တောင်ကိုရီးယား၏ ၂၀၁၈ အိမ်သုံးစရိတ် ငါးနှစ်အတွင်းအမြင့်ဆုံးဖြစ်

၂၀၁၈ ခုနှစ်အတွင်း အိမ်ငှားခများ ကျဆင်းခဲ့သည့် တောင်ကိုရီးယားတွင် အိမ်သုံးစရိတ်များမှာမူ မြင့်တက်လာခဲ့သည်။

တောင်ကိုရီးယားအိမ်ထောင်စုများ၏ အပူပေးခြင်း၊ ရေအသုံးပြုမှု၊ ငှားရမ်းခနှင့် အခြားအိမ်နှင့်ဆက်စပ်သည့် စရိတ်များပါဝင်သော အသုံးစရိတ်များသည် ၂၀၁၈ ခုနှစ်အတွင်း ကိုရီးယားဝမ် ၁၄၈ ဒသမ ၄ ထရီလျံ (အမေရိကန်ဒေါ်လာ ၁၃၁ ဘီလျံ) ရှိခဲ့ကြောင်း တောင်ကိုရီယားဗဟိုဘဏ်ဖြစ်သည့် Bank of Korea (BOK) မှ ထုတ်ပြန်သည့် အချက်အလက်များအရ သိရသည်။

ယင်းသည် ၂၀၁၇ ခုနှစ်ထက် ၄ ဒသမ ၃ ရာခိုင်နှုန်း မြင့်တက်ခဲ့ခြင်းဖြစ်ပြီး ၂၀၁၃ ခုနှစ်ကတည်းက အမြင့်ဆုံးနှုန်းဖြစ်ကြောင်း Yonhap သတင်းဌာနက ထောက်ပြခဲ့သည်။

၂၀၁၈ ခုနှစ်အတွင်း အပူအအေးလွန်ကဲမှုက ၎င်းအိမ်သုံးစရိတ်အခွန်အခများကို မြင့်တက်စေခဲ့ခြင်းဖြစ်ကြောင်း BOK က ရှင်းလင်းချက်ထုတ်ခဲ့သည်။ "ဇန်နဝါရီ အအေးလှိုင်းတွေနဲ့ နွေရာသီအပူက လျှပ်စစ်မီးနဲ့ ဂတ်စ်ကို ပိုမိုသုံးစွဲရစေတာကြောင့် အိမ်သုံးစရိတ်တွေ ၂၀၁၈ မှာ မြင့်တက်ခဲ့တာပါ" ဟု BOK ၏ တာဝန်ရှိသူတစ်ဦးက Yonhap သို့ ပြောကြားခဲ့သည်။

အိမ်ငှားခမှာ ၂၀၁၈ အတွင်း အိမ်စရိတ်တွင် သိသိသာသာလျော့ကျခဲ့သည်။ အိမ်စပေါ်ငွေမှာ တစ်နှစ်တာအတွင်း ၁ ဒသမ ၄ ရာခိုင်နှုန်းသာ မြင့်တက်ခဲ့ပြီး ၂၀၀၆ ခုနှစ်ကတည်းက အနိမ့်ဆုံးနှုန်းဖြစ်သည်။ လစဉ်ငှားရမ်းခမှာ ၀ ဒသမ ၃ ရာခိုင်နှုန်း ကျဆင်းခဲ့ပြီး ဆယ်စုနှစ်တစ်ခုအတွင်း အနိမ့်ဆုံးနှုန်းဖြစ်သည်။

အိမ်ထောင်စုများ အိမ်သုံးစရိတ်များလျော့နည်းစေရေး ကူညီပေးရန် အစိုးရက လောင်စာဆီအခွန်များ သို့မဟုတ် လျှပ်စစ်ဓာတ်အားခနှုန်းထားမျာားကို ယာယီအားဖြင့် လျှော့ပေးသင့်သည်ဟု လေ့လာသုံးသပ်သူများက အကြံပြုထားကြောင်း Yonhap တွင် ဖော်ပြချက်အရ သိရသည်။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)