အိမ် ခြံ မြေ ဈေးကွက်အနအေထားသည် ကြားကာလအနေအထားသို့ ရောက်ရှိနေကြောင်း အိမ် ခြံ မြေ အသိုင်းအ၀ိုင်းမှာသုံးသပ်ပြောဆိုသည်။
'' အိမ် ခြံ မြေ ကတော့ ကြားကာလ Critical Point ရောက်နေတယ်။ ဈေးကျသွားတယ် ဆိုပေမယ့် ဒါတွေက တစ်ချိန်မှာ ပြန်မော့လာရမှာပဲ.အရင်ဈေးတွေကိုတော့ မှီမယ် ၊ မမှီဘူး မပြောနိုင်ဘူး။အရင်ဈေးတွေလို ဈေးကောင်းရတော့မှ အရောင်းအ၀ယ်ဖြစ်တာလို့ပြောမလား ၊ သို့မဟုတ် သူ့ဈေးနဲ့သူ လည်ပတ်တာကိုပဲ အရောင်းအ၀ယ်ဖြစ်တယ်လို့ပြောမလား ၊ အရောင်းအ၀ယ်ဖြစ်ဖို့ ၊ အဓိကကလည်း လည်ပတ်ငွေဖြစ်ဖို့ပဲလိုတာလေ။ဈေးကွက်မကျဘူးလို့ပဲပြောရမယ်။ အရင်လို အရမ်းအများကြီး မထွက်လာတော့တာတော့ရှိတယ်။ ရင်းနှီးမြုပ်နှံဖို့ကလည်း မြေကိုပဲမြင်ကြတာကိုး။လက်ရှိဆိုရင် သုံးချိုး နှစ်ချိုးလောက် ၊ ၅၀% လောက်လျော့သွားတဲ့အနေအထားပေါ့။ ”ဟု မြန်မာနိုင်ငံအိမ် ခြံ မြေ ၀န်ဆောင်မှုအသင်းမှ တာဝန်ရှိသူတစ်ဦးမှပြောဆိုသည်။
လက်ရှိဈေးကွက်သည် ပုံမှန်အနေအထားဖြင့် ခရီးဆက်နေသော်လည်း နှစ်ထပ်လမ်းစီမံကိန်းစတင်ပါက နည်းနည်းအရောင်းအ၀ယ်လေး ပြန်စမည်ဟုထင်မြင်ကြောင်း ၊တစ်ခုခုအပြောင်းအလဲ စမည်ဟုထင်မြင်ကြောင်း ၎င်းမှဆက်လက်ပြောဆိုသည်။
မင်းချို မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးရေးသားဖော်ပြသည်။
Credit: iMyanmarHouse.com
