ဖလော်ရီဒါပြည်နယ်တွင် အမေရိကန် ဈေးအကြီးဆုံး နေအိမ်သစ်ကြီးတစ်လုံး ကန်ဒေါ်လာ ၂၈၅ သန်းဖြင့် အရောင်းဈေးကွက်ဝင်လာ

အမေရိကန် ပြည်ထောင်စု ဈေးအကြီးဆုံး အိမ်သစ်တစ်လုံး ကန်ဒေါ်လာ ၂၈၅ သန်းဖြင့် အရောင်းဈေးကွက်ဝင်လာသည်။

တည်နေရာမှာ အမေရိကန်ပြည်ထောင်စု၊ ဖလော်ရီဒါပြည်နယ်၊ Palm Beach ခရိုင်၊ Manalapan မြို့တွင် တည်ရှိသည်။

Manalapan ၏ မြို့တော်ဝန်ဟောင်းနှင့် အိမ်ခြံမြေ Developer Stewart Satter ထိန်းချုပ်သော ကုမ္ပဏီတစ်ခုက ၂၀၂၄ ခုနှစ်၊ မတ်လတွင် ကန်ဒေါ်လာ ၂၇ ဒသမ ၅ သန်းဖြင့် ဝယ်ယူခဲ့ခြင်းဖြစ်ပြီး ယခုအခါ ကြီးမားသည့် အမြတ်အစွန်း ပြန်လည် ရှာဖွေလာသည်။ ၎င်းဝယ်ယူချိန်က ၄ ဧက ကျယ်ဝန်းသော ခြံဝန်းတွင် ၁၉၈၉ ခုနှစ်ခန့်က ဆောက်လုပ်ခဲ့သော စံအိမ် တစ်လုံး ပါဝင်သည်။

သမုဒ္ဒရာ ကမ်းခြေမှ ရေကန်ကြီး၏ ကမ်းခြေတို့အကြား ဖြန့်ကျက်တည်ရှိသော စံအိမ်ကို ဖြိုချခဲ့ကာ ကြီးမားလှသော စံအိမ်ကြီး ဆောက်လုပ်ခဲ့ခြင်း ဖြစ်သည်။

Oracle ပူးတွဲ တည်ထောင်သူ Larry Ellison ၏ စံအိမ်ဘေးတွင် တည်ရှိသည်။

စံအိမ် ဆောက်လုပ်မှုမှာ အပြီးမသတ်သေး။

ပြီးစီးရန် ၁ နှစ်ခန့် ဆက်လက်ကြာမြင့်ဦးမည်ဟု ဆိုသည်။

(ဒေါ်လာ ၂၈၅ သန်းတန် စံအိမ်ကြီး ဆောက်လုပ်ပြီးစီးပါက တွေ့ရမည့်ပုံ။ ဓာတ်ပုံ-Gladstone Media)

(စတုရန်းပေ ၅၅၀၀၀ ကျယ်ဝန်းသော ပင်မစံအိမ်ပုံစံ။ ဓာတ်ပုံ-Gladstone Media)

(၂၀၂၆ ခုနှစ်တွင် ပြီးစီးပြီဟု မျှော်မှန်းထားသည်။ ဓာတ်ပုံ-Gladstone Media)

ယခုခေါ်ဈေးဖြင့်သာ ရောင်းထွက်မည်ဆိုပါက အမေရိကတွင် စံချိန်တင် အရောင်းအဝယ် တစ်ခုဖြစ်လာနိုင်ကြောင်း ဝေါစထရိ ဂျာနယ်က ဖော်ပြသည်။

ယခုကဲ့သို့ များပြားလှသည့် ဈေးတန်းဖြင့် အရောင်းအဝယ်ဖြစ်ခြင်း ရှားပါးသည်။

ကမ္ဘာကျော် သူဌေးကြီး Kenneth Griffin က ၂၀၁၉ ခုနှစ်အတွင်း Penthouse ခန်းတစ်ခုကို ကန်ဒေါ်လာ ၂၃၈ သန်းပေးကာ ဝယ်ယူခဲ့ဖူးသည်။

စံအိမ်အကျယ်အဝန်းမှာ စတုရန်းပေ ၅၄၅၇၀ အထိ ရှိရာ အကြမ်းဖျင်းအားဖြင့် အိမ်ဖြူတော်၏ အကျယ်အဝန်းခန့် ရှိသည်။

စံအိမ်ဝန်းအတွင်း ကမ်းခြေအိမ်တစ်လုံး၊ ဧည့်ဂေဟာအိမ်၊ လှေအိမ်နှင့် ကားပြခန်းတို့ ပါဝင်သည်။

(ခြံဝန်းအကျယ် ၄ ဧက နီးပါး ရှိသည်။ ဓာတ်ပုံ-Gladstone Media)

(ကားပြပွဲ၏ ပုံစံ။ ဓာတ်ပုံ-Gladstone Media)

(ဘိုးလင်းကစားကွင်း ပုံစံ။ ဓာတ်ပုံ-Gladstone Media)

အရောင်းဈေးကွက် တင်ပေးသူမှာ Douglas Elliman အိမ်ခြံမြေကုမ္ပဏီမှ Nick Malinosky ဖြစ်သည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: America’s ‘Most Expensive New Construction Home’ Hits the Market in Florida for a Staggering $285 Million Photo Credit- Gladstone Media