၁၉၇၀ ရှေ့ပိုင်းတွင် တည်ဆောက်ခဲ့ပြီး လက်ရှိအချိန် ထိ မူလပုံစံမပျက် လိုက်လျောညီ ထွေအသုံးပြုနေသည့် အဆောက်အအုံများကို အမွေအနှစ်ထိန်း သိမ်းစောင့်ရှောက်ရေးဆုများအ ဖြစ် ရန်ကုန်မြို့ပြအမွေအနှစ်ထိန်းသိမ်းစောင့်ရှောက်ရေးအဖွဲ့ (YHT)က ရွေးချယ်ချီးမြှင့်ခဲ့သည်။
အဆိုပါ Best Adaptive Reuse Project 2018 ဆုကို ကုန်သည်လမ်းရှိ Gekko Bar and Restaurant၊ ၃၁ လမ်းရှိ Scott Hostel တို့က ရရှိပြီး Best Re-storation Project 2018 ဆုအတွက် ရွှေတောင်တန်းလမ်းရှိ Bridge Office နှင့် Shwe Taung Tan Office အဆောက်အအုံတို့ က ရရှိခဲ့သည်။
အဆိုပါဆုများသည် မြန်မာ နိုင်ငံတွင် ပထမဆုံးရွေးချယ်ပေး အပ်သည့် ဆုအမျိုးအစားဖြစ်ပြီး အမွေအနှစ် ထိန်းသိမ်းစောင့် ရှောက်မှုများ နည်းမှန်လမ်းမှန် ဖြင့် ဆောင်ရွက်နေခြင်းကို တွန်းအားပေးမည်ဟု မျှော်လင့် ကြောင်း YHT ဒုဥက္ကဋ္ဌ ဒေါ်မိုးမိုးလွင်ကပြောသည်။
‘‘အဆောက်အအုံတွေထဲမှာ တချို့ကျတော့ နဂိုပုံကို မပျက်စေဘဲ ပိုပြီးကောင်းမွန်အောင် လုပ်တယ်။ ပိုပြီးအသုံးချနိုင်အောင် လုပ်တဲ့ဟာ ဒီဇိုင်နာရဲ့အစွမ်းတွေ လည်းပါတယ်။ ပြောင်းနိုင်အောင် ဘယ်လိုလုပ်ထားလဲ ဆိုတဲ့ဟာလည်းပါတယ်။ အဲဒါကို Adaptive Reuse အနေနဲ့ ပေးတယ်’’ဟု ၎င်းကပြောသည်။
ဆုများကို ယခုနှစ်တွင် ရန် ကုန်မြို့တစ်ခုတည်းက ရွေးချယ်ခဲ့ပြီးနောက်ပိုင်းတွင် တခြားနေရာများကိုပါ ပါဝင်နိုင်ရန်စဉ်းစားမည် ဟု ရည်ရွယ်ထားကြောင်း ဒေါ်မိုး မိုးလွင်ကဆိုသည်။
‘‘အခုဆုတွေကို နှစ် ၄၀ မတိုင်ခင်က ဆောက်ခဲ့တဲ့ အဆောက်အအုံ၊ ၁၉၇၀ ကျော် ရှေ့ပိုင်းက ဆောက်တဲ့အဆောက်အအုံတွေကို ဘယ်လောက်ထိ ပြောင်းလဲသုံးစွဲပြီး အောင်မြင်အောင်လုပ် ထားလဲဆိုတာကို မူတည်ပြီး ပေးပါတယ်’’ဟု ၎င်းကပြောသည်။
YHT သည် အမွေအနှစ်ထိန်းသိမ်းစောင့်ရှောက်ရေး ဧရိယာသတ်မှတ်ခြင်း၊ ရေရှည်ခရီးသွားလုပ်ငန်း ဖွံ့ဖြိုးတိုးတက်ရေးအတွက် လုပ်ငန်းစဉ်များချမှတ်ခြင်း စသည့် ဆောင်ရွက်ချက်များအပြင် ရန်ကုန်မြစ်ကမ်းတစ်လျှောက် အများပြည်သူ အပန်းဖြေနေရာအဖြစ် အသုံးပြုနိုင်ရေး၊ ရွှေတိဂုံဘုရားမှသည် ရန်ကုန်မြစ်အထိ လျှောက်လမ်းများ၊ အစိုးရပိုင်အဆောက်အအုံများ ပြန်လည်ပြုပြင်နိုင်ရန် ဘဏ္ဍာရေးအစီအစဉ်တစ်ခု ရေးဆွဲခြင်း၊ ဘဏ်လမ်းနှင့် ကမ်းနားတစ်လျှောက် စံနမူနာပြသနိုင်ရန် နေရာတစ်ခုဖန်တီးနိုင်ရေး စသည်တို့ကို ဆောင်ရွက်မည်ဖြစ်ကြောင်း အဆိုပါအဖွဲ့ကသတင်းထုတ်ပြန်သည်။
Credit: 7Daydaily
