မက်ဒေါ်နယ်ကုမ္ပဏီက ဟောင်ကောင်တွင် ဒေါ်လာ ၆၆ သန်းဖြင့် ဝယ်ယူထားသည့် ဆိုင်ခန်းနေရာကို ဒေါ်လာ ၁ ဘီလီယံဖြင့် ပြန်လည်ရောင်းထုတ်ရန် စီစဉ်

မက်ဒေါ်နယ်ကုမ္ပဏီသည် ဟောင်ကောင်တွင် ဒေါ်လာ ၆၆ သန်းဖြင့် ဝယ်ယူထားသည့် ဆိုင်ခန်းနေရာကို ဒေါ်လာ ၁ ဘီလီယံဖြင့် ပြန်လည်ရောင်းထုတ်ရန် စီစဉ်လာသည်။

၁၉၈၉ ခုနှစ်က ဟောင်ကောင်ဒေါ်လာ ၆၆ သန်းဖြင့် ဝယ်ယူခဲ့သော စတုရန်းပေ ၄၂၆၀ ရှိ အဆောက်အအုံအတွက် ဝယ်ဈေးထက် ၁၅ ဆပိုမိုများပြားသော ငွေပမာဏကို ရှာဖွေလာခြင်းလည်း ဖြစ်သည်။

ဟောင်ကောင်တွင် ဟောင်ကောင်ဒေါ်လာ သန်း ၁၀၀ နှင့်အထက် တန်ကြေးရှိ လက်လီအရောင်းဆိုင် အဆောက်အအုံများ အရောင်းအဝယ်ဖြစ်မှု ပမာဏမှာ ၂၀၁၈ ခုနှစ် နောက်ဆုံး ၃ လနှင့် ယခုနှစ် အစောပိုင်းကာလများ နှိုင်းယှဉ်လျှင် ၅၆ ရာခိုင်နှုန်းအထိ ကျဆင်းသွားသည်။

မက်ဒေါ်နယ်က လမ်းဘေးဆိုင်အဆင့် ဆိုင်ခန်းနေရာကို ဟောင်ကောင်ဒေါ်လာ ၁ ဘီလီယံ (ကန်ဒေါ်လာ ၁၂၇ ဒသမ ၄ သန်း) ဖြင့် ရောင်းချရန် ကြိုးပမ်းနေခြင်းဖြစ်ရာ လွန်ခဲ့သော နှစ်ပေါင်း ၃၀ က ဝယ်ယူခဲ့သည့် ဈေးနှုန်းထက် ၁၅ ဆ များပြားသော ပမာဏလည်း ဖြစ်သည်။

အိမ်ခြံမြေအကျိုးဆောင်တို့က ပြောကြားရာတွင် လက်ရှိစီးပွားရေးအခြေအနေများအရ ဤမျှများပြားသည့် ရင်းနှီးမြှုပ်နှံမှုမျိုး ပြုလုပ်လိုသူ အလွန်နည်းပါးလှမည်ဖြစ်ကြောင်း ပြောကြားသည်။

စတုရန်းပေ ၄၂၆၀ ( ၃၉၆ စတုရန်းမီတာ) ကျယ်ဝန်းပြီး ဇင်ရှားရွှေအရပ်၊ ဆလစ်ဘူရီလမ်းတွင် တည်ရှိကာ Star House အမည်ရှိ ဆိုင်ခန်းနေရာ ဖြစ်သည်။

အဆိုပါနေရာတွင် လက်ရှိအားဖြင့် ကျန်းမာရေးနှင့် အလှအပဆိုင်ရာ ကုမ္ပဏီ Watsons က ငှားရမ်းထားပြီး နှစ်ပေါင်း ၂၀ ကျော် ငှားရမ်းထားခဲ့ခြင်းဖြစ်ကြောင်း အရောင်းဈေးကွက်တင်သွင်းပေးသည့် JLL ကုမ္ပဏီ၏ ထုတ်ပြန်ချက်တွင် ဖော်ပြသည်။

ရောင်းချမည့် ဈေးနှုန်းအရ ၁ စတုရန်းပေလျှင် ဟောင်ကောင်ဒေါ်လာ ၂၃၄၇၄၁ ကျသင့်မည် ဖြစ်ပြီး စုစုပေါင်း ဟောင်ကောင်ဒေါ်လာ ၁ ဘီလီယံခန့် ပေးချေရမည် ဖြစ်သည်။

Midland IC&I ကုမ္ပဏီ ဒါရိုက်တာ အဲလက်စ်လို၏ ပြောကြားချက်အရ ဟောင်ကောင်ဒေါ်လာ သန်း ၁၀၀ နှင့်အထက် တန်ကြေးရှိသော လက်လီအရောင်းဆိုင်များကို ကုန်သွယ်ရေးစစ်ပွဲကြီးဖြစ်ပွားနေသော လက်ရှိကာလမျိုးတွင် ဝယ်လက်ရှာဖွေရေးမှာ လွယ်ကူလှသည့် အလုပ်တစ်ခု မဟုတ်ကြောင်း ပြောကြားသည်။

Midland IC&I ကုမ္ပဏီမှ အချက်အလက်များအရ ယခုနှစ် ပထမ ၃ လပတ်ကာလအတွင်း ဟောင်ကောင်ဒေါ်လာ သန်း ၁၀၀ အထက် တန်ကြေးရှိသော အရောင်းအဝယ် စုစုပေါင်း ၁၁ ခုသာဖြစ်ခဲ့ကြောင်း ဖော်ပြထားသည်။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)