ကယ္လီဖုိးနီးယားျပည္နယ္တြင္ ဆန္ဖရန္စစၥကိုျမိဳ႕ၾကီးထက္ ပိုမိုက်ယ္ဝန္းေသာ ေမြးျမဴေရးျခံၾကီး ကန္ေဒၚလာ ၇၂ သန္းျဖင့္ အေရာင္းေစ်းကြက္ဝင္လာ

### Zawgyi Version ###

အေမရိကန္ျပည္ေထာင္စု၊ ကယ္လီဖုိးနီးယားျပည္နယ္တြင္ ဆန္ဖရန္စစၥကိုျမိဳ႕ၾကီးထက္ ပိုမိုက်ယ္ဝန္းေသာ ေမြးျမဴေရးျခံၾကီး တစ္ျခံကို ကန္ေဒၚလာ ၇၂ သန္းျဖင့္ ေရာင္းခ်ရန္ အေရာင္းေစ်းကြက္တင္လာေၾကာင္း နယူးေယာက္အေျခစိုက္ အိမ္ျခံေျမသတင္းဝက္ဘ္ဆိုက္ တစ္ခုတြင္ ေဖာ္ျပသည္။

အက်ယ္အဝန္းအားျဖင့္ ဧကေပါင္း ၅၀၅၀၀ ရွိျပီး ႏြားေကာင္ေရ ၁၅၀၀ ခန္႔ ေမြးျမဴထားကာ ျပည္နယ္အတြင္း အေရာင္းေစ်းကြက္ဝင္လာသည့္ ေျမကြက္မ်ားတြင္ အၾကီးမားဆံုး ျဖစ္သည္။

အုတ္ခ္လန္းျမိဳ႕မွ မိုင္ ၄၀ ခန္႔သာ ေဝးကြာျပီး N3 Cattle Company ဟု ေမြးျမဴေရးျခံၾကီးကို အမည္ေပးထားသည္။

N3 Cattle Company ကို မိသားစုတစ္ခုတည္းက ၈၅ ႏွစ္ခန္႔ ပိုင္ဆိုင္ထားခဲ့ျခင္းျဖစ္ျပီး ေကာင္တီနယ္ေျမ ၄ ခုတြင္ ျဖန္႔က်က္တည္ရွိရာ ဆန္တာ ကလာရာ ၊ အယ္လာမီဒါ၊ ဆန္ဟြာကင္းႏွင့္ စေတးနစ္ စေလာ့ ေကာင္တီတို႔ ျဖစ္ၾကသည္။

ျခံၾကီးအတြင္း ျမစ္ဆံုမ်ား၊ ေခ်ာင္းမ်ား၊ မတ္ေစာက္လွသည့္ ေခ်ာက္ၾကီးမ်ား၊ သစ္ေတာမ်ား၊ ေရကန္မ်ား၊ ျမက္ခင္းျပင္ၾကီးမ်ားစြာ တည္ရွိေနသည္။ ျခံဝန္းအတြင္း အျမင့္မားဆံုးေနရာမွာ ပင္လယ္ေရမ်က္ႏွာျပင္အထက္ ေပ ၄၀၀၀ ခန္႔ ျမင့္မားသည္။

ပင္မေနအိမ္မွာ ခပ္နိမ့္နိမ့္ေနအိမ္တစ္လံုးျဖစ္ျပီး ဝန္ထမ္းမ်ားအတြက္ တဲအိမ္ ၄ ခုလည္း ပါဝင္သည္။

ေတာင္တက္ရန္ ၊ ခရီးေဝးလမ္းေလွ်ာက္ရန္အတြက္ ျခံဝန္းၾကီးအတြင္းရွိ သီးသန္႔လမ္းမ်ားသည္ပင္လွ်င္ မိုင္ ၂၀၀ ခန္႔ ရွည္လ်ားသည္။

ေရာင္းခ်သူမ်ားမွာ ေမြးျမဴေရးလုပ္ငန္းကို မ်ဳိးဆက္ ၄ ဆက္ လုပ္ကိုင္လာခဲ့ၾကေသာ ဆန္ျဒာ နက္ဇ္ဂါႏွင့္ နာတာလီ နက္ဇ္ဂါ ဒါဗီးစ္တို႔ ညီအစ္မမ်ား ျဖစ္သည္။

၎တို႔မိသားစုသည္ အရီဇိုးနား၊ ကယ္လီဖိုးနီးယားႏွင့္ ေအာ္ရီဂြန္ျပည္နယ္တို႔တြင္ ႏြားေမြးျမဴေရးလုပ္ငန္းကို ႏွစ္ေပါင္း ၁၃၅ ႏွစ္တိုင္ အစဥ္အဆက္ လုပ္ကိုင္ခဲ့ၾကေၾကာင္း ဆန္ျဒာ နက္ဇ္ဂါက ေျပာၾကားသည္။

ကယ္လီဖိုးနီးယားမွ ေမြးျမဴေရးျခံေနရာကိုမူ ၁၉၃၀ ႏွင့္ ၁၉၄၀ ျပည့္လြန္ကာလမ်ားအတြင္း ၎တို႔၏ အဘြားျဖစ္သူက ဝယ္ယူခဲ့ျပီး ဖခင္ျဖစ္သူ ရြိဳင္ အက္ဂါ တက္ဒ္ နက္ဇ္ဂါက ၁၉၈၀ ျပည့္လြန္ကာလမ်ားတစ္ေလွ်ာက္တြင္ ျခံကို ၾကီးမားစြာ တိုးခ်ဲ႕မႈမ်ား ျပဳလုပ္ခဲ့သည္။

၎တို႔ ညီအစ္မသည္ ကေလးဘဝအခ်ိန္အမ်ားစုကို ကယ္လီဖိုးနီးယား ေမြးျမဴေရးျခံၾကီးအတြင္း ကုန္လြန္ျဖတ္သန္းခဲ့ေၾကာင္း ဆန္ျဒာ နက္ဇ္ဂါက ေျပာၾကားသည္။ ဆန္ျဒာ နက္ဇ္ဂါသည္ ဤျခံၾကီးကို ဦးစီးလည္ပတ္ေနသည္မွာ လြန္ခဲ့ေသာ ႏွစ္ေပါင္း ၂၀ ကာလတစ္ေလွ်ာက္ ျဖစ္သည္။

“ေမြးျမဴေရးလုပ္ငန္းအေပၚ ေလးစားမႈထားဖို႔ အေဖက ကၽြန္မတို႔ကို အျမဲတမ္းသြန္သင္ဆံုးမခဲ့တယ္။ ကၽြန္မတို႔ဟာ မန္ေနဂ်ာေတြ၊ ႏြားေက်ာင္းသားေတြနဲ႔အတူ အခ်ိန္ကုန္ဆံုးေလ့ ရွိပါတယ္။ ဒါက ရြာၾကီးတစ္ရြာပါပဲ”

Credit: iMyanmarHouse.com (iMyanmarHouse.com Team မွ ေရးသား ေဖာ္ျပသည္။)

### Unicode Version ###

အမေရိကန်ပြည်ထောင်စု၊ ကယ်လီဖိုးနီးယားပြည်နယ်တွင် ဆန်ဖရန်စစ္စကိုမြို့ကြီးထက် ပိုမိုကျယ်ဝန်းသော မွေးမြူရေးခြံကြီး တစ်ခြံကို ကန်ဒေါ်လာ ၇၂ သန်းဖြင့် ရောင်းချရန် အရောင်းဈေးကွက်တင်လာကြောင်း နယူးယောက်အခြေစိုက် အိမ်ခြံမြေသတင်းဝက်ဘ်ဆိုက် တစ်ခုတွင် ဖော်ပြသည်။

အကျယ်အဝန်းအားဖြင့် ဧကပေါင်း ၅၀၅၀၀ ရှိပြီး နွားကောင်ရေ ၁၅၀၀ ခန့် မွေးမြူထားကာ ပြည်နယ်အတွင်း အရောင်းဈေးကွက်ဝင်လာသည့် မြေကွက်များတွင် အကြီးမားဆုံး ဖြစ်သည်။

အုတ်ခ်လန်းမြို့မှ မိုင် ၄၀ ခန့်သာ ဝေးကွာပြီး N3 Cattle Company ဟု မွေးမြူရေးခြံကြီးကို အမည်ပေးထားသည်။

N3 Cattle Company ကို မိသားစုတစ်ခုတည်းက ၈၅ နှစ်ခန့် ပိုင်ဆိုင်ထားခဲ့ခြင်းဖြစ်ပြီး ကောင်တီနယ်မြေ ၄ ခုတွင် ဖြန့်ကျက်တည်ရှိရာ ဆန်တာ ကလာရာ ၊ အယ်လာမီဒါ၊ ဆန်ဟွာကင်းနှင့် စတေးနစ် စလော့ ကောင်တီတို့ ဖြစ်ကြသည်။

ခြံကြီးအတွင်း မြစ်ဆုံများ၊ ချောင်းများ၊ မတ်စောက်လှသည့် ချောက်ကြီးများ၊ သစ်တောများ၊ ရေကန်များ၊ မြက်ခင်းပြင်ကြီးများစွာ တည်ရှိနေသည်။ ခြံဝန်းအတွင်း အမြင့်မားဆုံးနေရာမှာ ပင်လယ်ရေမျက်နှာပြင်အထက် ပေ ၄၀၀၀ ခန့် မြင့်မားသည်။

ပင်မနေအိမ်မှာ ခပ်နိမ့်နိမ့်နေအိမ်တစ်လုံးဖြစ်ပြီး ဝန်ထမ်းများအတွက် တဲအိမ် ၄ ခုလည်း ပါဝင်သည်။

တောင်တက်ရန် ၊ ခရီးဝေးလမ်းလျှောက်ရန်အတွက် ခြံဝန်းကြီးအတွင်းရှိ သီးသန့်လမ်းများသည်ပင်လျှင် မိုင် ၂၀၀ ခန့် ရှည်လျားသည်။

ရောင်းချသူများမှာ မွေးမြူရေးလုပ်ငန်းကို မျိုးဆက် ၄ ဆက် လုပ်ကိုင်လာခဲ့ကြသော ဆန်ဒြာ နက်ဇ်ဂါနှင့် နာတာလီ နက်ဇ်ဂါ ဒါဗီးစ်တို့ ညီအစ်မများ ဖြစ်သည်။

၎င်းတို့မိသားစုသည် အရီဇိုးနား၊ ကယ်လီဖိုးနီးယားနှင့် အော်ရီဂွန်ပြည်နယ်တို့တွင် နွားမွေးမြူရေးလုပ်ငန်းကို နှစ်ပေါင်း ၁၃၅ နှစ်တိုင် အစဉ်အဆက် လုပ်ကိုင်ခဲ့ကြကြောင်း ဆန်ဒြာ နက်ဇ်ဂါက ပြောကြားသည်။

ကယ်လီဖိုးနီးယားမှ မွေးမြူရေးခြံနေရာကိုမူ ၁၉၃၀ နှင့် ၁၉၄၀ ပြည့်လွန်ကာလများအတွင်း ၎င်းတို့၏ အဘွားဖြစ်သူက ဝယ်ယူခဲ့ပြီး ဖခင်ဖြစ်သူ ရွိုင် အက်ဂါ တက်ဒ် နက်ဇ်ဂါက ၁၉၈၀ ပြည့်လွန်ကာလများတစ်လျှောက်တွင် ခြံကို ကြီးမားစွာ တိုးချဲ့မှုများ ပြုလုပ်ခဲ့သည်။

၎င်းတို့ ညီအစ်မသည် ကလေးဘဝအချိန်အများစုကို ကယ်လီဖိုးနီးယား မွေးမြူရေးခြံကြီးအတွင်း ကုန်လွန်ဖြတ်သန်းခဲ့ကြောင်း ဆန်ဒြာ နက်ဇ်ဂါက ပြောကြားသည်။ ဆန်ဒြာ နက်ဇ်ဂါသည် ဤခြံကြီးကို ဦးစီးလည်ပတ်နေသည်မှာ လွန်ခဲ့သော နှစ်ပေါင်း ၂၀ ကာလတစ်လျှောက် ဖြစ်သည်။

“မွေးမြူရေးလုပ်ငန်းအပေါ် လေးစားမှုထားဖို့ အဖေက ကျွန်မတို့ကို အမြဲတမ်းသွန်သင်ဆုံးမခဲ့တယ်။ ကျွန်မတို့ဟာ မန်နေဂျာတွေ၊ နွားကျောင်းသားတွေနဲ့အတူ အချိန်ကုန်ဆုံးလေ့ ရှိပါတယ်။ ဒါက ရွာကြီးတစ်ရွာပါပဲ”

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)