ဟောင်ကောင်အခြေစိုက် Gaw Capital Partners ကုမ္ပဏီသည် ကမ္ဘာကျော်အဖော်အချွတ်မဂ္ဂဇင်း Playboy ၏ စတူဒီယိုအဖြစ် အသုံးပြုခဲ့သည့် အမေရိကန်ပြည်ထောင်စု၊ လော့စ်အိန်ဂျလိမြို့ ရှိ အဆောက်အအုံကို ဝယ်ယူလိုက်ကြောင်း ရှန်ဟိုင်းအခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။
စတူဒီယိုအဆောက်အအုံမှာ စတုရန်းပေ ၁၀၇၈၇၅ (၁၀၀၂၂ စတုရန်းမီတာ) ခန့်အထိ ကျယ်ဝန်းပြီး ကန်ဒေါ်လာ ၃၁ သန်းဖြင့် ဝယ်ယူခဲ့ခြင်းဖြစ်သည်ဟု ဆိုသည်။
3030 Studios အမည်ပေးထားပြီး ပလေးဘွိုင်းအတွက် ရုပ်သံများထုတ်လုပ်သည့်နေရာအဖြစ် အသုံးပြုခဲ့သည်။
တည်နေရာမှာ လော့စ်အိန်ဂျလိမြို့  အရှေ့မြောက်ဘက် အတ်ဝါးတားကျေးရွာတွင် ဖြစ်သည်။
ခြံဝန်းမှာ ၄ ဧကနီးပါး (စတုရန်းမီတာ ၁၅၉၈၅) ကျယ်ဝန်းပြီး တက္ကဆပ်ပြည်နယ်အခြေစိုက် ရင်းနှီးမြှုပ်နှံမှုကုမ္ပဏီဖြစ်သော World Class Capital Group ထံမှ ဝယ်ယူခဲ့ခြင်း ဖြစ်သည်။
World Class Capital Group သည် အဆိုပါအဆောက်အအုံနှင့် ခြံဝန်းကို ၂၀၁၃ ခုနှစ်အတွင်း ကန်ဒေါ်လာ ၂၅ သန်းဖြင့် ဝယ်ယူခဲ့ခြင်း ဖြစ်သည့်အတွက် ယခုပြန်လည်ရောင်းချရာတွင် ကန်ဒေါ်လာ ၆ သန်းခန့် မြတ်စွန်းခဲ့သည်။
ယခုခြံဝန်း၏ တည်နေရာ အကွက်အကွင်းကောင်းမွန်မှုကြောင့် ဝယ်ယူလိုသူ အလွန်များပြားခဲ့ကြောင်း Gaw Capital Partners ဘက်မှ အကျိုးဆောင်အဖြစ် တာဝန်ယူခဲ့သော JLL ကုမ္ပဏီမှ နစ်ကိုးလ် မီဟာလ်ကာက ပြောကြားသည်။
ခြံဝန်းနေရာမှ ကမ္ဘာကျော်ဟောလိဝုဒ်သို့ ၁၅ မိနစ်ခရီးသာ ဝေးကွာသည်။
စတူဒီယိုအဆောက်အအုံကို ၁၉၅၀ တွင် ဆောက်လုပ်ခဲ့ပြီး နောက်ဆုံးမွမ်းမံခဲ့သည်မှာ ၂၀၀၂ ခုနှစ်တွင်ဖြစ်သည်။
Gaw Capital က ယခုနေရာကို စတူဒီယိုနေရာအဖြစ် ဆက်လက်အသုံးပြုသွားမည့်အပြင် ရုံးခန်းနေရာအဖြစ်လည်း အသုံးပြုမည်ဟု ကုမ္ပဏီ၏ ရင်းနှီးမြှုပ်နှံမှုဆိုင်ရာ မန်နေးဂျင်းဒါရိုက်တာ ဒန်လီက ပြောကြားသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
