ယခု ၂၀၁၇-၂၀၁၈ ဘဏ္ဍာနှစ် ၁၀ လတာ ကာလအတွင်း သီလဝါအထူးစီးပွားရေးဇုန်၌ နိုင်ငံခြားရင်းနှီးမြှုပ်နှံမှု ဝင်ရောက်သည့်ပမာဏမှာ အမေရိကန်ဒေါ်လာသန်း ၃၀၀ နီးပါးရှိကြောင်း ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှု ဦးစီးဌာနထံမှ သိရသည်။
“ဒီ အထူးစီးပွားရေးဇုန်ထဲမှာ ဂျပန်နိုင်ငံက ရင်းနှီးမြှုပ်နှံမှုအများဆုံးပါပဲ။ တခြား ရင်းနှီးမြှုပ်နှံတဲ့နိုင်ငံတွေက တရုတ်၊ ကိုရီးယား၊ ဗီယက်နမ်တို့ ရှိတယ်။ ရင်းနှီးမြှုပ်နှံမှုပမာဏက နှစ်စဉ် ကန်ဒေါ်လာ သန်း ၂၀၀ ကျော်နဲ့ ၃၀၀ ကျော်ကြားမှာရှိတယ်”ဟု ယင်းဌာနမှ အကြီးတန်းအရာရှိတစ်ဦးက ပြောကြားသည်။
နိုင်ငံခြားသားလုပ်ငန်းရှင်များအနေနှင့် အထူးစီးပွားရေးဇုန်၌ စက်မှုလုပ်ငန်း၊ လမ်းပန်းဆက်သွယ်ရေးလုပ်ငန်းနှင့် ဆောက်လုပ်ရေးလုပ်ငန်းများကို အဓိက ရင်းနှီးမြှုပ်နှံကြကြောင်း၊ ရင်းနှီးမြှုပ်နှံမှုများလည်း ဆက်တိုက်ဝင်ရောက်နေသောကြောင့် အထူးစီးပွားရေးဇုန်ထဲရှိ ဇုန် A ထဲတွင် မြေကွက်များမှာ ငှားရမ်းမှုများ ပြည့်နေပြီဖြစ်ကြောင်း မြန်မာသီလဝါ အထူးစီးပွားရေးဇုန် အများပိုင်ကုမ္ပဏီလီမိတက် (MTSH) ထံမှ သိရသည်။
သီလဝါအထူးစီးပွားရေးဇုန်၌ ရင်းနှီးမြှုပ်နှံလျက်ရှိသော လုပ်ငန်းများမှာ အထည်ချုပ်လုပ်ငန်း၊ သံမဏိအဆောက်အအုံ ပစ္စည်းထုတ်လုပ်ခြင်းလုပ်ငန်း၊ ဘိလပ်မြေစက်ရုံ၊ ဆောက်လုပ်ရေးနှင့် ဆက်စပ်ပစ္စည်းများထုတ်လုပ်သော စက်ရုံများ၊ စားသောက်ကုန်စက်ရုံများ၊ ဓာတ်မြေဩဇာ ထုတ်လုပ်ခြင်း၊ မော်တော်ယာဉ်တပ်ဆင်ခြင်းနှင့် မော်တော်ယာဉ် အပိုပစ္စည်းထုတ်လုပ်သည့် လုပ်ငန်းများ၊ ဆေးဝါးနှင့် ဆေးဘက်ဆိုင်ရာပစ္စည်း ထုတ်လုပ်သည့် စက်ရုံတို့ဖြစ်ကြောင်း ယင်းကုမ္ပဏီထံမှ သိရသည်။
“သီလဝါလုပ်တာ ရင်းနှီးမြှုပ်နှံမှုလည်း ဝင်သလို သန်လျင်ဘက်မှာရှိတဲ့ လမ်းပန်းဆက်သွယ်ရေး၊ ရေရရှိရေး၊ မီးကအစ အဆင်ပြေအောင် ဂျပန်က လုပ်နိုင်တယ်။ စနစ်ကျတယ် ပြောရမယ်။ အဲဒါကြောင့် တိုင်းအစိုးရ ရန်ကုန်မှာ အထူးစီးပွားရေးဇုန်တွေလုပ်ဖို့ ဆောင်ရွက်နေတာ။ အခုတော့ အစပိုင်းမို့လို့ ဖြည်းဖြည်းချင်းဝင်နေတာ။ နောက်ဆို ပိုဝင်လာမယ်ထင်တယ်”ဟု အထည်ချုပ်စက်ရုံပိုင်ရှင် ဦးအောင်မြင့်က ပြောကြားသည်။
လက်ရှိအချိန်တွင် သီလဝါအထူး စီးပွားရေးဇုန် (ဇုန်အေ) ၌ ဂျပန်နိုင်ငံအပါအဝင် နိုင်ငံတကာမှ ကုမ္ပဏီများ၏ စက်ရုံ ၈၅ ခုအထိ ရင်းနှီးမြှုပ်နှံထားပြီး ယင်းစက်ရုံထဲမှ ထက်ဝက်ခန့်သည် လုပ်ငန်းများ စတင်လည်ပတ်နေပြီဖြစ်ကြောင်း သီလဝါအထူးစီးပွားရေးဇုန် စီမံခန့်ခွဲမှုကော်မတီထံမှ သိရသည်။
Credit: The Voice
