း ဒလတံတားတည္ေဆာက္မႈကို ၄၁ လႏွင့္ အၿပီးေဆာင္ရြက္ မည္ျဖစ္ၿပီး ၂ဝ၂၂ ခုႏွစ္အကုန္ပိုင္းတြင္ ၿပီးစီးမည္ျဖစ္ေၾကာင္း တံတားတည္ေဆာက္မႈအတြက္ ခန္႔မွန္းကုန္က်ေငြ အေမရိကန္ေဒၚလာသန္း ၁၆ဝ ေက်ာ္လ်ာထား ေၾကာင္း သိရသည္။

ႏိုင္ငံေတာ္၏ အတိုင္ပင္ခံပုဂၢိဳလ္ ေဒၚေအာင္ဆန္းစုၾကည္ကိုယ္တိုင္ ၂ဝ၁၈ ခုႏွစ္ ဒီဇင္ဘာ ၂၂ ရက္က ျမန္မာ- ကုိရီးယားခ်စ္ၾကည္ေရးတံတား(ဒလတံတား)စီမံကိန္း ပႏၷက္တင္အခမ္းအနားကုိတက္ေရာက္ ဖြင့္လွစ္ေပးခဲ့ေၾကာင္းသိရသည္။

ေဇာ္ပိုင္ဦး (ျမန္မာျပည္သား) မွ iMyanmarHouse.com (အိုင္ျမန္မာေဟာက္စ္ေဒါ႔ကြန္း) အတြက္ အထူးေရးသားေဖာ္ျပသည္။

Credit: iMyanmarHouse.com

### Unicode Version ###

ဆောက်လုပ်ရေးဝန်ကြီးဌာန၊ တံတားဦးစီးဌာနမှ ဒလတံတား ရန်ကုန်ဘက်ခြမ်း တည်ဆောက်ရေးလုပ်ငန်းများကို ဘုန်းကြီးလမ်းတစ်လျှောက် တံတားစီမံကိန်းပြီးစီးသည်အထိ လမ်းအလယ်တွင်နေရာယူ၍တည်ဆောက်သွားမည်ဖြစ်ကာ လမ်းကိုပိတ်ဆို့မည်မဟုတ်ကြောင်းသိသည်။

လက်ရှိအနေနှင့် ဘုန်းကြီးလမ်းသည် ခြောက်လမ်းသွားဖြစ်ရာ တစ်ဖက်ကို နှစ်လမ်းစီချန်ပြီးအလယ်မှာ သာ တိုင်တွေလုပ်ဖို့ နေရာယူမှာဖြစ်ကြောင်း သိရသည်။

ဘုန်းကြီးလမ်းတစ်လျှောက် လမ်းအပိုင်း တစ်ခုချင်းစီ (လမ်းဘလောက်တစ်ခုချင်းစီအလိုက်)တည်ဆောက်ရေးလုပ်ငန်းများကို ဆောင်ရွက်မည်ဖြစ်ပြီး ပထမဦးဆုံးအနေနှင့် အနော်ရထာလမ်း နှင့်မဟာဗန္ဓုလ လမ်းကြားကို စတင်ဆောင်ရွက်မည်ဖြစ်ကြောင်း၊ဘုန်းကြီးလမ်းကို အနော်ရထာလမ်း၊ မဟာဗန္ဓုလလမ်းနှင့်ကမ်းနားလမ်းတို့မှ အရှေ့အနောက် ဖြတ်သန်းမောင်းနှင်နေသည့် ယာဉ်များ အခက်အခဲမရှိစေရန်လည်း စီစဉ်ထားကြောင်းသိရသည်။

ဇွန် ၂၈ ရက်က ဒလဘက်ခြမ်း၌ ပိုင်များစိုက်ထူခြင်းဖြင့် စတင်ခဲ့ပြီး လက်ရှိအချိန်ထိ ပိုင်စိုက်ခြင်းလုပ်ငန်းဆောင်ရွက်ဆဲဖြစ်ကြောင်း သိရသည်။တံတားတည်ဆောက်မှုကို ရန်ကုန်ဘက်ခြမ်းတွင်စတင်တော့မည်ဖြစ်သဖြင့် ဘုန်းကြီးလမ်းပေါ် ပြေးဆွဲနေသော YBS ယာဉ်လိုင်းများလမ်းကြောင်းပြောင်းပြေးဆွဲပေးရန်နှင့် ပြောင်းလဲပြေးဆွဲမည့် လမ်းကြောင်းများရှာ၍ YRTA သို့တင်ပြရန် ညွှန်ကြားထားကြောင်းလည်း သိရသည်။

တံတားချဉ်းကပ်လမ်းတည်ဆောက်မှုကို ရန်ကုန်ဘက်ခြမ်းအနေနှင့်အချိန်ကာလအားဖြင့် ၁၅ လခန့် ကြာမြင့် မည်ဖြစ်ကာ သတ်မှတ်ထားသည့်အတိုင်း ဒလတံတားတည်ဆောက်မှုကို ၄၁ လနှင့် အပြီးဆောင်ရွက် မည်ဖြစ်ပြီး ၂ဝ၂၂ ခုနှစ်အကုန်ပိုင်းတွင် ပြီးစီးမည်ဖြစ်ကြောင်း တံတားတည်ဆောက်မှုအတွက် ခန့်မှန်းကုန်ကျငွေ အမေရိကန်ဒေါ်လာသန်း ၁၆ဝ ကျော်လျာထား ကြောင်း သိရသည်။

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကိုယ်တိုင် ၂ဝ၁၈ ခုနှစ် ဒီဇင်ဘာ ၂၂ ရက်က မြန်မာ- ကိုရီးယားချစ်ကြည်ရေးတံတား(ဒလတံတား)စီမံကိန်း ပန္နက်တင်အခမ်းအနားကိုတက်ရောက် ဖွင့်လှစ်ပေးခဲ့ကြောင်းသိရသည်။

ဇော်ပိုင်ဦး (မြန်မာပြည်သား) မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးရေးသားဖော်ပြသည်။ Credit: iMyanmarHouse.com