စင်္ကာပူဘီလျံနာများတွင် အိမ်ခြံမြေလုပ်ငန်းရှင်သူဌေးကြီးများ ထိပ်ဆုံးမှဖြစ်

Forbes မဂ္ဂဇင်း၏ ၂၀၁၉ ခုနှစ် ဘီလျံနာများစာရင်းတွင် စင်္ကာပူနိုင်ငံသား ၂၂ ဦး ပါဝင်ပြီး သူတို့အနက် အိမ်ခြံမြေလုပ်ငန်းရှင် Robert Ng (ရောဘတ်ငင်) နှင့် Philip Ng (ဖိလစ်ငင်) တို့ညီအစ်ကိုက အသားတင်ပိုင်ဆိုင်မှု အမေရိကန်ဒေါ်လာ ၁၂ ဘီလျံဖြင့် ထိပ်ဆုံးမှ ဦးဆောင်နေကြောင်း Straits Times သတင်းစာတွင် ဖော်ပြခဲ့သည်။

စာရင်းတွင် နံပါတ် ၁၁၂ နေရာကို ရရှိခဲ့သည့် Ng ညီအစ်ကိုပိုင် Far East Organization သည် စင်္ကာပူတွင် အကြီးဆုံးပုဂ္ဂလိကအိမ်ခြံမြေပိုင်ရှင်နှင့် အကြီးဆုံးအိမ်ခြံမြေ developer (မြေယာဝယ်ယူ၍ အဆောက်အအုံဆောက်လုပ်ရောင်းချသည့် ကုမ္ပဏီ) ဖြစ်သည်။

နံရံသုတ်ဆေးလုပ်ငန်းရှင် Goh Cheng Liang (ဂိုချန်းလျန်) က ဒုတိယအချမ်းသာဆုံးစင်္ကာပူဘီလျံနာအဖြစ် အမေရိကန်ဒေါ်လာ ၇ ဒသမ ၂ ဘီလျံဖြင့် နံပါတ် ၂၀၃ နေရာတွင် ဖော်ပြခံခဲ့ရသည်။ Haidilao ဟော့ပေါ့ဆိုင်ခွဲများအား တည်ထောင်သူ Zhang Yong (ကျန်းယုံ) က အမေရိကန်ဒေါ်လာ ၆ ဒသမ ၈ ဘီလျံ ပိုင်ဆိုင်မှုဖြင့် နံပါတ် ၂၂၄ တွင် ဖော်ပြခံရကာ တတိယအချမ်းသာဆုံးစင်္ကာပူဘီလျံနာဖြစ်လာသည်။

ဘီလျံနာဦးရေ ၇၆၇ ဦးဖြင့် အာရှ-ပစိဖိတ်ဒေသသည် ဘီလျံနာအများဆုံးဒေသ ဖြစ်ကာ အမေရိကန်ပြည်ထောင်စုနှင့် ဥရောပဒေသတို့က ၆၀၇ ဦးနှင့် ၅၄၅ ဦးစီတို့ဖြင့် ဒုတိယ၊ တတိယဘီလျံနာအများဆုံးဒေသများ ဖြစ်ကြောင်း Forbes က ထုတ်ပြန်ခဲ့သည်။

အိန္ဒိယရှိ Mukesh Ambani (မူကက်ရ်ှအမ်ဘာနီ) က အာရှ၏ အချမ်းသာဆုံးပုဂ္ဂိုလ်ဖြစ်သည်။ ပိုင်ဆိုင်မှု အမေရိကန်ဒေါ်လာ ၅၀ ဘီလျံဖြင့် အဆင့် ၁၃ တွင် ဖော်ပြခံခဲ့ရသည်။ ရေနံဓာတုသန့်စင်ခြင်းနှင့် ရေနံနှင့် သဘာဝဓာတ်ငွေ့လုပ်ငန်းတို့ကို လုပ်ကိုင်သည်။

ဘီလျံနာအသစ်များအနက် တရုတ်မှ အများဆုံးဖြစ်သည်။ စာရင်းထဲ အသစ်တိုးလာသည့် ဘီလျံနာ ၁၀၂ ဦးတွင် ၄၄ ဦးမှာ တရုတ်မှဖြစ်သည်။

Amazon စီအီးအို Jeff Bezos (ဂျက်ဖ်ဘီဇော့) က နှစ်နှစ်ဆက်တိုက်အဖြစ် ကမ္ဘာ့အချမ်းသာဆုံးပုဂ္ဂိုလ်ဖြစ်ဆဲဖြစ်သည်။ ပြီးခဲ့သည့်နှစ်က ပိုင်ဆိုင်မှု အမေရိကန်ဒေါ်လာ ၁၉ ဘီလျံထက် ယခုနှစ်တွင် အမေရိကန်ဒေါ်လာ ၁၃၁ ဘီလျံသို့ တိုးလာခဲ့သည်။

Microsoft အား ပူးတွဲတည်ထောင်သူ Bill Gates (ဘီလ်ဂိတ်) က အမေရိကန်ဒေါ်လာ ၉၆ ဒသမ ၅ ဘီလျံ ပိုင်ဆိုင်မှုဖြင့် ဒုတိယနေရာတွင်သာ ဆက်လက်ရှိခဲ့ပြန်သည်။ အမေရိကန်ဘီလျံနာ၊ ရင်းနှီးမြှုပ်နှံသူ Warren Buffett (ဝါရင်းဘတ်ဖတ်) က အမေရိကန်ဒေါ်လာ ၈၂ ဒသမ ၅ ဘီလျံဖြင့် ကမ္ဘာ့တတိယအချမ်းသာဆုံးသူဖြစ်လာခဲ့သည်။

ထိုဘီလျံနာစာရင်းတွင် အသစ်ပါဝင်လာသူများအနက် အထင်ရှားဆုံးသူတစ်ဦးမှာ အသက် ၂၁ နှစ်ရှိ Kylie Jenner (ခိုင်လီဂျန်နာ) ဖြစ်ပြီး ကမ္ဘာ့အသက်ငယ်ဆုံး ဘီလျံနာဖြစ်သည်။ အသက်ငယ်ဆုံး ကိုယ့်ထူးကိုယ်ချွန် ဘီလျံနာ ဟုလည်း သူမအား Forbes က ခေါ်ဝေါ်သမုတ်ခဲ့ကြောင်း သိရသည်။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)