အိမ်ခြံမြေနဲ့ တိုက်ခန်းအရောင်းအဝယ်ပြုလုပ်ကြတဲ့အခါမှာ လူတန်းစာအလွှာ စုံနဲ့တွေ့ရပါတယ် ။ကြီးတယ် ငယ်တယ် ဆင်းရဲတယ် ချမ်းသာတယ် မဟုတ်ပါဘူး လူအမျိုးမျိုးစိတ်အထွေထွေရှိကြတာကိုတွေ့ရပါတယ် ။ အချို့က ဆင်းရဲသော်လည် စိတ်ဓါတ်ဖြူစင်ရိုးသားတာကို တွေ့ရတယ် ။ အရိုးခံအတိုင်းရှင်းရှင်းနဲက ပွင့်ပွင့်လင်းလင်း ပြောတက်ကြတယ် ။ ဒီလိုရှင်းရှင်းလင်းလင်း ရိုးရိုးသားသား ပြောတတ်တဲ့ သူများနဲ့ တွေရင့် ရှေ့နေတစ်ယောက်အနေနဲ့ အကျိုးဆောင်စာချုပ်ပေးရတာလွယ်ကူပါတယ် ။အချို့ကျတော့လည်း ဒီလိုမဟုတ်ပြန်ဘူး အထင်နဲ့ အမြင်တက်တက်စင်လွဲတတ်ပါတယ်။
ကောက်သော်စားမလောက် ၊ ဖြောင့်သော်စားမကုန်
ရောင်းသူပဲဖြစ်ဖြစ် ၊ ဝယ်သူပဲဖြစ်ဖြစ် အရှိကိုအရှိအတိုင်း အမှန်ကိုအမှန်အတိုင်း ဖွင့်ပြောခြင်းဖြင့် ရောင်းသူဝယ်သူနှစ်ဦးစလုံး မျှမျှတတဖြစ်စေတဲ့ အရောင်းအ၀ယ်စာချုပ်ချုပ် ဆိုပေးလိုက်ခြင်းဖြင့် နှစ်ဦးနှစ်ဘက်စလုံးလည်း ကျေနပ်ကြတယ် ၊ စိတ်ချမ်းသာကြတယ် ။ပွင့်ပွင့်လင်းလင်းပြောဆိုတဲ့ စကားသံကို နားထောင်ပြီး နှစ်ဦးနှစ်ဘက်မျှတအောင် ဆောင်ရွက်ပေးနိုင်တယ်။
ဥပမာ-အချို့ဆိုရင် မြေနဲ့အိမ်ကို ရောင်းမှာကတော့ အမှန်ပဲ ဒါပေမဲ့ စရန်ငွေပေးတဲ့အချိန်မှာ ရောင်းသူထံမျာ ပိုင်ဆိုင်မှုစာရွက်စာတမ်းဖြစ်တဲ့ဂရန်တို့ ပါမစ်တို့ အရောင်းအဝယ်မှတ်ပုံတင်စာချုပ်တို့ကို မပြနိုင်ကြဘူး ၊ မထင်မရှား မိတ္တုဆွဲထားတဲ့ စာရွက်စာတမ်းတွေကိုပဲ ပြနိုင်တယ် ။ဒီစာရွက်စာတမ်းတွေပြတာနဲ့ ဒီရောင်းသူဟာ မြေနဲ့အိမ်ကို လိမ်ပြီးရောင်းတော့မယ်လို့ တွေးမိလိုက်တယ်။ မူရင်းတွေပြရင် စရန်ငွေချနိုင်မယ်လို့ ပြောတော့မှ သူပိုင်တဲ့ စာချုပ်စာတမ်းတွေက ၊ ရပ်ကွက်ထဲက အပေါင်ခံသူထဲမှာ ရှိတယ်အတိုးနဲ့ ငွေချေထားတော့ အပေါင်အဖြစ်ပေးထားရတာကို ပွင့်ပွင့်လင်းလင်း ပြောပြတယ် ။အဲဒီလိုပြောတော့မှ သူအမှန်တကယ် ရောင်းချင်နေတာ မှန်တယ် မရောင်းပဲနေရင် အပေါင်နဲ့ ဆုံးတော့မှာသေချာတယ် ။ဒီလိုပွင့်ပွင့်လင်းလင်းပြောတဲ့အခါ ဝယ်သူဘက်ကလည်း ကိုယ်ချင်းစာနာသွားတယ် ၊ ဝယ်ဖြစ်အောင် ဝယ်ချင်တယ် ကူညီရာလည်းရောက်တာပေါ့ ။
ဟုတ်ပြီလေ ဒါဆိုရင်ကျွန်တော်တို့ ဝယ်မယ် ။ ဒါပင်မဲ့ စာရွတ်စာတမ်းတွေမှန်မှန်ကန်ကန် ပြည့်ပြည့်စုံစုံရှိရဲ့လား ၊ အရှုပ်အရှင်းကင်းရဲ့လား ၊ ကန့်ကွက်ချက်တွေရှိရဲ့လား ၊ မြို့မြေစာရင်းမှာ အမည်ပေါက်မှန်ကန်ရဲ့လား စစ်ကြည့်ဖို့ လိုသေးတယ် ။လိုအပ်ရင် သတင်းစာမှာ ကန့်ကွက်ရန်ရှိမရှိ ကြော်ငြာတင်သင့်ကြော်ငြာရမယ် ။ဒါကြောင့် စာရွက်စာတမ်းတွေကိုင်ထားတဲ့ အပေါင်ခံသူကို ခေါ်ပေးပါလို့ တောင်းဆိုရတာတွေကြုံဘူးတယ်။
ဒီအခါမှာရောင်းသူကလည်း အမှန်တကယ် ရောင်းချင်နေတာဖြစ်လို့ အပေါင်ခံသူကို ခေါ်လာပြီး စာချုပ်စာတမ်းတွေပြပါတယ်။ အဲဒီစာရွက်စာတမ်းတွေဟာ ပိုင်ဆိုင်မှုအထောက်အထားပြည့်စုံတယ် ၊ မှန်ကန်တယ် ။မိတ္တူပေးတဲ့စာရွက်စာတမ်းတွေနဲ့ လည်း တစ်ထပ်ထည်းတူညီတယ်လို့ဆိုမှ အရောင်းအဝယ်စာချုပ်ချုပ်ပြီး စရန်ငွေပေးရဲတာပေါ့ ။
ဒီလိုရောင်းသူက ရိုးရိုးသားသာပြောတဲ့ အတွက်ဝယ်သူဘက်ကလည်း သက်ဆိုင်ရာ အိုးအိမ်ရုံး၊ စည်ပင်ရုံးတို့မှာ မှန်ကန်မှုရှိမရှိ စစ်ဆေးနိုင်တယ် မှန်ကန်တယ်ပြည့်စုံတယ်လို့ တွေ့ရတာနဲ့ အပြီးအပိုင်အရောင်းအဝယ်စာချုပ်ချုပ်ပြီး ကျန်ငွေပေးချေလိုက်တာနဲ့ အပေါင်ခံသူထံကတစ်ဆင့် မူရင်းအိမ်ပိုင်ဆိုင်မှုစာရွက်စာတမ်းကို လွှဲပြောင်းလက်ခံယူလိုက်တာပေါ့ ဒါက ရိုးရိုးသားသားရောင်းသူကြောင့် အဆင်ပြေတဲ့ အရောင်းအဝယ်မျိုးပါ ။
အပေါ်ယံရွှေမှုန်ကျဲ အထဲက နွားချေခံ လူမျိုး
တချို့ကျတော့လည်း ဒီလိုမဟုတ်ကြတော့ပြန်ဘူး ။သူတို့ အခြေအနေကိုကြည့်လိုက်ရင်တော့ ဂုဏ်သရေရှိသူတွေ ' Boss ' တွေ နေတဲ့နေရာကလည်း လူကုံတန်တွေချမ်းသာတဲ့လူတွေမှနေတဲ့ ရွှေတောင်ကြားတို့ ရွှေဂုံတိုင်တို့ ၊ ဝင်ဒါမီယာတို့ ကမ္ဘာအေးတို့ ရန်ကင်းကျောက်ကုန်း တို့လိုနေရာမျိုးမှာ နေကြသူတွေ ၊ ဒါပေမဲ့ ချမ်းသာတဲ့နေရာမျိုးမှာ နေတယ်ဆိုပေမဲ့ အားလုံးတော့ စိတ်သဘောထားမကောင်းကြဘူး ရိုးသာသူတွေရှိသလို၊ မရိုးဖြောင့်တဲ့သူတွေလည်းရှိတာကို တွေ့ရတယ်။
ကိုယ်ထင်ကုတင်ရွှေနန်း
မြေနဲကအိမ်တန်ဖိုးက သိန်းပေါင်းသောင်းဂဏန်နဲ့ အရောင်းအဝယ်လုပ်ပေမဲ့ စရန်ငွေ သိန်း (၂၀၀ ) ချမယ် ။ပိုင်ဆိုင်မှု စာရွက်စာတမ်းတွေပြပါ ဆိုတော့ မြေဂရန်နဲက မှတ်ပုံတင်အရောင်းအဝယ်စာချုပ် ၊ မြေပုံမြေရာဇဝင် မိတ္တူတွေပဲထုတ်ပြတယ် ။အဲဒီမြေကွက်ကိုများ သိန်းနှစ်သောင်းနဲ့ ရောင်းမတဲ့ ဒါပေမဲ့ ဝယ်ချင်တဲ့သူကလည်း အဲဒီနေရာကိုမှ အသည်းအသန်ကြိုက်နေတာဆိုတော့ ရှေ့နေခေါင်းရှုပ်ရတော့တာပေါ့ ။
ကျားကြီးခြေရာကြီး
ကောင်းပြီလေ ။ဒီလို မိတ္တူကြည့်ပြီးတော့ စရန်ငွေ သိန်း (၂၀၀ ) တော့ မချနိုင်ဘူး။ နောက်ထပ်ပိုင်ဆိုင်မှုစာရွက်စာတမ်းမူရင်လေးပြပါဦး ဆိုတော့မှ ဘဏ်တစ်ခုမှာ သိန်းတစ်သောင်းနဲ့ ပေါင်းထားပြီး ဘဏ်နဲ့မြေရှင်နဲ့ အပြန်အလှန်ခံဝန်ချုပ်ဆိုထားတဲ့ စာချုပ်ကိုပြတယ် ။ဒီတော့ ဗဟုသုတတစ်မျိုးတိုးတာပေါ့လို့ပဲ မှတ်လိုက်ပါတယ်။
ဘုံဘဝမှာကြုံရပါ
ဒါဆိုရင် အပြီးအပိုင်ဝယ်ရင်ပိုင်ဆိုင်မှု စာချုပ်စာတမ်းတွေ ဘယ်လိုယူပေမှာလဲလို့ မေးကြည့်တော့ ၊ '' ခင်ဗျားတို့ဖာသာစည်ပင်မှာစုံစမ်းပါတဲ့ ကြိုက်ပြီဆိုရင် ဘဏ်မှာ ပေါင်းထားတဲ့ ဂရန်စာရွက်စာတမ်းတွေကို ခင်ဗျားတို့ပေးတဲ့ ပိုက်ဆံနဲ့ သွားရွေးပြီးပေးမယ် ။အဲဒီ အခါကျန်တဲ့ငွေ သိန်းတစ်သောင်းကို ဘဏ်မှာ လွှဲပေးရမယ် ၊ ပြီးတော့မှ မှတ်ပုံတင်အရောင်းအဝယ်စာချုပ်ချုပ်တာတို့ စည်ပင်မြေပုံမြေရာဇဝင်ကူးတဲ့ ကိစ္စတွေ ဆောင်ရွက်နိုင်အောင် ရန်ကုန်မြို့စာချုပ်စာတမ်းမှတ်ပုံတင်ရုံးမှာ အထူးကိုယ်စာလှယ်စာလွှဲ ပေးလိုက်မယ်တဲ့ဗျာ ----ကဲ--- စာဖတ်သူစဉ်းစားကြည့်ဗျာဘယ်လောက်တရားမျှတလဲလို့ ......
စိတ်ထားကောင်းဖို့ ပထမ
ဒါပေမဲ့ စာရေးသူရဲ့ မိတ်ဆွေကလည်း အဲဒီနေရာကိုဘယ်လိုကြိုက်မှန်းကိုမသိဘူး သူပြောတဲ့ အတိုင်းဝယ်မယ်ဆိုလို့ အစအဆုံးအောင်မြင်အောင်ဆောင်ရွက်ပေးခဲ့ရဘူးတယ် ။ဒါကြောင့် ရှေ့လူကြီးတွေ ပြောတာသွားသတိရတယ် ' ရွှေအကြောင်းဖယောင်းမှသိ လူအကြောင်းပေါင်းမှသိသတဲ့ ' အခုလည်း စာရေးသူသိလိုက်ပါပြီးလေ လူဆိုတာ ဆင်းရဲချမ်းတာ ၊ချမ်းသာတာ ပဓာနမဟုတ်ဘူး စိတ်ထားကောင်းဖို့ အဓိကပါလို့ သတိသံဝေဂရလိုက်ပါတော့တယ် ။။။
(လူအချင်းချင်းလှည့်ပတ်ခြင်းကင်းရှင်းကြပါစေ )
လွှတ်တော်ရှေ့နေမောင်ကောင်းဖေ မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးရေးသားဖော်ပြသည်။
Credit: iMyanmarHouse.com
