အမေရိကန်တွင် ကြိုးပေးကွပ်မျက်ခံခဲ့ရသည့် စုန်းတစ်ဦး၏ နေအိမ် အရောင်းဈေးကွက်ဝင်လာ

အမေရိကန်ပြည်ထောင်စု ၊ မက်ဆာချူးဆက်ပြည်နယ် အရှေ့မြောက်ပိုင်း အက်ဆက်စ်ခရိုင်၊ ပီးဘာဒီမြို့ကလေးတွင် တစ်ချိန်က စုန်းတစ်ဦး ပိုင်ဆိုင်ခဲ့သည့် နေအိမ်ကြီး အရောင်းဈေးကွက်ဝင်လာသည်။

မူလ ပိုင်ရှင်ဖြစ်သူ ဂျွန် ပရော့ခ်တာအမည်ရှိ အမျိုးသားသည် ဆပ်ဖော့ခ်ဒေသတွင် မွေးဖွားသူဖြစ်ပြီး စုန်းတစ်ဦးဖြစ်သည်ဟု စွဲချက်တင်ကာ ကြိုးပေးကွပ်မျက်ခံခဲ့ရသူလည်း ဖြစ်သည်။

၁၆၃၈ ခုနှစ်တွင် ဆောက်လုပ်ခဲ့ပြီး စတုရန်းပေ ၃၉၁၀ ကျယ်ဝန်းသည့် အဆိုပါနေအိမ်ကြီးကို ပေါင် ၄၅၉၀၀၀ (ကန်ဒေါ်လာ ၆၀၀၀၀၀) ဈေးခေါ်ထားသည်။ ဂျွန်သည် မက်ဆာချူးဆက်တွင် မြေပိုင်ရှင်တစ်ဦးဖြစ်၏။

အလုပ်သမားတစ်ဦးကို “မိစ္ဆာကျမ်းစာ”အား အတင်းအကြပ်ထိတွေ့ကိုင်တွယ်စေခဲ့ခြင်းကြောင့် စုန်းဟု သမုတ်ခံရကာ ၁၆၉၂ ခုနှစ်တွင် ကြိုးပေးကွပ်မျက်ခြင်း ခံခဲ့ရသည်။

သူ၏ ဘဝဇာတ်ကြောင်းကို အာသာမေလာက The Crucible ဟူသည့် ပြဇာတ်ဖြင့်လည်းကောင်း၊ ရုပ်ရှင်ဒါရိုက်တာ နီကိုလပ်စ် ဟစ်တ်နာက ၁၉၉၆ ခုနှစ်တွင် The Crucible ဟူသည့်အမည်ဖြင့်ပင် ရုပ်ရှင်ရိုက်ကူး၍လည်းကောင်း ပုံဖော်ခဲ့ကြသည်။

နေအိမ်တွင် အိပ်ခန်း ၆ ခန်းပါဝင်ပြီး J. Barrett and Co., မှ အိမ်ခြံမြေအကျိုးဆောင် ဂျိုး စီပိုလက်တာက အရောင်းဈေးကွက်တင်သွင်း ပေးခဲ့ခြင်း ဖြစ်သည်။

နောက်ပိုင်းတွင် ဂျွန်ပရော့ခ်တာ၏ နေအိမ်ကို မိသားစုတစ်ခုက ဆယ်စုနှစ် ၃ ခုခန့် ပိုင်ဆိုင်ခဲ့ပြီး ပိုင်ရှင်မှာ ပြီးခဲ့သော အောက်တိုဘာလ ၈ ရက်တွင် ကွယ်လွန်သွားခဲ့ပြီး ကွယ်လွန်ချိန်တွင် အသက် ၉၀ အရွယ်ရှိပြီဖြစ်သည်။

အကယ်၍ သင်သည် ခြောက်ခြားဖွယ်သမိုင်းကြောင်းရှိသည့် နေအိမ်မျိုးကို နှစ်သက်သဘောကျသူဆိုပါက ဤအိမ်မှာ သင်ရွေးချယ်ရမည့်အိမ်ပင် ဖြစ်လေသည်။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)