နှင်းလျှောစီးရာတွင် ဦးခေါင်းဒဏ်ရာရရှိခဲ့သော မော်မြူလာဝမ်းချန်ပီယံ မိုက်ကယ်ရှူးမေကာသည် မြေထဲပင်လယ်အတွင်း ကျွန်းတစ်ကျွန်းပေါ်ရှိ သူ၏ ပေါင် ၂၆ သန်းတန်နေအိမ်သို့ လျှို့ဝှက်စွာရောက်ရှိနေ

မိုက်ကယ် ရှူးမေကာ (ဂျာမန်အသံထွက်အားဖြင့် မစ်ရှားအယ်လ် ရှူးမဟာ ) သည် ဂျာမနီနိုင်ငံသားတစ်ဦးဖြစ်ပြီး ၁၉၆၉ ခုနှစ်၊ ဇန်နဝါရီလ ၃ ရက်တွင် မွေးဖွားသည်။

ဂျာမန် ဖော်မြူလာဝမ်း မာစီးဒီး ဂရင်းပရီအဖွဲ့မှ ပြိုင်ကားမောင်းသူတစ်ဦး ဖြစ်သည်။

ဖာရာရီအဖွဲ့နှင့် ၁၉၉၄ ၊ ၁၉၉၅၊ ၂၀၀၀၊ ၂၀၀၁၊ ၂၀၀၂၊ ၂၀၀၃ နှင့် ၂၀၀၄ ခုနှစ်များတွင် ကမ္ဘာ့ချန်ပီယံဆု ၇ ကြိမ်အထိ ရရှိထားသောကြောင့် ဖော်မြူလာဝမ်း ကားမောင်းသူများတွင် အထူးချွန်ဆုံးဟု အများက သတ်မှတ်ကြသည်။

မိုက်ကယ်ရှုးမေကာသည် ၂၀၁၃ ခုနှစ်၊ ဒီဇင်ဘာလအတွင်း အဲလ်ပတောင်တန်းကြီးပေါ်တွင် နှင်းလျှောစီးစဉ် ဦးခေါင်းအား အပြင်းအထန် ထိခိုက်ဒဏ်ရာရရှိခဲ့ပြီးနောက် Lake Geneva ဟုခေါ်သော နာမည်ကျော် ရေကန်ကြီးတည်ရှိရာတွင် ဆေးအဖွဲ့နှင့်အတူ နေထိုင်နေခဲ့ခြင်း ဖြစ်သည်။

Lake Geneva သည် အဲလ်ပတောင်တန်းကြီး၏ မြောက်ဘက်တွင် တည်ရှိပြီး ဆွစ်ဇာလန်နှင့် ပြင်သစ်နိုင်ငံနယ်နမိတ်တွင် နှစ်နိုင်ငံ ခွလျက်တည်ရှိကာ ဥရောပအနောက်ပိုင်းရှိ အကြီးမားဆုံး ရေကန်ကြီးများတွင် တစ်ခုအပါအဝင်ဖြစ်သည်။

ယခုအခါ မိုက်ကယ်ရှူးမေကာသည် သူ၏ ဆေးအဖွဲ့နှင့်အတူ စပိန်နိုင်ငံအရှေ့ပိုင်း၊ မြေထဲပင်လယ်အတွင်း မာလော်ကာကျွန်းပေါ်ရှိ ပေါင် ၂၆ သန်းတန်နေအိမ်ကြီးသို့ ဆောင်းရာသီနားနေရန် ရွှေ့ပြောင်းနေထိုင်လျက်ရှိကြောင်း ဒေသခံများ တွေ့ရှိကြသည်ဟု ဆိုသည်။

လက်ရှိ သူ၏ ကျန်းမာရေးအခြေအနေကိုမူ မသိရဘဲ ထိပ်တန်းလျှို့ဝှက်ချက်တစ်ရပ် ဖြစ်နေသည်။

မိုက်ကယ်ရှူးမေကာ၏ မိသားစုသည် ဒဏ်ရာရပြီးနောက်ပိုင်းကတည်းက သူ၏ ကျန်းမာရေးအခြေအနေကို မိသားစုက လျှို့ဝှက်ထားသော်လည်း Majorca villa စံအိမ်သို့ ဆေးအဖွဲ့နှင့်အတူ ရောက်ရှိနေပုံကို အိမ်နီးချင်းများ၏ ပြောကြားချက်အရ မီဒီယာများက သိရှိရခြင်း ဖြစ်သည်။

Majorca villa စံအိမ်ကြီးတွင် ရေကူးကန်များ၊ ဧကများစွာကျယ်ဝန်းသော ပန်းဥယျာဉ်များ၊ ရဟတ်ယာဉ်ကွင်းတစ်ခုနှင့် ပင်လယ်ရှုမျှော်ခင်းများ ပိုင်ဆိုင်ထားသည်ဟု သိရသည်။

ဂျာမန်မဂ္ဂဇင်း Bunte တွင် ဖော်ပြချက်အရ ဖော်မြူလာဝမ်းသူရဲကောင်းသည် သူ၏ကျန်းမာရေး ပြန်လည်ကောင်းမွန်လာရေးအတွက် နေသာသည့်အရပ်သို့ မိသားစုနှင့်အတူ လာရောက်ခြင်းဖြစ်ကြောင်း ရေးသားထားသည်။

မိုက်ကယ်ရှူးမေကာသည် Majorca villa သို့ ရောက်ရှိနေသည်မှာ ကာလအနည်းငယ်ကြာခဲ့ပြီဖြစ်သော်လည်း ယခုမှသာ သိရှိလာကြခြင်းလည်း ဖြစ်သည်။

၎င်းတို့မိသားစုသည် ဆွစ်ဇာလန်နိုင်ငံ ၊ Lake Geneva ရှိ ဆောင်းရာသီစံအိမ်ကို ဒီဇင်ဘာလအကုန်ကတည်းက ထားခဲ့ကာ အပန်းဖြေခရီးထွက်လာခြင်းလည်း ဖြစ်သည်။

ပြီးခဲ့သော ဇန်နဝါရီလအတွင်း မိုက်ကယ်ရှူးမေကာ၏ အသက် ၅၀ ပြည့်မွေးနေ့ကို ကမ္ဘာတစ်ဝန်းရှိ သူ၏ပရိသတ်များက လူမှုကွန်ယက်များပေါ်တွင် ဆုတောင်းခြင်းများ ပြုလုပ်ခဲ့ကြသော်လည်း ၎င်း၏မိသားစုထံမှ ထုတ်ပြန်ချက်၊ အခမ်းအနားကျင်းပမှု တစုံတရာ မရှိခဲ့ချေ။

 

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)