ရခိုင်ပြည်နယ် မောင်တောဒေသတောင်ပိုင်းမှာ အစိုးရရဲ့ အစီအစဉ်နဲ့မဟုတ်ဘဲ ပုဂ္ဂလိကအစီအစဉ်နဲ့ ပြန်လည်နေရာချထားရေး အစီအစဉ်တစ်ခုကို အနောက်ဘက် နယ်စပ်ဒေသ ရခိုင်အမျိုးသားနယ်မြေ ပြန်လည်တည်ဆောက်ရေး အထောက်အကူပြုကော်မတီ (Committee for Reconstruction in Rakhine CRR) ဆိုတဲ့ အဖွဲ့အစည်းတစ်ခုက ဦးဆောင်ပြီးလုပ်ကိုင်လျက်ရှိသည်။
ယခင်က မောင်တောဒေသတွင် နေထိုင်ဖူးပြီး အကြောင်းအမျိုးမျိုးကြောင့် အခြားနေရာဒေသသို့ ပြောင်းရွှေ့သွားသူ များကို မောင်တောဒေသတွင် ပြန်လည်အခြေချနေထိုင်လိုပါက ၄င်းတို့က ကူညီနေရာချထားပေးနေခြင်းဖြစ်သည်ဟု ဆိုသည်။
စီအာရ်အာရ်အဖွဲ့သည် စစ်တွေမြို့ခံ မြို့မိမြို့ဖများက ဦးဆောင်သည့်အဖွဲ့ဖြစ်ပြီး မြို့ခံလုပ်ငန်းရှင်များ၏ အလှူငွေကျပ်သိန်း ၅ဝဝ ဖြင့် ပြီးခဲ့သော စက်တင်ဘာလက စတင်ဖွဲ့စည်းခဲ့ခြင်းဖြစ်သည်ဟု သိရသည်။
ထိုဒေသတွင် ပြောင်းရွှေ့နေထိုင်လိုသူများသည် ကော်မတီက သတ်မှတ်ထားသော ပုံစံတွင်ဖြည့်ပြီး အဆိုပြု တင်ပြရမည်ဖြစ်ကာ အိမ်ထောင်စုစာရင်းများကို တိုက်ဆိုင် ကြည့်ရှုကာ မူလနေထိုင်ခဲ့ဖူးသူများကိုသာ နေရာချထားပေးခြင်းဖြစ်ကြောင်း ယင်းကော်မတီ ဒုတိယဥက္ကဠ ဦးခင်မောင်ကြီးက ပြောသည်။
နေထိုင်လိုကြောင်း အဆိုပြုသူများသည် အသက်မွေးဝမ်းကျောင်း ပြုနိုင်သော လုပ်ငန်းများကိုပါ ဖော်ပြရမည်ဖြစ်ပြီး ရုတ်တရက် ပြောင်းရွှေ့လာသူများကို ခုနစ်ရက်မှ ၁ဝ ရက်အတွင်း စားနပ်ရိက္ခာထောက်ပံ့ပေးပြီး နောက်ပိုင်း စားသောက်စရိတ်ကို မိမိတို့အစီအစဉ်ဖြင့် ရှာဖွေ စားသောက်ရမည်ဟု ဦးခင်မောင်ကြီးက ဆိုသည်။
''ကျွန်တော်တို့အနေနဲ့ အစိုးရနဲ့ပတ်သက်တဲ့ မြေယာနဲ့ ဘင်္ဂါလီတွေနဲ့ ပတ်သက်တဲ့ မြေယာတွေကို လုံးဝကိုင်တွယ်ထိတွေ့ခြင်းမရှိပါဘူး။ နဂိုရှိပြီးသား တိုင်းရင်းသားတွေရဲ့ မြေယာတွေကို လာလှူဒါန်းကြတာ ရှိပါတယ်။ အဲဒီမြေယာတွေအပေါ်မှာပဲ အခြေချနေထိုင်ခွင့် ပေးထားတာပဲ ဖြစ်ပါတယ်''ဟု ဦးခင်မောင်ကြီးက ဆိုသည်။
ရှာဖွေစားသောက်ရန် ရေလုပ်ငန်း လုပ်ကိုင်လိုသူများကို ရေလုပ်ငန်းနှင့် သက်ဆိုင်သည့် ပစ္စည်းများ၊ လယ်ယာလုပ်ငန်းလုပ်ကိုင်လိုသူကို ဒေသခံ တိုင်းရင်းသား လယ်ပိုင်ရှင်များနှင့် ညှိနှိုင်းပြီး လယ်ယာစိုက်ပျိုးရေးလုပ်ငန်း လုပ်ကိုင်နိုင်ရန် စီစဉ်ပေးထားကြောင်းလည်း ၄င်းက ဆိုသည်။
လက်ရှိတွင် သံတွဲမြို့နယ် ဆင်ခေါင်းကျေးရွာမှ ရသေ့တောင်မြို့နယ် ကိုးတန်ကောက်ကျေးရွာသို့ ပြန်လည်ပြောင်းရွှေ့လိုသော အိမ်ထောင်စု ၁၇ စုကို လုံးချင်း အိမ်များ ဆောက်လုပ်နေရာချထားပေးပြီး ဖြစ်ကြောင်းလည်း ယင်းအဖွဲ့က ပြောသည်။
''ငါးဖမ်းလှေတစ်စီးကို တစ်ယူနစ်လို့ သတ်မှတ်ပြီး အဲဒီတစ်ယူနစ်မှာ စက်တပ်ပေးတယ်၊ ပိုက်၊ လှေနဲ့ တခြားလိုအပ်တဲ့ ပစ္စည်းကိရိယာတွေ ထောက်ပံ့ပေးပြီး တစ်ယူနစ်ကို မိသားစုသုံးစုကနေ ငါးစု လုပ်ကိုင်စားသောက်ဖို့ စီစဉ်ပေးပါတယ်''ဟု ဦးခင်မောင်ကြီးကဆိုသည်။
လက်ရှိတွင် ရေလုပ်ငန်းလုပ်ကိုင်ရန်အတွက် ကဏန်းထောင်သည့်မြုံး ၇ဝဝ ကို ထောက်ပံ့ပေးထားပြီး လယ်ယာလုပ်ငန်းလုပ်ကိုင်ရန်အတွက် လက်တွန်းရိတ်စက် ရှစ်စီး၊ ခြွေလှေ့စက်၊ ကူဘိုတာနှစ်စီးထောက်ပံ့ထားပြီး မရိတ်သိမ်းရသေးသော ဒေသခံတိုင်းရင်းသားလယ်များကို ရိတ်သိမ်းပေးနေကြောင်းလည်း ၄င်းက ဆိုသည်။
အိမ်တစ်အိမ်ကို ငွေကျပ်ခြောက်သိန်းနှုန်းဖြင့် လက်ရှိတွင် အိမ် ၂၅ လုံးကို ရသေ့တောင်မြို့နယ် ကိုးတန်ကောက် ကျေးရွာတွင် ဆောက်ပေးပြီးဖြစ်ကာ နောက်ထပ် ရွှေ့ပြောင်းလာမည့်သူများအတွက် အခြေစိုက်စခန်းကို မောင်တောမြို့နယ်တောင်ပိုင်းရှိ အင်းဒင်ကျေးရွာတွင်တည်ဆောက် ပေးမည်ဖြစ် ကြောင်း အဖွဲ့၏အတွင်းရေးမှူး ဦးသန်းထွန်းက ပြောသည်။''မီးလောင်မြေတွေက အစိုးရရဲ့ စီမံခန့်ခွဲမှုအောက်မှာရှိတဲ့အတွက် ခွင့်ပြုချက်မရဘဲ ကျွန်တော်တို့မသုံးပါဘူး။ အင်းဒင်ရွာမှာတော့ ရွာကဆရာတော်နဲ့ရွာသားတွေ လှူထားတဲ့မြေတွေရှိတယ်၊ အဲဒီမြေမှာပဲ အိမ် ၁ဝ လုံးထပ် ဆောက်ပေးမှာပါ'' ဟု ဦးသန်းထွန်းက ပြောသည်။
စပါးများကိုရိတ်သိမ်းသည့်အခါ ဒေသခံတိုင်းရင်းသားများပိုင်သည့် လယ်မြေများကိုသာ ရိတ်သိမ်း ပေးနေခြင်းဖြစ်ကြောင်း၊ လက်ရှိနေရာချထားပေးပြီးသော အိမ်ထောင်စုများအတွက် အရေးပေါ် ကျန်းမာရေး၊ လူမှုရေး ကိစ္စများတွင် အသုံးပြုနိုင်ရန် သုံးဘီးဆိုင်ကယ်တစ်စီးထောက်ပံ့ပေးထားကာ ဆိုလာမီးအလှူရှင်များရှိသောကြောင့် အိမ်တိုင်းစေ့ဆိုလာမီးများ တပ်ဆင်ပေးထားပြီးဖြစ်ကြောင်းလည်း ၄င်းက ဆိုသည်။
ယခုကဲ့သို့ ဆောင်ရွက်နေရခြင်းမှာ ဒေသတွင်းတွင် တိုင်းရင်းသားများ ပြန်လည်အခြေချနေထိုင်လာပြီး နေထိုင်လာသူများ နေထိုင်စားသောက်မှု အဆင်ပြေစေရန် ကူညီပေးနေခြင်းဖြစ်ကြောင်း၊ ပညာရေး တစ်ပိုင်း တစ်စနှင့် ပြောင်းရွှေ့လာသော ကလေးငယ်များကိုလည်း ပြည်နယ်ပညာရေးမှူးနှင့် ညှိနှိုင်းပြီး ကိုးတန်ကောက်ရွာစာသင်ကျောင်းတွင် ကျောင်းထားပေးလျက်ရှိကြောင်းလည်း သိရသည်။
သို့သော်အငြင်းပွားဖွယ်တစ်ခုမှာ ''ကျွန်တော်တို့က မွတ်စလင်ဘာသာဝင်မဟုတ်သူတွေကိုပဲ လက်ခံနေရာချထားပေးသွားမှာပါ''ဟု ဦးသန်းထွန်းက ပြောခြင်းဖြစ်သည်။
အဖွဲ့အစည်း၏ ဘဏ္ဍာငွေသည် စစ်တွေမြို့ခံ လုပ်ငန်းရှင်များ၏ မတည်ငွေအပြင် ပြည်တွင်းပြည်ပမှ လာရောက်လှူဒါန်းသူများလည်းရှိကြောင်း၊ ပြည်တွင်းပြည်ပမှ အလှူရှင်များအတွက် ဘဏ်အကောင့်ဖွင့်ပြီး လက်ခံဆောင်ရွက်ပေးနေကြောင်းလည်း သိရသည်။
လက်ရှိနေရာချထားပေးသောနေရာများတွင် လုပ်ကိုင်ရှာဖွေစားသောက်ရန် ရေခံမြေခံကောင်းမွန် သော်လည်း လုံခြုံရေးအရ တောထဲသို့ ညအိပ်ညနေမသွားရဲခြင်း၊ ငါးဖမ်းထွက်ရာတွင်လည်း အဝေးသို့ မသွားရဲခြင်းတို့ကြောင့် စားဝတ်နေရေးမှာ ထင်သလောက် အဆင်မပြေကြောင်း သံတွဲမြို့နယ် ဆင်ခေါင်းကျေးရွာမှ ရသေ့တောင်မြို့နယ် ကိုးတန်ကောက်ကျေးရွာသို့ ပြောင်းရွှေ့လာသူ ဦးလှသိန်းက ပြောသည်။
''အရင်တည်းက ရေလုပ်ငန်းပဲလုပ်ခဲ့တော့ အဲဒါအပြင်လည်း မလုပ်တတ်ဘူး၊ ညမထွက်ရအမိန့်တွေကလည်း မရုတ်သိမ်းသေးဘူး၊ အနီးအနားမှာလည်း ခဏခဏမိုင်းတွေတွေ့နေတော့ တစ်နေရာကနေ နောက်တစ်နေရာကို မသွားရဲဘူး''ဟု ဦးလှသိန်းက ဆိုသည်။
ရခိုင်ပြည်နယ် မောင်တောဒေသတွင် ပဋိပက္ခများဖြစ်ပွားပြီးနောက်ပိုင်း ဒေသဖွံ့ဖြိုးရေး ပြန်လည်နေရာချထားရေးကိစ္စရပ်များကို ပြည်ထောင်စုအစိုးရ၊ ပြည်နယ်အစိုးရ၊ အခြားတိုင်းဒေသကြီး အစိုးရအဖွဲ့ များနှင့် အစိုးရမဟုတ်သောအဖွဲ့အစည်းများမှ ပူးပေါင်း၍သော်လည်းကောင်း၊ တစ်သီးပုဂ္ဂလအနေဖြင့် သော်လည်းကောင်း လုပ်ဆောင်လျက်ရှိကြသည်။
အဆိုပါ အဖွဲ့များအနက် ယခု အနောက်ဘက်နယ်စပ်ဒေသ ရခိုင်အမျိုးသားနယ်မြေ ပြန်လည်တည်ဆောက်ရေး အထောက်အကူပြုကော်မတီသည်လည်း ပြန်လည်နေရာချထားရေး ကိစ္စရပ်များကို အစိုးရအကူအညီမယူဘဲ ဆောင်ရွက်လျက်ရှိသည့် အဖွဲ့အစည်းတစ်ခုဖြစ်သည်။
ယင်းတို့အဖွဲ့သည် အစိုးရကပူးပေါင်းကူညီလာပါကလည်း လက်တွဲလုပ်ဆောင်သွားရန် အစီအစဉ်ရှိကြောင်း အတွင်းရေးမှူးက ဆိုသည်။
Credit: The Myanmar Times
