တရုတ်ပြည်တွင် အိမ်ခြံမြေကုမ္ပဏီ၌ နေအိမ်လာဝယ်သူက ကန်ဒေါ်လာ ၂၁၀၀၀ ကျော်ဖိုးခန့်ရှိသော (မြန်မာငွေ သိန်း ၃၃၀ ခန့်) အကြွေစေ့များဖြင့် ပေးဆောင်ရာ ဝန်ထမ်း ၂၆ ဦးခန့် ဝိုင်းဝန်းရေတွက်ရ

တရုတ်ပြည် အရှေ့ပိုင်း ရှန်တုံပြည်နယ်၏မြို့တော် ကျိနန်တွင် ဈေးဆိုင်ရှင်တစ်ဦးက အိမ်ခြံမြေကုမ္ပဏီ၌ နေအိမ်လာဝယ်ရာ ကန်ဒေါ်လာ ၂၁၀၀၀ ကျော်ဖိုးခန့်ရှိသော (မြန်မာငွေအားဖြင့် သိန်း ၃၃၀ ခန့်) ယွမ်ငွေ အကြွေစေ့များဖြင့် လက်ငင်းပေးသွင်းငွေ ပေးဆောင်ခဲ့သည့်ဖြစ်ရပ် ဖြစ်ပေါ်ခဲ့သည်။

အမည်မသိရသည့် နေအိမ်ဝယ်လက်သည် ဒေသတွင်းမှ ဈေးဆိုင်ပိုင်ရှင်ဖြစ်ပြီး ကျင်ကီချန်းခရိုင်ရှိ အိမ်ခြံမြေတစ်ခုခု ဝယ်ယူကာ ရင်းနှီးမြှုပ်နှံမှုပြုလုပ်ရန် ပြီးခဲ့သော မေလ ၂၉ ရက်က ဆုံးဖြတ်ခဲ့ခြင်းဖြစ်သည်။

အဆိုပါ ဝယ်လက်အမျိုးသားက အိမ်ခြံမြေကုမ္ပဏီရုံးသို့ အကြွေစေ့များ ထည့်ထားသည့် ရေသန့်ဘူးကြီး ၁၆ ဘူးခန့် သယ်ဆောင်ကာ ရောက်ရှိလာခြင်းဖြစ်ပြီး ၁ ယွမ်တန်ဖိုးရှိ အကြွေစေ့များ၊ ထိုထက်တန်ဖိုးနည်းသည့် အကြွေစေ့များဖြင့် လက်ငင်းပေးသွင်းရမည့်ငွေ ပေးဆောင်ခြင်းဖြစ်ပြီး အကြွေစေ့များ၏ စုစုပေါင်းတန်ဖိုးမှာ ကန်ဒေါ်လာတန်ဖိုးအားဖြင့် ၂၁၈၃၆ ခန့် (မြန်မာငွေ ၃၃၃ သိန်းဝန်းကျင်) ဖြစ်သည်ဟု ဆိုသည်။

ဘဏ်ဝန်ထမ်း ၂၀ ဦးကျော်သည် ကြမ်းပြင်တွင် အကြွေစေ့များ စုပုံကာ ဝိုင်းဝန်းရေတွက်ကြသော်လည်း နောက်ဆုံးတွင် လက်လျှော့လိုက်ကြကာ ချိန်ခွင်ဖြင့် ချိန်တွယ်ခဲ့ရသည်။

Jinke Property Group အိမ်ခြံမြေကုမ္ပဏီမှ ဝန်ထမ်းများက ပြောကြားရာတွင် ၎င်းတို့သည် ၄ နာရီခန့် ရေတွက်ခဲ့ရပြီးနောက် လက်လျှော့လိုက်ကာ ချိန်ခွင်ဖြင့်သာ ချိန်တွယ်ခဲ့ရကြောင်း ပြောကြားသည်။

ကနဦးတွင် Jinke ၏ ဝန်ထမ်း ၇ ဦးက ရေတွက်ခဲ့သော်လည်း အလွန်များပြားလှသောကြောင့် စုစုပေါင်း ၂၆ ဦးအထိ ဝိုင်းဝန်း ရေတွက်ခဲ့ကြရသည်။

လူပေါင်း ၂၆ ဦး ၄ နာရီခန့် ဝိုင်းဝန်းရေတွက်သည့်တိုင် မနိုင်နင်းသောကြောင့် လက်လျှော့လိုက်ကြပြီး နောက်ဆုံးတွင် ချိန်ခွင်ဖြင့်သာ ချိန်တွယ်ခဲ့ရသည်။

အကြွေစေ့များသည့် အလေးချိန်အားဖြင့် ၁၈၂ ပေါင် ( ၈၃ ကီလိုဂရမ်) ရှိပြီး ၎င်းတို့ကို ယွမ်ငွေ ၂၀၀၀ ဖိုးစီ အသီးသီး ထုပ်ပိုး သိမ်းဆည်းခဲ့ကြသည်။

Jinke Property Group ၏ ထုတ်ဖော်ပြောကြားချက်အရ အဆိုပါ ဝယ်လက်သည် ယွမ်ငွေ ၄၃၀၀၀၀ (ကန်ဒေါ်လာ ၆၂၆၄၇) တန်ကြေးရှိ နေအိမ်ကို ဝယ်ယူခဲ့ခြင်းဖြစ်ပြီး တန်ဖိုး၏ ကျန်ငွေကိုလည်း နေအိမ်တွင် ကျန်ရှိသည့် အကြွေစေ့များဖြင့်သာ ပေးချေသွားဖွယ်ရာ ရှိသည်ဟု ခန့်မှန်းထားကြောင်း ပြောကြားသည်။

ဈေးဆိုင်ပိုင်ရှင်က ဒေသတွင်း သတင်းမီဒီယာသို့ ပြောကြားရာတွင် “ကျွန်တော်က ငါး၊ တို့ဟူးနဲ့ ပဲပင်ပေါက်တွေ ရောင်းပါတယ်။ ဒီလို ဈေးရောင်းတော့ အကြွေစေ့တွေ ဟိုကဒီက အမြဲရပါတယ်။ အကြွေစေ့တွေကို ကျွန်တော်က ဆိုင်ကို ယူမလာပါဘူး။ အိမ်မှာပဲ ထားခဲ့တယ်။ ဒါပေမယ့် ၅ နှစ်ကနေ ၈ နှစ်လောက်အထိ ကြာလာတော့ ကျွန်တော့်မှာ ငွေတွေထားဖို့နေရာ မရှိတော့ပါဘူး။ ဘဏ်ကလည်း အကြွေစေ့တွေ မလိုချင်ဘူးဆိုတော့ ကျွန်တော်က ဒီငွေတွေနဲ့ ကား (ဒါမှမဟုတ်) အိမ်ဝယ်ဖို့ တွေးမိခဲ့တာပါ” ဟု ပြောကြားသည်။

အကြွေစေ့များကို Jinke မှ ဝန်ထမ်းများက ဝိုင်းဝန်းရေတွက်ခဲ့ကြရပုံ ဗွီဒီယိုဖိုင်ကို https://bit.ly/2L1Hcj9 အင်တာနက်လင့်ခ်တွင် ကြည့်ရှုနိုင်ပါသည်။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)