ကလေးဘဝက သင်စိတ်ကူးယဉ်ဖူးခဲ့သည့် နေအိမ်များတွင် သာယာလှပမှုများအတိပြီးသည့် နေအိမ်မျိုးဖြစ်မည်ဖြစ်သော်လည်း တစ်ခန်းမှတစ်ခန်းသို့ ရေကူးသွားရမည့် နေအိမ်မျိုး ပါဝင်ခဲ့ဖွယ် မရှိနိုင်ချေ။
ငယ်စဉ်ဘဝတွင် ခမ်းနားဆန်းပြားသည့်နေအိမ်မျိုးစုံကို ကျွန်ုပ်တို့ စိတ်ကူးယဉ်ခဲ့ကြဖူးသည်။
ရိုလာကို့စ်တာကဲ့သို့ နေအိမ်မျိုး၊ အပေါ်ဆုံးထပ်မှ မြေညီထပ်အထိ လျှောဆင်းနိုင်မည့် အိမ်မျိုး၊ ရထားလမ်းငယ်ပါသည့် အိမ်မျိုး၊ ထို့ထက်ပို၍ အနည်းငယ်ကွန့်မြူး တွေးတောတတ်မည်ဆိုလျှင် နေအိမ်အတွင်း စမ်းချောင်းငယ်ဖြတ်စီးနေသည့်အိမ်မျိုး အစရှိသဖြင့် အမျိုးမျိုးအဖုံဖုံစဉ်းစားခဲ့ကြမည် ဖြစ်သည်။
သို့ရာတွင် ယင်းသို့ ဆန်းပြားသည့်နေအိမ်မျိုးကို လက်တွေ့ဆောက်လုပ်နေထိုင်သူရှိလိမ့်မည်ဟုကား မည်သည့်အခါမျှ မတွေးခဲ့ဖူးချေ။
အမေရိကန်ပြည်ထောင်စု၊ မီယာမီတွင် ကျွန်ုပ်တို့ အိပ်မက်ဖူးသော နေအိမ်မျိုးအတိုင်း ဆန်းပြားသည့်နေအိမ်တစ်လုံးရှိနေပြီး နေအိမ်အမည်ကို Woodsong ဟု ပေးထား၏။
အဆိုပါနေအိမ်တွင် နေအိမ်အတွင်း ဖြတ်သန်းစီးဆင်းနေသော စမ်းချောင်းငယ်တစ်ခုကို အမှန်တကယ်ဖောက်လုပ်ထားလေသည်။
ဗိသုကာပညာရှင် အယ်လ်ဖရက် ဘရောင်းနင်း ပါကားက တည်ဆောက်ခဲ့ခြင်းဖြစ်ပြီး နေအိမ်အကျယ်အဝန်းမှာ စတုရန်းပေ ၁၈၀၀၀ ခန့် ရှိသည်။
ယခင်နှစ်အတွင်းက ကန်ဒေါ်လာ ၂ သန်းဖြင့် အရောင်းအဝယ်ဖြစ်ခဲ့သည်ဟု ဆိုသည်။
ဧည့်ခန်းတွင် ဧည့်သည်များကို ဧည့်ခံပြီးနောက် ညစာစားခန်းသို့ ဖိတ်ခေါ်ချိန်တွင် လမ်းလျှောက်ရန် ပင်ပန်းနေပါက လှေစီး၍ သွားနိုင်သည့်အပြင် အညောင်းညာပြေ အနေဖြင့် ရေကူး၍လည်း သွားနိုင်မည် ဖြစ်သည်။
နေအိမ်၏ဆန်းကြယ်မှုမှာ စမ်းချောင်းထည့်သွင်းထားမှုသာမဟုတ်သေး။ နံရံသုံးဘက်သာ ကာရံထားသည့် လဟာပြင် အိပ်ခန်းပါဝင်မှုမှာလည်း အလွန်ဆန်းပြားလှသည်။
စမ်းချောင်းအတွင်း ရေကူးရသည်ကို ငြီးငွေ့လာချိန်မျိုးတွင် အပြောင်းအလဲဖြစ်စေရန် ရည်ရွယ်ကာ ရေပူကန်ပါဝင်သည့် ရေကူးကန်တစ်ခုလည်း ထည့်သွင်းပေးထားသည်။ခြံဝန်းအတွင်း ပန်းဥယျာဉ်များ၊ တောင်ထန်းပင်များအပြင် ရေတံခွန်တစ်ခုလည်း ပါဝင်သည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
